San Juan 7:6 - Tzotzil de Huixtán

⁶ Ti Jesuse hech laj yalbe: ―Mu to sta yorail cu'un yu'un chibat ti q'uin. Ti ho'oxuque c'usuc no'ox ora xu' chabatic.

Tzotzil Zinacantan

⁶ Itacꞌav ti Jesuse: ―Scꞌan to yora ti chibat ta qꞌuine. Li voꞌoxuque cꞌusuc noꞌox ora xuꞌ chabatic.

Bible in Tzotzil de Chamula

⁶ Xi laj stac' ti Jesuse: —Yu'un mu'yuc to ta xc'ot corail. Ti vo'oxuque, c'usiuc no'ox ora xu' xabatic.

LEQUIL ACH' C'OP

⁶ Itac'batic yu'un ti Jesuse: ―Ta acuenta li vo'oxuque xu' ti c'usuc no'ox orae, pero ta jcuenta li vo'one, sc'anto sta yorail.

Bible in Tzotzil de Chenalhó with Deuterocanon

⁶ Li Jesuse jech laj yalbe: —Li vu'une mu'yuc to tsta sc'ac'alil cu'un. Li vo'oxuque c'usiuc no'ox ora xu' chabatic.

Tzotzil San Andres

⁶ Li Jesuse jech laj yalbe: ―Muc to bu tsta scꞌacꞌalil ti chibat ta qꞌuine. Li joꞌoxuque cꞌuc noꞌox ora xuꞌ chabatic.

San Juan 7:6 Iomraidhean Croise

San Mateo 26:18

Hech itac'av ti Jesuse: ―Batanic ti Jerusalén. Te chc'ot ac'oponic ti jun quermanotique. Hech chavalbe: “Po'ot xa chc'ot la yorail chcham ti Maestro cu'untique. Chtal la ve'ucuntutic ti ana xchi'uc ho'ontutic ti yajchanc'opuntutique, yu'un ti jpastutic q'uin pascua”, xavutic c'otel ―xiyutuntutic ti Jesuse.

San Juan 13:1

Jutuc xa sc'an tsta yorail q'uin Pascua. Sna' ti Jesuse ti ic'ot xa yorail ti chloc' batel li' ti balumile, ti tsut batel ti stojol ti Jtotic Diose. Ep laj sc'uxubinuntutic ho'ontutic ti laj xa yu'uninuntutic li'i. Mu p'isbiluc c'ux laj ya'yuntutic.

San Juan 17:1

C'alal laj yal hech ti Jesuse, laj sq'uel muel vinajel. Hech laj sc'opon Dios: ―Tote, ista xa yorail ti chc'ot ti pasel cu'un hech chaj c'u che'el achapanoj. Hech yu'un ac'un ti pasel ti muc' yu'un hech chacac'ot ti pasel ti muc' uc, ho'on ti Anich'onune.

San Juan 2:4

Ti Jesuse hech laj yalbe: ―Mu aventaucun, me'e. Mu to tsta yorail cu'un ―xchi xtac'av ti Jesuse.

San Juan 7:30

Hech yu'un sc'an stiq'uic ti chuquel ti Jesuse. Mu'yuc much'u xu' yu'un stsacvan yu'un mu to staojuc yorail yu'un tstsacat ti Jesuse.

San Juan 7:8

Batanic ti q'uin, ho'oxuque. Ho'oni mu to chibat ti q'uin yu'un mu to sta yorail cu'un ―xchi ti Jesuse.

San Juan 8:20

Hech laj yal ti Jesuse c'alal ichanubtasvan te ti yut templo te ti cuarto yo' bu chaq'uic smoton ti Diose. Mu'yuc much'u xu' yu'un stsacvan yu'un mu to staojuc yorail yu'un tstsacat yu'un ti crixchanoetique ti Jesuse.

Hechos 1:7

Hech itac'av ti Jesuse: ―Mu persauc chana'ic ti c'usi ora chc'ot ti pasele. Ja' sna' stuc ti Jtotic Diose. Ja'to ti c'usi ora snopoj stuc ti Jtotic Diose, ja'to chc'ot ti pasel.