San Juan 7:18 - Tzotzil de Huixtán

¹⁸ Ti much'u stuc no'ox sc'op ti chchole, yu'un chac' sba ti pasel ti muc' obi. Ti ho'one yu'un chcac' ti pasel ti muc' ti Diose ti laj stacun talele, hech yu'un muc un chilo'lavan. Melel ti c'usi chcale.

Tzotzil Zinacantan

¹⁸ Ti muchꞌu ta syules ta sjol stuc li cꞌusi chale, yuꞌun jaꞌ tscꞌan ichꞌel ta mucꞌ stuc. Li voꞌone jaꞌ chcacꞌ ta ichꞌel ta mucꞌ ti Rioxe yuꞌun jaꞌ listac tal. Muc bu ta jnop; yech chcal.

Bible in Tzotzil de Chamula

¹⁸ Ti buch'u yeilal no'ox yu'un ti c'usi ta xale, ja' no'ox ta sc'an ich'el ta muc' yu'un ti jnaclejetique. Ja'uc ti Buch'u ta xac'be yipal ti ich'bil ta muc' ta xc'ot yu'un ti Buch'u tacbil talele, le'e, melel ti c'usi ta xale, ma'uc ta xlo'lavan.

LEQUIL ACH' C'OP

¹⁸ Ti much'u ta syules ta sjol stuc li c'usi chale, yu'un ja' tsc'an ich'el ta muc' stuc; yan ti much'u ja' chac' ta ich'el ta muc' ti much'u tacbil tal yu'une, ja' chal ti c'usitic melele, muc' bu ta snop c'op.

Bible in Tzotzil de Chenalhó with Deuterocanon

¹⁸ Li boch'o ja' no'ox chal c'usi oy ta yo'nton stuque, yu'un ja' no'ox tsa' ich'el ta muc' stuc. Yan li boch'o ja' chac' ta ich'el ta muc' li boch'o itacat tal yu'une, ja' melel li c'usitic chale; mu'yuc ta yo'nton ch-epalc'opoj.

Tzotzil San Andres

¹⁸ Li buchꞌu ta xchanubtasvan o li cꞌusi ta snop stuque, jaꞌ noꞌox ta scꞌan ichꞌel ta mucꞌ stuc. Li joꞌone ta xcacꞌ ta ichꞌel ta mucꞌ li Diose, jaꞌ ti listac talele. Muc bu chiloꞌlovan. Jaꞌ melel li cꞌusi chcale.

San Juan 7:18 Iomraidhean Croise

San Mateo 6:9

Ho'oxuque hech chac'oponic ti Diose: Jtotic Dios, te oyot ti vinajel. Ac'o xajpasotutic ti muc'.

San Juan 11:4

C'alal laj ya'i ti Jesuse, hech laj yal: ―Yu'un ti itsacat ti chamele, mu yu'unuc ja' sventa j'ech'el chcham o. Ja' sventa no'ox ch-ac'at ti pasel ti muc' ti Diose. Ja' no'ox yu'un hech chi'ac'at ti pasel ti muc' ti ho'on ti Snich'onun ti Diose ―xchi.

San Juan 12:28

Tote, ac'o pasatuc ti muc' ti abie ―xchi tsc'opon Dios ti Jesuse. Ti Diose hech lic stac'be sc'op, hech ic'opoj te ti vinajel: ―Cac'oj xa ti pasel ti muc' ti jbie. Yan vuelta chcac' ti pasel ti muc' ti jbie ―xchi.

San Juan 12:43

Ma'uc tsots sc'opilal ti yo'ntonic ti lec chc'ot sc'opilalic yu'un ti Diose. Ja' no'ox tsots sc'opilal ti yo'ntonic ti lec chc'ot sc'opilalic yu'un ti xchi'iltac ti abtele.

San Juan 5:41

’Mu yu'unuc ja' mu xtun chca'i yu'un ti muc xapasucun ti muc'.

San Juan 8:54

Hech itac'av ti Jesuse: ―Mi ho'on chcac' jba ti pasel ti muc', mu'yuc sjam. Ti Jtote, ja' ti Dios avu'unic ti chacuyique, ja' chiyac'un ti pasel ti muc'.

1 Tesalonicenses 2:6

Ma'uc laj jc'antutic ti chispasucuntutic ti muc' ti crixchanoetique, mi ho'oxuc uc. Mu'yuc bu laj cac'boxuc avich'ic vocol yu'un ti oy cabteltutique. Ti lajuc jc'antutique, xu' chacac'boxuc avich'ic vocol yu'un jcholc'opuntutic yu'un ti Cristoe.

1 Pedro 4:11

Ti much'u sna' chchol ti sc'op ti Diose ac'o ch'amumbatuc ye yu'un ti Diose. Ti much'u sna' ch-abtej yu'un ti Diose ac'o sna' ti ja' chcoltaat yu'un ti Diose hech yu'un chu' yu'un. Scotol ti c'usi chapasique lecuc me sc'opilal chc'ot avu'unic ti Diose. Chu' avu'unic ti sventa ti Jesucristoe. Ti Diose ja' tspasat ti muc' sbatel osil. Ja' tspas mantal sbatel osil. Jun yutsil ti hech chc'ot ti pasel.

1 Juan 2:29

Yu'un ti jna'tic ti ja' toj yo'ntone, hech ti jna'tic uc ti yol snich'onucutic ti ho'ucutique mi toj scotol ti c'utic ti jpastique.