San Lucas 23:8 - Tzotzil de Huixtán

⁸ C'alal laj yil ti Jesuse ti Herodese, nichim no'ox yo'nton. Yu'un ep xa c'ac'al tsc'an tsq'uelbe sat yu'un ep ya'yojbe sc'opilal ti Jesuse. “Taca jq'uel ti c'u che'el tspas junuc señail ti Jesuse”, xchi ono'ox ti yo'nton ti Herodese.

Tzotzil Zinacantan

⁸ Ti Erodese, ti cꞌalal iyil ti Jesuse, xmuyubaj xa la tajmec yuꞌun la voꞌne xa onox tscꞌan chojtiquin. Yuꞌun la yaꞌyoj ti cꞌusitic lec ispase. “Tey ta jqꞌuel cꞌusi ora xquilbe slequilal syuꞌelal ti Jesuse”, xi onox la.

Bible in Tzotzil de Chamula

⁸ Ti Herodese xmuyubaj no'ox ta j'ech'el c'alal yilbe sat ti Jesuse, yu'un vo'ne xa ono'ox ta sc'an ta sq'uel ya'i. Yu'un ya'binojbe sc'oplal xchi'uc ta sc'an ta sq'uel ya'i ti ac'o ac'batuc yil ti c'usi ch'ayal ta xc'ot o'ntonal yu'un ti Jesuse.

LEQUIL ACH' C'OP

⁸ Ti c'alal iyil Jesús ti Erodese, xmuyubaj xa tajmec, yu'un vo'ne xa onox oy ta yo'on tsc'an tsq'uel, yu'un ya'yoj be sc'oplal, yu'un smalaoj ti c'usi ora tsq'uelbe jtosuc slequilal syu'elale.

Bible in Tzotzil de Chenalhó with Deuterocanon

⁸ C'alal laj yil Jesús li Herodese, toj xcuxet ic'ot yo'nton. Yu'un ep xa c'ac'al chac sq'uel ya'ay, yu'un ya'yojbe sc'oplal ti ep c'usitic xu' yu'un ta spase. Jech oy ta yo'nton tsc'an tsq'uel c'alal tspas sq'uelubil stsatsal li Jesuse.

Tzotzil San Andres

⁸ Cꞌalal iyil Jesús li Herodese, xmuybaj xa. Yuꞌun voꞌone caj chac yojtaquin yuꞌun yaꞌiojbe scꞌoplal ti oy cꞌustic tspas li Jesuse. “Ti oy la bu chquil ti cꞌu sba chacꞌ ta ilel stsatsal sjuꞌel li Jesuse”, xi onoꞌox ta yoꞌon li Herodese.

San Lucas 23:8 Iomraidhean Croise

San Mateo 14:1

Laj ya'ibe sc'opilal ti Jesuse ti gobernadore, ja' ti Herodes sbie.

Marcos 6:14

Yu'un ep puquem sc'opilal ti Jesuse, hech yu'un laj ya'i uc ti ajvalile, ja' ti Herodese. Yu'un oy laj yalic ti jchi'iltaque: ―Lume, ja' ti Juane, ja' ti laj yac' ich'ho'e. Icha'cuxi xa loq'uel tal ti ch'en. Hech yu'un oy sp'ijil yo'nton hech yu'un xu' tspas jchop o abteletic ―xchiic.

Marcos 8:34

Ti Jesuse laj yic' tal ti stojol scotol ti jchi'iltaque ti te stsoboj sbaique xchi'uc ti yajchanc'opetique. Hech laj yalbe: ―Ti much'u tsc'an chists'acliune, mu me xc'uxubin sba, ac'o cuchuc yu'un ti vocole hech chaj c'u che'el ti jcuch ho'oni, ac'o sts'acliun.

San Lucas 4:23

Ti Jesuse hech laj yalbe: ―Hech chlic avalbucun hech chaj c'u che'el oy chalic: “Ho'ot jpoxtavanejot, poxtao aba atuc, hech chlic jch'untutic”, ti xchiique, xavutucun. Ja' hech sjam ti chac'an ti jpas li' ti jlumaltique ti c'u che'el laj xa ava'yic ti ihu' cu'un te ti jteclum Capernaume yu'un hech chlic ach'unic chacuyique ―xchi ti Jesuse.

Hechos 8:19

Hech laj yalbe: ―Ac'bun cabtel uc yu'un chcac'be yich' ti Ch'ul Espíritue scotol ti much'utic chcac' jc'ob ti sjolic ―xchi ti Simone.