San Lucas 22:7 - Tzotzil de Huixtán

⁷ Laj sta yorail ti tsve'ic ti caxlan vaje ti mu pumesbiluc xch'ute, ti tsmilic ti ch'iom carneroe ti tsti'ic yu'un ti q'uin Pascuae hech chaj c'u che'el yaloj ti Diose.

Tzotzil Zinacantan

^7-8 Ti cꞌalal ista scꞌacꞌalil ta sveꞌic pan ti muc bu yichꞌoj svuquesobil xchꞌute, cꞌalal tsmilic li chꞌiom chijetic scuenta li sqꞌuinal ti cꞌalal iloqꞌuic ta mozoil ti baꞌyi stot smeꞌic li jꞌisraeletique, ti Jesuse istac echꞌel li Pedroe xchiꞌuc li Juane. ―Batanic, ba meltsanic li chij ta jtiꞌtic ta qꞌuine ―xꞌutatic la.

Bible in Tzotzil de Chamula

⁷ Sta yorail ti q'uin ta sve'ic pan ti ch'abal yich'oj spajubtasobile, ti ja' o sc'ac'alil ta xich' milel ti chij sventa ti q'uin Colele.

LEQUIL ACH' C'OP

⁷ Ista sc'ac'alil c'alal tsve'ic pan ti muc bu yich'oj svuquesobil xch'ute, ja' o ti c'alal tsmilic li ch'iom chij ta scuenta li sq'uinal ti c'alal iloq'uic ta mozoile.

Bible in Tzotzil de Chenalhó with Deuterocanon

⁷ C'alal la sta sc'ac'alil ta sve'ic pan ti mu'yuc yich'oj svolesubil xch'ute, ja'o ti c'alal ta smilic li ch'ium chij ta sventa q'uin Coltaele,

Tzotzil San Andres

⁷ Ista scꞌacꞌalil ta sveꞌic pan ti muc bu yichꞌoj svochesobile, schiꞌuc ta slajesic li chexel chijetic ta sventa qꞌuin Coltael jech chac cꞌu chaꞌal yaloj onoꞌox li Diose.

San Lucas 22:7 Iomraidhean Croise

San Lucas 22:1

Po'ot xa tsta yorail q'uin pascua sbi c'alal tsve'ic caxlan vaj ti mu pumesbiluc xch'ute.

San Lucas 22:6

Ti c'u che'el ichapaj yu'unique lec laj ya'i ti Judase. Hech lic snop ti yo'nton c'usi ora xu' chac'be entrecal yu'un hech mu xlic c'op yu'un ti xchi'iltaque.

1 Corintios 5:7

Nopic me c'u che'el tspasic ti jchi'iltique ti yorail q'uin Pascua, ho'ucutic ti co'ol judioucutic xchi'uque. Scotol chch'ubeic loq'uel ti snaic ti caxlan vaje ti pumesbil xch'ute xchi'uc uc scotol ti harina ti t'uxubtasbile ti bu capbil xa xchi'uc ti spumesbile. Ja' chch'ubeic loq'uel scotol ti c'alal mu to chlic ti q'uine. Patil chlic smeltsanic ach' vaj ti mu pumesbiluc xch'ute. C'alal tsve'ic ti vaje ti mu pumesbiluc xch'ute, c'alal tsti'ic ti carneroe, tsna'ic ti colemic xa ti mozoile, ti libre oyic xae. Hech chaj c'u che'el laj xch'ubeic loq'uel scotol ti bu poco pasbile, laj spasic ach', ja' no'ox hech tsc'an ti chaloq'uesic scotol ti mulile hech xu' avu'unic chapasic ti c'usi leque. Yu'un yac'ojbucutic ach' jcuxlejaltic ti Cristoe ti sventa ti laj yac' sba ti milel cu'untique, hech yu'un xu' cu'untic ti chcom cu'untic ti mulile.