San Lucas 4:41 - Tzotzil de Huixtán

⁴¹ Ep iloc' pucuj ti yo'ntonic. Oy tsots ic'opoj ti pucujetique c'alal iloq'uique. Hech laj yalic: ―Ho'ot Snich'onot ti Diose ―xchiic. Hech yu'un ti Jesuse laj spas ti mantal ti yan pucujetique yu'un mu me xc'opojic yu'un laj yojtiquinic ti ja' ti Jcoltavaneje.

Tzotzil Zinacantan

⁴¹ Ep la noxtoc ti muchꞌutic iloqꞌuesbat pucuj ta yoꞌonique. Ti cꞌalal ilocꞌ ti pucujetique, iꞌavanic la. ―Voꞌot Xchꞌamalot ti Rioxe ―xiic la. Yechꞌo un ti pucujetique muc la xꞌaqꞌue cꞌopojicuc más yuꞌun ti Jesuse, yuꞌun la snaꞌojic ti jaꞌ stꞌujoj Riox ti tspasvan ta mantale.

Bible in Tzotzil de Chamula

⁴¹ Ti yepal no'ox col ti jchameletique, oy bu loc' batel pucuj ta stojolic ti xi ta x'avanique: —Vo'ot Xnich'onot Dios. Ja'uc ti Jesuse ta sjajanta ti pucujetique. Mu xac' c'opojuc jutebuc yu'un ti pucujetique sna'ojic ono'ox ja' ti Cristoe.

LEQUIL ACH' C'OP

⁴¹ Ep noxtoc ti much'utic iloq'uesbat pucuj ta yo'onique. Ti c'alal iloq'uic ti pucujetique, i'avanic, ja yech iyalic chac li'i: ―¡Vo'ot Xch'amalot ti Rioxe! ―Xiic. Yech'o un ti pucujetique muc x'aq'ue c'opojicuc más yu'un ti Jesuse, yu'un sna'ojic ti ja' ti much'u tacbil tal yu'un ti Rioxe.

Bible in Tzotzil de Chenalhó with Deuterocanon

⁴¹ Oy ep boch'otic iloc' pucuj ta yo'ntonic noxtoc. Li pucujetique tsots i'avanic ti c'alal iloq'uique, jech laj yalic: —Vo'ot Xnich'onot Dios —xiic. Pero li Jesuse la spajes li pucujetique; muc xac' c'opojicuc, yu'un sna'ic ti ja' li Cristoe.

Tzotzil San Andres

⁴¹ Oy ep buchꞌutic ilocꞌ pucujetic ta yoꞌonic. Li pucujetique tsots icꞌopojic li cꞌalal iloqꞌuique. Jech laj yalic: ―Joꞌot Snichꞌonot li Diose ―xiic. Li Jesuse laj yalbe li pucujetique ti acꞌo mu xcꞌopojique. Yuꞌun li pucujetique snaꞌojic ti jaꞌ tꞌujbil yuꞌun Dios ti ta xꞌoch ta ajvalilal li Jesuse.

San Lucas 4:41 Iomraidhean Croise

San Mateo 26:63

Muc xtac'av ti Jesuse. Ti mero totil palee hech laj xcha'jac'be nixtoc ti Jesuse: ―Albun ca'itutic ti stojol ti Diose ti stalel cuxule, ¿mi melel ti ho'ot ti Cristoote ti t'ujbilot yu'un ti Diose? ¿Mi ho'ot snich'onot ti Diose? ―x'utat.

San Mateo 4:3

Ti totil pucuje, ja' ti mero jlo'lavaneje, lic sc'opon ti Jesuse. Hech laj yalbe: ―Mi ho'ot snich'onot ti Diose, paso mantal ac'o pasuc ti vaj avi ton li'to, hech chata ave'el ―xut.

San Mateo 8:16

C'alal imal xa ti c'ac'ale, i'ic'atic talel ti stojol ti Jesuse ep ti much'utic ochem pucuj ti yo'ntonique. Jp'el no'ox mantal laj yal ti Jesuse hech iloc' ti yo'ntonic ti pucujetique. Icol yu'un uc scotol jchameletic.

San Mateo 8:29

Ti xcha'va'alique hech laj yavtaic ti Jesuse: ―Mu aventaucuntutic, Jesús, ho'ot Snich'onot ti Diose. Mu to tsta yorail ti chavilbajinuntutic ―xchiic.

San Mateo 8:4

Ti Jesuse hech laj yalbe: ―A'yo' me ava'i, mu me much'u chavalbe ya'i. Batan, ba ac'o aba ti q'uelel ti stojol ti palee. Ac'bo smoton ti Diose hech chaj c'u che'el laj yal ti Moisese. Hech tsna'ic ti jchi'iltique ti nacol xae ―xut.

Marcos 1:25

Ti Jesuse laj spajes ti pucujetique. Tsots laj yalbe: ―Anchanic, loc'anic tal ti yo'nton ti vinique ―xut.

Marcos 1:32

C'alal imal xa ti c'ac'ale, po'ot xa ch-ic'ub ti osile, i'ic'atic talel ti stojol ti Jesuse scotol ti much'utic tsacbilic ti chamele xchi'uc ti much'utic ochem pucuj ti yo'ntonique.

Marcos 1:34

Ep ti jchameletique ti italic ti stojol ti Jesuse. Icol yu'un scotol ti Jesuse ti c'uc no'ox chamel cha'yique. Ep italic ti much'utic ochem pucuj ti yo'ntonique. Laj sloq'ues scotol ti pucujetique ti Jesuse. Muc x'ac'at c'opojuc ti pucujetique yu'un ch-ojtiquinvan ti pucujetique ti ja' Snich'on ti Diose.

Marcos 3:11

C'alal laj yilic ti Jesuse ti pucujetique, laj squejan sbaic ti stojol, hech tsots ic'opojic: ―Ho'ot Snich'onot ti Diose ―xchiic.

San Lucas 4:39

Ti Jesuse inopej batel ti yo' bu metsel ti antse, laj yal mantal ac'o lamajuc ti sc'ac'ale. Ti ora ilamaj ti sc'ac'ale. Ti ora ilic ti antse, lic mac'linvanuc.

San Juan 20:31

Ja' sventail ti i'och ti ts'ibael avi yepal li'to yu'un chach'unic ti ja' Jcoltavanej cu'untic ti Jesuse, ti ja' Snich'on ti Diose. Yu'un mi hech chach'unic, hech chacuxiic sbatel osil ti sventa.

Santiago 2:19

“Jch'unoj ti jun no'ox ti Diose”, xachi. Chacuy ti ta yutsil. Hech xch'unojic uc ti xchi'iltac ti totil pucuje. Yu'un ti tsna' ti jun no'ox ti Diose ti xchi'iltac ti totil pucuje, mu yu'unuc nichim no'ox yo'ntonic. Chi'ic yu'un ti Diose.