San Lucas 14:11 - Tzotzil de Huixtán

¹¹ Yu'un scotol ti much'u chac' sba ti pasel ti muc', ja' chbic'tajesat. Ti much'u biq'uit chac' sbae ja' ch-ac'at ti pasel ti muc' ―xchi ti Jesuse.

Tzotzil Zinacantan

¹¹ Jaꞌ noꞌox yech ti muchꞌutic tstoy sbaique ch-aqꞌueic ta qꞌuexlal yuꞌun ti Rioxe. Yan li muchꞌutic mu snaꞌ stoy sbaique, jaꞌ ch-aqꞌueic ta ichꞌel ta mucꞌ yuꞌun ti Rioxe ―xꞌutatic la yuꞌun ti Jesuse.

Bible in Tzotzil de Chamula

¹¹ Ti buch'u ta xac' sba ta ich'el ta muq'ue, ta xpec'tsanbat sc'oplal. Ja'uc ti buch'u biq'uit ta xac' sbae, ta xtoyesbat sc'oplal.

LEQUIL ACH' C'OP

¹¹ Yu'un ti much'u chac' sba ta ich'el ta muc' stuque, ta xich' aq'uel ta q'uexlal; yan ti much'u biq'uit chac' sbae, ta xich' aq'uel ta ich'el ta muc'. ―X'utatic yu'un ti Jesuse.

Bible in Tzotzil de Chenalhó with Deuterocanon

¹¹ Yu'un li boch'o muc' chac' sbaique, ta sbic'tajesatic. Yan li boch'o biq'uit chac' sbaique, ja' ta x'ac'atic ta ich'el ta muc' —xi li Jesuse.

Tzotzil San Andres

¹¹ Yuꞌun li buchꞌutic ta scꞌan ti ichꞌbilic ta muqꞌue, ta xbicꞌtajeseic yuꞌun li Diose. Yan li buchꞌutic ta sbicꞌtajes sbaique jaꞌ ta xꞌaqꞌueic ta ichꞌel ta mucꞌ yuꞌun li Diose ―xi li Jesuse.

San Lucas 14:11 Iomraidhean Croise

San Mateo 23:12

Yu'un ti much'u chac' sba ti pasel ti muc', ja' chbic'tajesat yu'un ti Diose. Ja'uc ti much'u biq'uit chac' sbae, ja' ch-ac'at ti pasel ti muc' yu'un ti Diose.

San Lucas 1:51

Laj yac' ti q'uelel ti jelaven sp'ijile. Xu' yu'un tsjimbe yabtel ti much'utic tstoy sbaique, ja' ti much'utic p'ij scuyoj sbaique, hech mu xa xu' yu'unic ti c'utic snopojique.

San Lucas 1:52

Xu' yu'un tsten loq'uel ti totile ti tsots tspas mantale. Xu' yu'un chac'be tsots yabtel ti much'utic biq'uit ch-ilatique.

San Lucas 14:12

Ti Jesuse hech lic yalbe uc ti much'u i'ic'at ti ve'el yu'une: ―C'alal cha'ic'van ti ve'el, c'alal chapas q'uin, mu me ja'uc chavic' ti much'utic lec chac'opon abaic xchi'uque, xchi'uc ti anamtal'uts-alaltaque, xchi'uc ti avuts avalaltaque, xchi'uc ti avecinotaque ti jc'ulejique. Yu'un repenta chlic yic'ot ti ve'el uc, hech chaxq'uextabot ti ave'ele.

San Lucas 18:14

Chacalbeic, ti jtsobpatane ch'ayem xa smul isut batel ti sna. Ti fariseoe muc xch'ay ti smule. Yu'un scotol ti much'u chac' sba ti pasel ti muc', ja' mu spasat ti muc' yu'un ti Diose. Ti much'u biq'uit chac' sbae, ja' tspasat ti muc' yu'un ti Diose ―xchi ti Jesuse.

Santiago 1:9

Mi me'onoxuc, quermano, nichimuc me avo'ntonic yu'un laj xa spasoxuc ti muc' ti Diose.

Santiago 4:10

Bic'tajanic me ti stojol ti Diose, hech lec chayiloxuc.

Santiago 4:6

Yu'un hech tsc'an ti Diose ti chcajvalintique, hech yu'un ti Diose chijyac'bucutic yutsil co'ntontic yu'un hech xu' cu'untic chcajvalintic stuc no'ox. Hech yu'un ti hech chale: “Ho'on Diosun, ti jcontrain ti much'utic tstoy sbaique. Ja' chcaq'uilambe yutsil yo'ntonic ti much'utic mu stoy sbaic ti jtojole”, ti xchie.

1 Pedro 5:5

Ja' no'ox hechoxuc uc, unen viniquetic, ch'umbeic smantal ti ancianoetique. Acotolic ch'umbo abaic amantalic. Biq'uit chavac' abaic. Yu'un ti Diose tscontrain ti much'utic tstoy sbaique. Tscolta ti much'utic biq'uit chac' sbaique, ti xchie.

1 Pedro 5:6

Hech yu'un bic'tajanic me ti stojol ti Diose ti ja' jelaven sp'ijile yu'un hech chayac'ot ti pasel ti muc' c'alal tsta yorail.