San Juan 6:42 - Tzotzil de Huixtán

⁴² Hech laj yalbe sbaic: ―¿Mi ma'uc ti Jesús li'to, ja' ti snich'on ti Josee? Xcojtiquimbetic ti stot sme'e. Chal ti niyal tal ti vinajel ti xchie, ¡bu ba hechuc! ―xut sbaic.

Tzotzil Zinacantan

⁴² ―¡Pero jaꞌ li Jesuse li screm Josee! Xcojtiquinbetic li stot smeꞌe. ¿Cꞌu yuꞌun chal ti talem ta vinajele? ―xut sbaic.

Bible in Tzotzil de Chamula

⁴² Ti israeletique xi ta xalbe sbaique: —¿Mi mu ja'uc xnich'on José ti Jesús li'e? Yu'un xcojtiquinbetic ti stote, ti sme'e. ¿C'u cha'al ta xalbe sba ti liquem talel ta vinajele?

LEQUIL ACH' C'OP

⁴² ―Ja' yech iyalbe sbaic chac li'i: ¿Mi mu ja' xch'amal José li Jesús li'e? Li vo'otique xcojtiquinbetic li stot sme'e. ¿C'u yu'un ti chal ti yalem tal ta vinajele? ―Xut sbaic.

Bible in Tzotzil de Chenalhó with Deuterocanon

⁴² Jech laj yalbe sbaic: —Ja' xnich'on José li Jesús li'i. Xcotquinbetic li stot sme'e. ¿C'u yu'un ta xal ti te liquem tal ta vinajele? —xut sbaic.

Tzotzil San Andres

⁴² Jech laj yalbe sbaic: ―Jaꞌ snichꞌon José li Jesús liꞌi. Xcojtaquinbetic li stot smeꞌe. ¡Cꞌu ma sba ti chal ti liquem talel ta vinajele! ―xut sbaic.

San Juan 6:42 Iomraidhean Croise

Marcos 6:3

Ja' ti carpintero ono'ox li'i. Ja' yol ti María avi to. Ja' yits'inabtac ti Jacoboe xchi'uc ti Josee xchi'uc ti Judase xchi'uc ti Simone. Ja' yixleltac ti tsebetic ti li' nacalucutic xchi'uque ―xut sbaic. Yu'un xojtiquinic hech yu'un ti muc spasbeic ti muc' ti sc'ope.

San Lucas 4:22

Hech yu'un ti Jesuse lec sc'opilal yu'unic scotolic. Ich'ay yo'ntonic yu'un ti jelaven yutsil ti sc'ope laj ya'yique. Hech laj yalbe sbaic: ―Ja' snich'on ti José li'to. ¿Mi mu hechuc? ―xut sbaic.

San Juan 1:45

Ti Felipee ba sa' ti Natanaele. C'ot yalbe: ―Jtaojtutic xa ti much'u ts'ibabil comel sc'opilal ti sun ti antiguo jtatamoltic Moisese xchi'uc ti sun ti j'alc'opetic yu'un ti Diose. Ja' Jesús ti liquem tal ti Nazarete. Ja' snich'on ti Josee ―xchi.

San Juan 3:13

Mi junuc mu'yuc much'u i'ay tal ti vinajel yu'un hech chayalbot c'u x'elan te o. Jtuc no'ox xu' chacalboxuc yu'un niyal tal ti vinajel, ho'on ti co'ol crixchanoucutique.

San Juan 6:38

Yu'un ti niyal tal ti vinajele, ma'uc yu'un tal jpas ti c'usi sc'an ti co'ntone. Ja' tal jpas ti c'usi sc'an yo'nton ti Jtote ti laj stacun talele.

San Juan 6:43

Hech itac'av ti Jesuse: ―Mu me xap'ajbun ti jc'ope.

San Juan 6:62

¿C'usi chavalic mi chavilic ti chimu batel ti bu niloc' tal, ho'on ti co'ol crixchanoucutique?

Romanos 9:5

Ja' totil cu'untic xchi'uc ti antiguo jtatamoltique ti it'ujatic yu'un ti Diose ti vo'onee. Ja' ihul ti jventatic, ti ho'ucutique ti yelnich'onucutic ti Israele, ti Jcoltavaneje ti sventa jbec'taltic. Ti Jcoltavaneje ja' Dios ti scotol sventainoje, ti tspasat ti muc' sbatel osile. Jun yutsil ti hech chc'ot ti pasel.

1 Corintios 15:47

Ti primero totil cu'untique ja' sventa no'ox balumil yu'un pasbil ti ts'ubilum. Ti xcha'va'al totil cu'untique ja' sventa vinajel.