San Lucas 3:14 - Tzotzil de Huixtán

¹⁴ Te oy soldadoetic uc. Hech ijac'bat ti Juane yu'un ti soldadoetique: ―Ti ho'ontutique, ¿c'usi chcut jbatutic? ―xchiic. Ti Juane hech laj yalbe: ―Nichimuc me avo'ntonic yu'un ti c'u yepal cha'ac'batic ti stojol avabtelique. Mu me much'u chasibtas, mu me much'u chanopbe smul yu'un hech xu' avu'un chavich'be staq'uin ―xut.

Tzotzil Zinacantan

¹⁴ Tey la jayvoꞌ solteroetic noxtoc. ―Ali voꞌoticotique ¿cꞌusi tscꞌan ta jpasticotic uc? ―xutic la ti Juane. ―Mu me muchꞌu xasibtasic, mu me xasaꞌic mulil yoꞌ xatsacvanic oe, yoꞌ xacꞌanic o taqꞌuine. Junuc o avoꞌonic ti cꞌu yepal chatojatique ―xꞌutatic la yuꞌun ti Juane.

Bible in Tzotzil de Chamula

¹⁴ Xi jac'bat yu'un jun chib soldado ti Juane: —Ti vu'uncutique, ¿c'usi sc'an ta jpascutic? Xi tac'batic yu'un ti Juane: —Mu xasibtasvanic, mu xajutbeic smul ti buch'u mu'yuc c'usi spasoje. Mu xapojbeic ti c'usi oy yu'unique. Paso ta jun avo'ntonic ti c'u yepal ta xavich'ic atojolique.

LEQUIL ACH' C'OP

¹⁴ Tey jayvo' soltaroetic noxtoc, xi isjaq'uic uque: ―Li vo'oticotique ¿c'usi tsc'an ta jpasticotic uc? ―Xutic. Itac'av ti Juane: ―Mu me much'u xa sibtasic, mu me much'u xa nopbeic smul ti c'alal ch'abal c'usi spasoje, ti ja' chapojbeic o li c'usuc yu'une; junuc o me avo'onic ti c'u yepal chatojatique ―x'utatic yu'un ti Juane.

Bible in Tzotzil de Chenalhó with Deuterocanon

¹⁴ Jech la sjaq'uic jayibuc soldadoetic ec: —Li vu'uncutique, ¿c'usi tsc'an ta jpascutic ec? —xiic. Itac'ov li Juane: —Cuxetuc no'ox avo'ntonic ti c'u yepal chavich' atojolique. Mu me boch'o xasibtasic, mu me boch'o xanopbeic smul sventa chapojbeic c'usi oy yu'un —xut.

Tzotzil San Andres

¹⁴ Te oy nojtoc jayvoꞌ soltaroetic. Jech la sjacꞌbeic eꞌuc li Juane: ―Li joꞌoncutique ¿cꞌusi ta jpascutic eꞌuc? ―xiic. Itacꞌav li Juane: ―Mu me buchꞌu xasibtesic, mu me buchꞌu xasaꞌbeic smul yoꞌ jech xuꞌ chacꞌanbeic o li staqꞌuinique. Muybajanic noꞌox ti cꞌu yepal chavichꞌ atojolique ―xut.

San Lucas 3:14 Iomraidhean Croise

San Mateo 8:5

I'och ti jteclum Capernaum ti Jesuse. Te ital ti stojol jun yanlum vinic. Ja' capitan soldado ti vinique. Tal yalbe vocol ti stojol.

San Lucas 19:8

Ti Zaqueoe laj sva'an sba ti stojol ti Cajvaltique, hech lic yalbe: ―A'yo me ava'i, Cajval, chcac'be o'loluc jc'ulejal ti me'onetique. Mi oy much'u laj jlo'labe staq'uin, ti jsutesbe chanib vuelta ―xchi.

San Lucas 3:10

Ti Juane hech ijac'bat yu'un ti crixchanoetique: ―¿C'usi chcut jbatutic che'e, ho'ontutic? ―xchiic.

San Lucas 3:13

Ti Juane hech laj yalbe: ―Mu me xac'ambeic yech'omal ti patan ti chatsobique ―xut.

Hechos 10:7

Hech ibat ti ch'ul abate ti laj sc'opone. Ti Cornelioe oy ep yajsoldado ti chchabiat yu'un. Hech yu'un lic yic' tal jun, ja' ti toyol yo'nton tsc'an chch'umbe smantal ti Diose. Laj yic' tal cha'vo' smozotac uc.

Filipenses 2:15

Hech mu xataic amulic ti stojol. Hech lec avo'ntonic chac'otic. Hech chvinaj ti yol snich'onoxuc ti Diose. Hech mu'yuc amulic chayilic ti much'utic mu xtun ti yo'ntonique. Ho'oxuque chaquevanic ya'yel ti stojolic hech chaj c'u che'el toj ti chtil ti ac'ubaltic.

Filipenses 4:11

Mu yu'unuc uts jba yu'un ti hech chcale. Mi oy c'utic oy cu'un, mi mu'yuc, mu xquich' mul. Nichim no'ox co'nton. Hech jchanoj.

SUN TITO 2:3

Hech ono'ox uc ti me'eletique, ac'o oyuc srazonic, ac'o spasic c'usi lec. Mu me snopbeic smul yan, mu me xyacubic. Ac'o me yaq'uic ti q'uelel c'usi lec ti pasel.

Apocalipsis 12:10

Hech yu'un laj ca'i oy tsots chc'opojic te ti vinajel. Hech laj yalic: ―Laj xa sta yorail chcoltavan ti Dios cu'untique. Chvinaj ti jelaven sp'ijile, chlic spas mantal stuc. Ch-och ti pas mantal ti much'u t'ujbil yu'une, ja' ti Cristoe, yu'un itenat xa loq'uel ti Satanase ti ja' tsa'ilambe smul ti quermanotique ti te oyic ti balumile. Ti c'ac'al ti ac'ubal laj sa'be smulic ti stojol ti Dios cu'untique.