San Juan 9:31 - Tzotzil de Huixtán

³¹ Ti jna'tic ti mu stsacbe sc'op jmulaviletic ti Diose. Ti much'u chi' ti Diose, ti tspasbe ti c'usi tsc'an ti yo'ntone, ja' tstsacbat sc'op yu'un ti Diose.

Tzotzil Zinacantan

³¹ Ti Rioxe jnaꞌojtic ti mu xichꞌbe ta mucꞌ cꞌusi chalic ti muchꞌutic mu xꞌichꞌon o ta muqꞌue. Yan ti muchꞌutic ch-ichꞌon ta muqꞌue, ti tspasbeic cꞌusi tscꞌane, chichꞌbe ta mucꞌ li cꞌusi chalique.

Bible in Tzotzil de Chamula

³¹ Jna'tic lec, ti jun jsa'mulile mu x'a'yibat sc'op yu'un ti Diose. Ja' no'ox ta xa'ibe sc'op ti buch'u ta xich'ic ta muq'ue, xchi'uc ti ta spasic ti c'usi lec ta xil ti stuque.

LEQUIL ACH' C'OP

³¹ Jna'ojtic ti mu xich'be ta muc' c'usi chal jmulaviletic ti Rioxe; ja' no'ox cha'ibe sc'op ti much'utic chich' ta muq'ue, xchi'uc ti much'utic tspasic ti c'usitic tsc'ane.

Bible in Tzotzil de Chenalhó with Deuterocanon

³¹ Yu'un ta jna'tic ti mu stuc'ulanbe sc'op jpasmulil li Diose. Yan li boch'o chich' ta muc' Diose, ti tspasbe c'usi tsc'ane, ta xa'ibe sc'op.

Tzotzil San Andres

³¹ Jnaꞌojtic ti mu xꞌacꞌbat ta venta scꞌop yuꞌun Dios li buchꞌutic mu xichꞌic ta muqꞌue. Li buchꞌu ta xichꞌ ta mucꞌ li Diose, ti ta spasbe li cꞌusi ta scꞌane, ta xꞌaꞌibat scꞌop yuꞌun li Diose.

San Juan 9:31 Iomraidhean Croise

San Juan 11:22

Jna' ti scotol ti c'usi chac'ambe ti Diose ti ora to, ja' chayac'bot ti Diose ―xchi ti Martae.

San Juan 15:16

Ho'oxuque muc xat'ujucun. Ho'oxuque ho'on laj jt'ujoxuc. Hech chaj c'u che'el i'ac'bat yabtel yu'un ti Diose ti uvate'etique yu'un ac'o yac' sat, ja' no'ox hech chacac'boxuc avabtelic yu'un chavaq'uic ti q'uelel ti yabtel Dios ti avo'ntonic. Ti uvate'e oy yorail chac' sat. Ja'uc ti ho'oxuque, mu'yuc yorail ti chavaq'uilan ti q'uelel ti yabtel Dios ti avo'ntonique. Ja' scotol ora. Yu'un ach'unojbun ti jc'ope hech yu'un scotol ti c'usi chac'ambeic ti Jtote, ja' chayac'boxuc.

San Juan 4:34

Ti Jesuse hech laj yalbuntutic: ―Ja' jve'el c'otem ti jpas ti c'usi tsc'an yo'nton ti Diose ti laj stacun talele. Ti jts'acubtas ti cabtele ti yac'ojbune.

San Juan 7:17

Ti much'u tsc'an tspas ti c'usi tsc'an yo'nton ti Diose, ch-ac'bat sna' ti bu talem ti c'op ti chcac' ti a'yele, mi sc'op ti Diose, mi jc'op jtuc ti jchole.

San Juan 9:30

Hech itac'av ti vinique: ―Xch'ay co'nton xca'i ti mu xana' bu taleme. Ja' laj sjambun jsat chavil.

San Juan 9:32

C'alal ilic ti balumile asta ti ora to mu'yuc much'u hech a'ibil sc'opilal ti xu' tsjambe sat ti much'u ma'sat c'alal i'ane.

Hebreos 10:7

Hech yu'un ti hech laj calbote: “Li'oyun ho'oni, chba jpas ti c'usi tsc'an ti avo'ntone, Dios cu'un. Chba cac' jba ti milel hech chaj c'u che'el ts'ibabil comel jc'opilal te ti balbil hun”, ti xichie, xchi ti Cristoe.