San Lucas 1:77 - Tzotzil de Huixtán

⁷⁷ Ho'ucutic t'ujbilucutic yu'un ti Diose, ho'ot chavac'bun jna'tutic ti chixch'aybucutic jmultic hech chijcolucutic.

Tzotzil Zinacantan

⁷⁷ Voꞌotic ti stꞌujojotic onoxe, voꞌot chavalbe li jchiꞌiltactique ti ch-aqꞌueic ta pertonal yuꞌun ti Rioxe ti mi ta xchꞌunic ti jaꞌ tstoj jmultic ti Cajvaltique. Ti mi ixchꞌunique, ta xcuxiic ta sbatel osil.

Bible in Tzotzil de Chamula

⁷⁷ Ta xavac'be sna' ti yalab xnich'nabe ta stael ti ch'aybil ta xc'ot ti smulique, xchi'uc ta staic coltael yu'un.

LEQUIL ACH' C'OP

⁷⁷ yu'un chavalbe ya'iic li steclumale ti ch-aq'ueic ta pertonal yu'un smulic yu'un ti Rioxe xchi'uc ti ta xcoltaatique.

Bible in Tzotzil de Chenalhó with Deuterocanon

⁷⁷ Tal avac'be sna'ic ti xu' tstaic coltaele, ti xu' tstaic perdón yu'un smulique.

Tzotzil San Andres

⁷⁷ Jaꞌ ta xalbe ti ta spasbatic perton yuꞌun li smulique, jaꞌ jech chcolic o mi ta schꞌunic ti jaꞌ Yajcoltavanejic li Cajvaltique, yuꞌun tꞌujbilutic onoꞌox yuꞌun Dios.

San Lucas 1:77 Iomraidhean Croise

San Lucas 3:3

Hech ixanav batel ti Juane te ti ti'ti'uc'um Jordán. Hech laj yal: ―Suteso me avo'ntonic yu'un amulic, ich'ic ho' hech chaxch'ayboxuc amulic ti Diose ―xchi.

San Lucas 3:6

Yu'un chtal xa ti Jcoltavanej cu'untique ti laj xa stac talel ti Diose. Ja' chtal scolta scotol crixchanoetic li' ti balumile”, chlic yut ti xchi'iltaque, xchi ti Isaíase.

San Juan 1:29

Ti yoc'omal laj yil ti Juane ti chtal ti stojol ti Jesuse. Ti Juane hech laj yalbuntutic, ho'ontutic ti te jchi'inojtutique: ―Q'uelo avil, li' chtal ti much'u ac'bil yabtel yu'un ti Diose. Ja' scarnero ti Diose ti chmilat yu'un hech chch'ay ti jmultique jcotoltic xchi'uc ti sjoylejal balumil ―xiyutuntutic―.

San Juan 1:34

Ho'on quiloj. Calojboxuc ava'yic ti ja' ti Snich'on ti Diose avi to ―xiyutuntutic ti Juane.

Hechos 10:43

Yu'un hech albil ono'ox sc'opilal ti Jesuse yu'un scotol ti j'alc'opetic yu'un ti Diose. Ti sventa stuc ti Jesuse tspasbatic perdón yu'un smulic scotol ti much'utic chch'unic ti ja' Jcoltavanej yu'unique, xchiic ti j'alc'opetique ―xchi ti Pedroe.

Hechos 19:4

Hech laj yalbe ti Pabloe: ―Yu'un ti laj yac' ich'ho' ti Juane, yu'un ja' señail ti sutem xa yo'ntonic yu'un smulic ti crixchanoetique. Laj yalbe ti crixchanoetique ac'o xch'umbeic sc'op ti much'u patil chtal yu'une, ja' ti Jesuse ―xchi ti Pabloe.

Hechos 2:38

Ti Pedroe hech laj yalbe: ―Suteso avo'ntonic yu'un amulic. Ac'o abaic ti ich'ho' ti sventa ti Jesucristoe ti jujunoxuque. Hech chaxch'aybot amulic. Hech chayac'boxuc amotonic uc ti Diose. Ja' chavich'ic uc ti Ch'ul Espíritue.

Hechos 3:19

Hech yu'un suteso me avo'ntonic yu'un amulic. Suteso me avo'ntonic ti stojol ti Diose hech chaxch'ayboxuc amulic. Hech chasmuc'ubtasboxuc avo'ntonic ti Cajvaltique.

Hechos 5:31

Ipasat xa ti muc' ti Jesuse, inacanat xa ti bu ti sbats'ic'ob ti Diose. Ja' Ajvalil ic'ot xa yu'un scotol crixchanoetic. Ja' Jcoltavanej cu'untic jcotoltic ic'ot xa. Ja' chisutesbucutic co'ntontic yu'un jmultic ho'ucutic ti israelucutique. Ja' chixch'aybucutic jmultic uc.

Romanos 3:25

Yu'un xchapanoj ti Diose ti ja' jtojmulil chc'ot yu'un scotol crixchanoetic ti Snich'one c'alal laj yac' sba ti milel ti cruz. Hech yu'un mu'yuc xa jmultic chijyilucutic mi oy xch'unojel co'ntontique. Hech laj yac' ti q'uelel ti Diose ti toj chchapambe smulic scotol crixchanoetic xchi'uc ti much'utic mu'yuc smulic i'ilat yu'un ti Diose ti vo'onee yu'un laj smala ti Diose ja'to mi itojbat smulic yu'un ti Snich'one. Ja'to c'alal icham ti Snich'on ti Diose, ja'to ich'ay ti smulique ti stojol ti Diose, manchuc mi cuxajtic to, manchuc mi chamenic xa.

Efesios 1:7

Yu'un ti lum ep laj xc'uxubinucutique hech yu'un laj yac' ti milel ti cruz ti Snich'one ti jventatic. Hech yu'un ti colemucutic xa ti ora to. Ch'ayem xa jmultic.