San Juan 4:45 - Tzotzil de Huixtán

⁴⁵ C'alal nic'otutic ti jlumaltutic xchi'uc ti Jesuse, nichim no'ox yo'ntonic ti jchi'iltutic te o yu'un laj xa sq'uelic scotol ti c'usi laj spas ti Jesuse ti c'alal i'ayic ti q'uin te ti Jerusalén.

Tzotzil Zinacantan

⁴⁵ Ti cꞌalal icꞌot ta Galilea ti Jesuse, xmuyubajic xa tajmec ti jchiꞌiltac ta jurioal teyoꞌe, jaꞌ ti iyilbeic slequilal syuꞌelal ti cꞌalal teyic ta qꞌuin ta Jerusalene.

Bible in Tzotzil de Chamula

⁴⁵ Va'i un, c'alal c'ot ta Galileae, ti jnaclejetic taje xmuyubajic laj yich'ic ta muc', yu'un laj yilic c'usitic laj xa spas ti Jesús c'alal ayic ta q'uin Colel ta Jerusalene.

LEQUIL ACH' C'OP

⁴⁵ Ti c'alal ic'ot ta Galileae, lec ichbil ta muc' ic'ot yu'unic li jnaclejetic teyo'e, yu'un ti c'alal i'ayic ta q'uin coltael tey ta Jerusalene, iyilic scotol ti c'usitic ispas tey ta q'uine.

Bible in Tzotzil de Chenalhó with Deuterocanon

⁴⁵ C'alal ic'ot ta Galilea banamil li Jesuse, xcuxet no'ox yo'nton laj yich'ic ta muc' li cristianoetique, yu'un laj yilic scotol c'usi la spas Jesús te ta lum Jerusalén ti c'alal i'ayic ta q'uine.

Tzotzil San Andres

⁴⁵ Cꞌalal icꞌot ta Galilea balumil li Jesuse, xmuybajic xa li jchiꞌiltacutic ta israelal teye, yuꞌun yilojic xa onoꞌox li cꞌustic la spas Jesús li cꞌalal iꞌayic ta qꞌuin Coltael li te ta Jerusalene.

San Juan 4:45 Iomraidhean Croise

San Lucas 13:1

Ti Jesuse ti c'alal te stsoboj sbaique, lic albatuc c'u x'elan imilat ti xchi'iltaque ti te nacajtic ti Galileae. Ja' ti imilatic yu'un ti Pilatoe te ti yut templo te ti Jerusalén ti c'alal yac'oj sba tsmilbeic ti smoton ti Diose yu'un chac'beic ti Diose. Te laj scap sbaic ti xch'ich'elique xchi'uc ti xch'ich'el ti smoton ti Diose ti trato chac'beique.

San Lucas 8:40

C'alal isut batel ti Jesuse, te chmalaat yu'un ep judioetic te ti jech nab. Nichim no'ox yo'ntonic ti crixchanoetique ti isut xa tale.

San Lucas 9:53

Muc x'ac'bat xch'amun ti na yu'un ti samariaetique yu'un ya'yojic xa ti chbatic ti Jerusalén.

San Juan 2:23

Te nicomtutic ti Jerusalén xchi'uc ti Jesuse ti yorail q'uin Pascua. Ep jchi'iltac laj xch'unic ti ja' ti Jcoltavaneje c'alal laj sq'uelic ti jchop o abteletic ti laj spas ti Jesuse.

San Juan 3:2

Ti ac'ubaltic tal sc'opon ti Jesuse ti Nicodemoe. Hech laj yalbe: ―Maestro, ti jna'tutic ti laj stacot talel ti Diose yu'un chachanubtasuntutic. Yu'un ti manchuc achi'inoj ti Diose, mu xu' chapas ti jchop o abteletic chapase ―xchi ti Nicodemoe.

San Juan 4:54

Ja' xchibal vuelta laj yac' svinajeb ti jelaven sp'ijil ti Jesuse. Ja' laj spas c'alal isut xa tal ti estado Judea, ihul xa ti estado Galilea.