San Juan 21:23 - Tzotzil de Huixtán

²³ Hech yu'un laj ya'yic ti quermanotique ti mu xicham ho'oni. Mu xcham, mu xchiuc jc'opilal yu'un ti Jesuse. Ja' no'ox laj yal: “Mi ti jc'an ti cuxul chul jtae, mu aventauc”, xchi no'ox jc'opilal.

Tzotzil Zinacantan

²³ Ora iyaꞌiic ti jchiꞌiltactic ta yichꞌel ta mucꞌ ti Cajvaltic Jesucristoe ti muc bu chicham ti yalojique. Ti Jesuse muc xal ti muc bu chichame. Jaꞌ noꞌox iyal: “Mi scꞌan coꞌon ti cuxul chul jta ti cꞌalal xichaꞌsut tale, mu acuentauc”, xꞌutat ti Pedroe.

Bible in Tzotzil de Chamula

²³ Ti jech taj une, xpuquet no'ox sc'oplal yu'unic ti mu'yuc la ta xcham ti jun jchanc'ope. Ja'uc le' une, ma'uc laj yal ti Jesús ti mu'yuc ta xchame. “Mi ta jc'an ti c'uxul ta jta c'alal ta xicha'sut talele, ¿c'usi aventa?” naca xi laj yale.

LEQUIL ACH' C'OP

²³ Ti x'elan iyale, ora ivinaj ech'el ta stojol li xchi'ilic ta ch'unolajele, ti muc' bu ta xcham li jun yajchanc'ope. Pero ti Jesuse muc'bu iyal ti muc'bu ta xchame. Li c'usi iyale ja' chac li'i: Mi sc'an co'on ti cuxul chul jta ti c'alal xi sutale, ¿mu c'usi acuenta o li vo'ote?» X'utat no'ox ti Pedroe.

Bible in Tzotzil de Chenalhó with Deuterocanon

²³ Li lo'il le'e ipuc batel ta stojol jch'unolajeletic. Jech la snopic ti mu'yuc chcham li jun yajchanc'op Jesuse. Pero li Jesuse ma'uc laj yal ti mu'yuc ta xchame. Ja' no'ox jech laj yal: “Me ta jc'an ti li' oy o chvul jta c'alal chitale, mu aventauc”, xi no'ox.

Tzotzil San Andres

²³ Ta ora ipuc jcꞌoplal ta stojol li quermanotactic, jaꞌ li buchꞌutic coꞌol quichꞌojtic ta mucꞌ li Jtotic Diose. Iyaꞌiic ti muc bu chicham ti yalojique. Li Jesuse muc bu iyal ti muc bu chichame. Jaꞌ noꞌox jech laj yal: “Mi ta jcꞌan ti cuxul to chjul jta cꞌalal chichaꞌtal nojtoque, mu aventauc”, ti xi li Jesuse.

San Juan 21:23 Iomraidhean Croise

San Mateo 16:27

Yu'un ho'on ti co'ol crixchanoucutique chital quich'oj jqueval hech chaj c'u che'el squeval ti Jtote. Ti jchi'in tal ti ch'ul abatetic cu'une. Ja' chtal cac'be stojol jujun crixchano mi lec ti c'usi laj spasique, mi mu lecuc ti c'usi laj spasique.

Hechos 1:15

Ja' hech yorail laj sva'an sba ti Pedroe ti c'alal te stsoboj sbaic xchi'uc ti yan quermanotique. Oy van ciento veinte ti vo' te stsoboj sbaic. Hech laj yal ti Pedroe:

Hechos 28:14

Te c'ot jtatutic quermanotic. Laj yalbuntutic vocol ac'o jchi'intutic hucub c'ac'al. Patil nibatutic ti jteclum Roma.

Hechos 6:3

Hech yu'un, quermanotac, ja' lec chat'ujic hucvo' viniquetic ti much'utic lec sc'opilalique, ti much'u nojem ti yo'ntonic ti Ch'ul Espíritue, ti much'u oy sp'ijil yo'ntonique. Ja' chcac'betic yabtelic.

1 Corintios 11:26

Yu'un c'alal ti jve'tic ti caxlan vaje, chcuch'tic ti ya'lel sat uvate'e hech chaj c'u che'el laj yal comel, chcac'tic ti na'el ti icham scoj jmultic ti Cajvaltique. Ja'to c'alal chcha'sut tal nixtoc, ja'to chlaj co'ntontic ti jpastic.

1 Corintios 4:5

Hech yu'un mu me chopoluc chanopic. C'alal mi ista yorail chtal ti Cajvaltique, ja' chtal yac' ti q'uelel ti bu mu xca'ibetic sjam ti ora to xchi'uc ti c'usi oy ti co'ntontic ti jcotoltique. C'alal chtal, chac' ti na'el ti c'u che'el oy jc'opilaltic yu'un ti Diose ti jujunucutique.

Santiago 5:7

Hech yu'un, quermanotac, junuc me avo'nton malaic ti c'usi ora chtal ti Cajvaltique. Nopo ava'yic ti c'u che'el tsmala tsatin yovol sts'unub ti much'u ch-avolaje. Jun yo'nton tsmala yu'un sna' mi i'ech' ti yorail ti ho'e, iyijub xa ti xchobe, hech yu'un chlic sc'aj.

Apocalipsis 2:25

Ja' no'ox junuc avo'ntonic ch'unic ti jc'ope ja'to mi nitale.