San Juan 4:9 - Tzotzil de Huixtán

⁹ Ti samaria'antse laj sjac'be ti Jesuse: ―¿C'u yu'un chac'ambun ho' yu'un chavuch'? Ti ho'ote judiovinicot. Ho'oni samaria'antsun ―xchi. Yu'un ti hech laj yal ti antse yu'un mu xtun chil sbaic xchi'uc ti samariaetique ti jchi'iltaque ho'ontutic ti judiountutique.

Tzotzil Zinacantan

⁹ Itacꞌav la ti jsamariail antse: ―Li voꞌote jurioot. Li voꞌone jsamariaon. ¿Cꞌu yuꞌun ti chacꞌanbon voꞌ avuchꞌe? ―xi la. Ti xꞌelan iyal ti antse, yuꞌun muc bu lec xil sbaic xchiꞌuc jsamariaetic li jchiꞌiltac ta jurioale.

Bible in Tzotzil de Chamula

⁹ Xi laj stac' ti samaria antse: —¿C'u cha'al ta xac'anbun vo' avuch' ti vo'ot israelot c'alal vu'un samaria antsune? Ja' jech laj yal ti antse, yu'un ti israeletique mu lecuc xil sbaic xchi'uc ti samariaetique.

LEQUIL ACH' C'OP

⁹ Ti Jurioetique xchi'uc ti jsamariaetique muc'bu lec xil sbaic, Ti antse ja' yech itac'av chac li'i: ―¿C'u yu'un ti chac'anbon vo'e? Yu'un li vo'ote Jurioot, yan li vo'one jsamariaon ―xi.

Bible in Tzotzil de Chenalhó with Deuterocanon

⁹ Li samaria antse jech laj yalbe li Jesuse: —¿C'u yu'un ti chac'anbun vo' avuch'e? Yu'un li vo'ote judío vinicot; li vu'une samaria antsun —xut. Yu'un li judioetique mu'yuc ono'ox lec chil sbaic xchi'uc li samariaetique.

Tzotzil San Andres

⁹ Li jsamariail antse jech itacꞌav: ―¿Cꞌu chaꞌal chacꞌanbun joꞌ avuchꞌ yuꞌun jꞌisraelal vinicot? Li joꞌone jsamariail antsun ―xut. Ti jech laj yal li antse, yuꞌun mu xil sbaic ta lec li jsamariaetic schiꞌuc li jchiꞌiltac ta israelale.

San Juan 4:9 Iomraidhean Croise

San Mateo 10:5

Ti lajchavo'untutique laj stacuntutic batel ti Jesuse quich'ojtutic smantal: ―Mu me xabatic ti slumal yanlum viniquetic xchi'uc uc ti slumal ti samariaetique.

San Lucas 10:33

Patil ital ti be jun samariavinic. Ic'ot ti bu metsel ti jchi'iltique. C'alal laj sq'uel ti jchi'iltic ti te metsele, ic'uxubinvan ti samariavinique.

San Juan 4:27

Te yac'oj sba chlo'laj xchi'uc ti antse hul jtatutic ti Jesuse, ho'ontutic ti yajchanc'opuntutique. Hech yu'un ich'ay co'ntontutic yu'un scotol ti much'u ochem ti chanubtasvaneje mu stac' chlo'laj xchi'uc ants mi ti be mi ti calle. Muc xjam cu'untutic yu'un ti jac'betutic: ¿C'usi chajac'be? ¿C'u yu'un chalo'laj xchi'uc? muc xichitutic mi junuc.

San Juan 8:48

Hech i'albat ti Jesuse yu'un ti jchi'iltaque, ho'on ti co'ol judiountutic xchi'uque: ―Hech ono'ox hech chaj c'u che'el laj jnoptutic. Ho'ot liquemot tal ti Samaria. Oy pucuj ti avo'nton ―xchiic.

Hechos 1:8

Ti ho'oxuque ja' no'ox aventaic chacholbun jc'opilal li' ti Jerusalén li'to xchi'uc ti sjoylejal jlumaltic xchi'uc ti slumal Samaria xchi'uc ti sjoylejal balumil. Yu'un ch-an yip avo'ntonic ti c'alal ch-och ti avo'ntonic ti Ch'ul Espíritue ―xchi comel ti Jesuse.

Hechos 10:28

Ti Pedroe hech laj yalbe ya'yic: ―Ti ho'oxuque xana'ic ti ho'ontutique ti judiountutique mu stac' ti jc'opontutic yanlum viniquetic. Mu stac' ti jchi'intutic. Ti ho'one laj xa yalbun ti Diose ti mu lecuc mi chcal ti mu xa xtun yanlum crixchanoetic.

Hechos 10:32

Hech yu'un hech laj yalbun: “Taco batel ti jteclum Jope ti avabate. Ac'o ba yic' tal jun vinic, Simón sbi, ja' ti Pedro x'utate. Te oy ti sna jun vinic Simón sbi uc. Ja' yabtel tsc'a'es nucul ti yan Simone. Te oy sna ti ti'nab. C'alal mi itale, oy c'usi chayalbot”, xiyutun.