San Juan 4:31 - Tzotzil de Huixtán

³¹ C'alal batem ti antse, ho'ontutic ti yajchanc'opuntutique hech laj calbetutic ti Jesuse: ―Maestro, ve'an ―xcututic.

Tzotzil Zinacantan

³¹ Cꞌalal mu toꞌox xulique ―Jchanubtasvanej, veꞌan ―xcuticotic.

Bible in Tzotzil de Chamula

³¹ C'alal jech ta xc'ot ta pasel taje, xi c'anbat vocol yu'un ti yajchanc'optaque: —Jchanubtasvanej, ve'an jutebuc.

LEQUIL ACH' C'OP

³¹ C'alal mu to'ox xulique, li yajchanc'optaque isc'anbeic vocol ti Jesuse: —Jchanubtasvanej, ve'an jts'ujuc ―xutic.

Bible in Tzotzil de Chenalhó with Deuterocanon

³¹ C'alal ja'o batem li antse, li yajchanc'optaque jech laj yalbeic li Jesuse: —Jchanubtasvanej, ve'an —xutic.

Tzotzil San Andres

³¹ Cꞌalal ibat xaꞌox li antse, joꞌoncutic li yajchanbalajeltacuncutique jech laj calbecutic li Jesuse: ―Jchanubtasvanej, veꞌan ―xcutcutic.

San Juan 4:31 Iomraidhean Croise

San Mateo 23:7

Ja' no'ox lec cha'yic mi ep chc'oponat yu'un jchi'iltic te ti plaza. Ja' no'ox lec cha'yic maestro, mi ch-utatic yu'un ti crixchanoetique.

San Mateo 23:8

Ti ho'oxuque mu me xac'anic ti maestro cha'utatic. Jun no'ox ti Maestro avu'unique. Ti ho'oxuque avermano abaic acotolic.

San Mateo 26:25

Ti much'u laj yac' entrecal ti Jesuse, ja' ti Judase. Ja' laj sjac'be ti Jesuse: ―¿Mi ho'on jc'opilal ti hech chavale, Maestro? ―xchi ti Judase. Hech itac'av ti Jesuse: ―Ho'ot ac'opilal ―xchi.

San Mateo 26:49

Ti ora ital ti Judase, ihul ti stojol ti Jesuse. Hech laj yalbe ti Jesuse: ―Nital xa, Maestro ―xchi hulel. Laj sbuts' ju'un.

Marcos 11:21

It'ab ti yo'nton ti Pedroe, hech yu'un hech laj yalbe ti Jesuse: ―Maestro, q'uelo avil, taquijem xa ti igote'e ti laj avac'be castigoe ―xut.

Marcos 14:45

Ti ora ital ti Judase, ihul ti stojol ti Jesuse. Hech laj yalbe ti Jesuse: ―Nital xa, Maestro ―xchi hulel. Laj sbuts' ju'un.

Marcos 9:5

Hech yu'un ti Pedroe hech laj yalbe ti Jesuse: ―Maestro, ja' lec ti li'ucutic no'oxi. Ja' lec jpastic oxib nailvomol li'i, jun avu'un, jun yu'un Moisés, jun yu'un Elías ―xut.

San Juan 1:38

Ti Jesuse laj sjoyp'in sba. Laj yil te xa xibatutic ti spat. Laj sjac'buntutic: ―¿C'usi chasa'ic? ―xiyutuntutic. Nitac'avtutic: ―Rabí, ¿bu nacalot? ―xichitutic. (Ja' Rabí co'ol sjam xchi'uc Maestro.)

San Juan 1:49

Hech i'albat yu'un ti Natanaele: ―Maestro, ho'ot Snich'onot ti Diose. Ho'ot cha'och ti ajvalil cu'untutic, ho'ontutic ti yelnich'onuntutic ti Israele ―xchi.

San Juan 11:8

Ho'ontutic ti yajchanc'opuntutique hech lic calbetutic: ―Maestro, ja'to no'ox c'an yac'bot ton ti jchi'iltique. ¿Mi te chabat yan vuelta? ―xcututic.

San Juan 3:2

Ti ac'ubaltic tal sc'opon ti Jesuse ti Nicodemoe. Hech laj yalbe: ―Maestro, ti jna'tutic ti laj stacot talel ti Diose yu'un chachanubtasuntutic. Yu'un ti manchuc achi'inoj ti Diose, mu xu' chapas ti jchop o abteletic chapase ―xchi ti Nicodemoe.

San Juan 3:26

Hech yu'un patil ba yalbeic ti Juane: ―Maestro, ti much'u ital ti atojol lum ti hech uc'um Jordán, ti laj acholbe sc'opilale, ja' yac'oj sba chac' ich'ho' ti ora to. Scotol crixchanoetic te bat xchi'inic ―x'utat yu'un ti yajchanc'opetique. Ja' sc'opilal ti Jesuse.

San Juan 4:30

Hech yu'un ti ora iloq'uic tal ti crixchanoetique te ti jteclum. Tal sq'uelic ti Jesuse.

San Juan 4:32

Itac'av ti Jesuse, hech laj yalbuntutic: ―Oy jve'el mu xana' bu talem ―xiyutuntutic.

San Juan 6:25

C'alal c'ot stauntutic xchi'uc ti Jesuse li' ti jech nab, hech laj sjac'beic ti Jesuse: ―Maestro, ¿c'usi ora natal li'to? ―xchiic.

San Juan 9:2

Ho'ontutic ti yajchanc'opuntutic ti Jesuse hech laj jac'betutic ti Jesuse: ―Maestro, ¿much'u smul ti yu'un ma'sat i'an avi jchi'iltic li'to? ¿Mi ti scoj smul stuc, mi ti scoj smul stot sme'? ―xichitutic.