San Lucas 11:1 - Tzotzil de Huixtán

¹ Ti yan c'ac'al c'alal laj yo'nton laj sc'opon Dios ti Jesuse, hech i'albat yu'un ti jun yajchanc'ope: ―Cajval, chanubtasuntutic ti c'u che'el ti jc'opontutic Dios hech chaj c'u che'el laj xchanubtas ti yajchanc'opetique ti Juane ―xchi.

Tzotzil Zinacantan

¹ Ti jꞌechꞌele iscꞌopon la Riox ti Jesuse. Ti cꞌalal laj scꞌopone ―Cajval, chanubtasoticotic ta scꞌoponel ti Riox uque chac cꞌu chaꞌal ixchanubtas yajchancꞌoptac ti Juan jꞌacꞌ-ichꞌvoꞌe ―xi la jun li lajchavoꞌe.

Bible in Tzotzil de Chamula

¹ Oy bu c'ot ta pasel c'opoj ti'in ti Jesuse. C'alal laj yo'ntone, xi albat yu'un jun yajchanc'ope: —Cajval, chanubtasuncutic ta c'opojel ti'inel jech c'u cha'al laj xchanubtas yajchanc'optac ti Juane.

LEQUIL ACH' C'OP

¹ Ti j'ech'ele isc'opon Riox ti Jesuse; ti c'alal laj sc'opone, oy jun yajchanc'op ja' yech iyal chac li'i: ―Cajval, chanubtasoticotic ta sc'oponel Riox uc chac c'u cha'al ixchanubtas yajchanc'optac ti Juan j'ac'-ich'vo'e ―xi.

Bible in Tzotzil de Chenalhó with Deuterocanon

¹ Ta yan c'ac'al ibat sc'opan Dios stuc li Jesuse. C'alal ilaj yo'nton ta sc'opanel Diose, jech i'albat yu'un jun yajchanc'op: —Cajval, chanubtasuncutic ta sc'opanel Dios ec jech chac c'u cha'al la xchanubtas ta sc'opanel Dios yajchanc'optac li Juane —xi.

Tzotzil San Andres

¹ Ta yan o cꞌacꞌal cꞌalal ilaj yoꞌon ta stael ta naꞌel Dios li Jesuse, jech iꞌalbat yuꞌun jun li yajchanbalajeltaque: ―Cajval, chanubtasuncutic ta stael ta naꞌel Dios eꞌuc jech chac cꞌu chaꞌal la schanubtas yajchanbalajeltac li Juan li iyacꞌ ta ichꞌel joꞌe ―xi.

San Lucas 11:1 Iomraidhean Croise

San Lucas 10:42

Jun no'ox ti bu tsots sc'opilale. Ti Maríae laj xa st'uj ti bu tsots sc'opilale ti mu'yuc much'u chpojbat yu'un ―xut.

San Lucas 11:2

Ti Jesuse hech lic yalbe ya'yic: ―C'alal chac'oponic Dios, hech me xavalbeic: Jtotic Dios, te oyot ti vinajel, ac'o xajpasotutic ti muc'. Ac'o sta yorail chapas mantal atuc li' ti balumile. Ac'o c'otuc ti pasel li' ti balumile ti c'usi tsc'an ti avo'ntone hech chaj c'u che'el c'otem ti pasel ti vinajel.

San Lucas 6:12

Ja' yorail iloc' batel ti Jesuse, imu batel ti vits, te ba sc'opon Dios. Sjunul ac'ubal icom te tsc'opon ti Diose.

San Lucas 7:13

C'ux ti yo'nton ti Cajvaltique c'alal laj yil ti antse. Hech yu'un laj yalbe: ―Mu me xa'oc' ―xut.

San Lucas 7:19

Hech yu'un ti Juane laj yic' tal cha'vo' yajchanc'opetic. Hech laj yalbe: ―Ba jac'bo ti Jesuse: “¿Mi ho'ot ono'ox ti Cristoote ti sc'opilal chatale, mi ti jmalatutic yan?” xavut ―xchi ti Juane.

San Lucas 9:18

Ti yan c'ac'al c'alal sq'uejoj sbaic batel xchi'uc ti yajchanc'opetique ti Jesuse, te tsc'opon Dios stuc ti Jesuse. Patil lic sjac'be ti yajchanc'opetique: ―¿Much'uun chiscuyun ti jchi'iltique? ―xut.

San Lucas 9:28

C'alal i'ech' xa vaxaquib c'ac'al laj yal hech ti Jesuse, laj yic' batel ti vits ti Pedroe xchi'uc ti Juane xchi'uc ti Jacoboe. Te ba sc'opon Dios.

Hebreos 5:7

C'alal i'ay li' ti balumile ti Jesuse, sco'oltajesoj sba hech chaj c'u che'el ti ho'ucutique. Hech yu'un ep laj yalbe vocol ti Diose yu'un mu me xcham ja'to mi ihu' yu'un ti yabtele. C'alal laj sc'opon Dios, i'avan, i'oc', yu'un ta xa xcham laj ya'i. Yu'un laj spas ti muc' ti Diose hech yu'un itsacbat sc'op yu'un ti Diose. Hech yu'un icoltaat.

Judas 1:20

Ti ho'oxuque ti c'uxoxuc ti co'ntone, tsatsubtasbo abaic avo'ntonic ti sventa ti sc'op ti Diose ti ja' jelaven yutsile. Ja'uc me ti sventa ti Ch'ul Espíritue chac'oponic Dios.