San Lucas 21:34 - Tzotzil de Huixtán

^34-35 ’P'ijanic me, mu me ja'uc te batem avo'ntonic c'u che'el lec cha'ech'ic li' ti balumile, hech mu xa ats'aclinojucun c'alal chul jtaoxuc. Yu'un mi hech chapasique, ch'ayem avo'ntonic chul jtaoxuc ti yorail chcale. Hech chaj c'u che'el ti ts'i' mu sna' c'usi ora chba ochuc ti pets', hech ono'ox uc ti crixchanoetique mu sna'ic c'usi ora chtal ti vocole ti sjoylejal balumil.

Tzotzil Zinacantan

³⁴ ’Qꞌuelo me abaic, mu me jaꞌuc ta avoꞌonic li cꞌusitic liꞌ ta sba balamile, xchiꞌuc li cꞌusitic chal avoꞌonique, xchiꞌuc li yacubele. Mu me jaꞌuc xavat o avoꞌonic ti bu chataic li cꞌusitic chtun avuꞌunique. Ti mi jaꞌ noꞌox ta avoꞌonique, chꞌayem avoꞌonic chul jtaoxuc ti cꞌalal xichaꞌsut tale.

Bible in Tzotzil de Chamula

³⁴ “Bijanic, mu me xyijub avo'ntonic yu'un ti yacubele, mi yan ti c'usi ta xapasique, ti xvulvun no'ox avo'ntonic c'usi xu' ta xavut aba li' ta sba banomile, yo' mu ch'ayaluc avo'ntonic xataeic ti jech c'ac'al taje.

LEQUIL ACH' C'OP

³⁴ »Q'uelo me abaic, mu me xa vac'be permiso lavo'onique ti naca xa ja' tsnop li c'usitic lec chava'i atuquique, ja' li yacubele, xchi'uc ti chavat o avo'onic ti c'uxi cha cuxiique, yo' ti mu ch'ayemuc o avo'onic ti c'alal xc'ot sc'ac'alil xtale.

Bible in Tzotzil de Chenalhó with Deuterocanon

³⁴ “Q'uelo me aba atuquic. Mu me stsatsub avo'ntonic ta scoj li c'usitic tsc'an abec'talique, ta sventa li yacubele, xchi'uc ta sventa sc'op o'ntonal ti c'u x'elan chacuxiique. Yu'un jech mu ch'ayemuc avo'ntonic c'alal chc'ot ta pasel

Tzotzil San Andres

^34-35 ’Qꞌuelo me abaic, maꞌuc noj me batem ta avoꞌonic li cꞌustic oy liꞌ ta balumile, schiꞌuc li cꞌustic chacꞌan atuquique, schiꞌuc li cꞌu sba chacuxiic liꞌ ta balumile. Mi yuꞌun jaꞌ noꞌox te batem o avoꞌonique, chꞌayem avoꞌonic chjul jtaoxuc li cꞌalal chichaꞌtale. Jech chac cꞌu chaꞌal jcot tsꞌiꞌ ti mu sqꞌuel li bu ta xꞌechꞌe, cꞌalal ta xaꞌie ochem ta petsꞌ, jaꞌ noꞌox jech eꞌuc li crixchanoetique, mu snaꞌic cꞌu ora ta xtal li ichꞌ vocol ta spꞌejel balumile.

San Lucas 21:34 Iomraidhean Croise

San Mateo 13:22

Ti sat strigoe ti ic'ot ti bu ch'ixtique, ja' señail ti much'u batem ti yo'nton ti c'usi oy li' ti balumile. Ja' te chlo'laat yu'un ti c'usi tsc'ane. Hech yu'un ti sc'op ti Diose ti cha'ie, ja' chquevtaat ya'yel yu'un ti sbic'tal yo'ntone. Hech mu satin ti sc'op ti Diose te ti yo'ntone.

Marcos 13:9

’Ti ho'oxuque p'ijanic me, yu'un oy jchi'iltic chlic yac'oxuc entrecal ti sc'ob ti much'utic oy yabtelic te ti templo. Oy ti j'abteletique ti chayac'boxuc acial te ti yut templo yu'unique. Oy chayic'oxuc batel ti stojol gobernadoretic xchi'uc ti stojol yan ajvaliletic ho'on ti jventa. Hech chacholbucun jc'op ti stojolic.

San Lucas 10:41

Itac'av ti Jesuse, hech laj yalbe: ―Marta, scoj ti ep c'utic chapase, hech chlo'laj avo'nton yu'un. Hech mu nichimuc avo'nton.

San Lucas 12:40

Hech yu'un ti ho'oxuque chapalucoxuc me yu'un ti c'alal muc chamalaucun, ja' yorail chital, ho'on ti co'ol crixchanoucutique ―xchi ti Jesuse.

San Lucas 17:3

’P'ijanic me. Mi laj sta smul ti atojol ti avermanoe, ja' tsc'an chataq'ui. Mi laj sutes yo'ntone, ja' tsc'an chapasbe perdón.

San Lucas 21:8

Ti Jesuse hech laj yalbe: ―P'ijanic me, mu me xalajic ti lo'lael. Yu'un ep chtalic chalic: “Ho'on Jcoltavanejun”, xchiic. Oy chtal yalic: “Yorail xa ti chtal ti Cristoe”, xchiic. Mu me xach'unic.

San Lucas 8:14

Ti sat strigoe ti ic'ot ti bu ch'ixtique ja' señail ti much'u batem ti yo'nton ti c'usi oy li' ti balumile, xchi'uc ti c'usi oy yu'une, xchi'uc ti c'usi lec cha'i ti sbec'talique. Hech muc satin ti sc'op ti Diose te ti yo'nton.

1 Corintios 5:11

Ja' hech sjam ti c'u che'el laj jts'ibaboxuque ti mu me xac'alanilan abaic ti stojol ti much'utic quermanotic scuyoj sbaique ti chmulivajique, ti much'utic ep chbic'taj yo'ntonique, ti xch'unojic to ti santoetique, ti chopol ti c'usi chalique, ti chyacubique, ti ch-elc'ajique. Mu me xachi'in manchuc mi ti ve'el.

Gálatas 5:20

Ti jpastic ti muc' santoetic, ti jpastic picch'ich'. Chquilinta jbatic, mu xtun chquil jbatic, ti jpas biq'uit co'ntontic, ti jliques sc'ac'al co'ntontic, ja' no'ox ti jc'antic mi lec chijbat jtuctic, ja' ti jc'antic ti cha'tos ac'o c'otuc ti quermanotique. Ja' no'ox ti jc'antic ti ac'o jp'ev jbatic xchi'uc.

Filipenses 4:6

Mi jutuc mu me xlo'laj avo'ntonic ti c'utic palta chava'ique. Scotol ora c'ambeic ti Diose ti bu palta chava'ique. “Hocol aval ti chacoltaune”, xavutic ti Diose.

Hebreos 12:15

Q'uelic lec mi oy much'u tsc'an chchibaj yo'nton hech mu sta ti yutsil yo'nton ti chijyac'bucutic ti Diose. Coltaic me. Yu'un mi mu xch'ay ti co'ntontic ti c'utic c'otem ti pasel hech chbolib ti co'ntontique. Hech chbolib yo'ntonic yan quermanotic uc.

2 Pedro 3:10

Tsta yorail ti chchapavan ti Cajvaltique. Hech chac c'u che'el mu jna'tic c'usi ora chtal j'elec' ti ac'ubaltic, ja' no'ox hech mu jna'tic c'usi ora chc'ot ti pasel. Mi laj sta yoraile, xvochlej xc'avlej no'ox ti vinajele hech no'ox tstsac ch'ay batel. Ti c'utic chquevan chquiltique, chc'ac', chlilij yal tal scotol. Ti balumile xchi'uc scotol ti c'usi li' pasbile chc'ac'.

2 Pedro 3:14

Hech yu'un ho'oxuc ti c'uxoxuc ti co'ntone, yu'un chamalaic ti hech chc'ot ti pasele, toyoluc me avo'ntonic yu'un hech mu'yuc mulil ti avo'ntonic, mi jutuc mu bolibenuc avo'ntonic c'alal chc'o ava'an abaic ti stojol. Hech lec chayiloxuc.

Apocalipsis 3:3

Hech yu'un na'ic me ti c'utic nachanubtasat ti sliquebe hech chaj c'u che'el ava'yojique. Pasic me ti muc', suteso me avo'ntonic yu'un amulic. Mi mu xap'ijubique, chacac'boxuc castigo. Hech chaj c'u che'el mu xana' c'usi ora chtal j'elec', hech ono'ox uc mu xana' c'usi ora chtal ti castigoe.