San Juan 21:17 - Tzotzil de Huixtán

¹⁷ Ti Jesuse hech laj sjac'be ti yoxibal vuelta: ―Simón, snich'onot Jonás, ¿mi c'uxun ti avo'nton? ―xchi. Hech lic yich' mul ti Pedroe yu'un yoxibal xa vuelta ti hech ijac'bate ¿mi c'uxun ti avo'nton? ti xchi chjac'bate. Hech itac'av: ―Cajval, scotol oy ti avo'nton. Xana' ti c'uxot ti co'ntone ―xchi. Ti Jesuse hech laj yalbe: ―Mac'limbun scotol ti much'utic chixch'umbucun ti jc'ope hech ch-an yip yo'ntonic ―xchi―.

Tzotzil Zinacantan

¹⁷ ―Simón, screm Jonás, ¿mi acꞌanojon? ―xꞌutat ta yoxꞌechꞌelal. Ti Pedroe iyat o yoꞌon ti yoxꞌechꞌelal xa ijacꞌbate. ―Cajval, anaꞌoj scotol. Anaꞌoj ti jcꞌanojote ―xut. ―Scotol ti muchꞌutic yichꞌojicon ta muqꞌue, saꞌbo sveꞌelic chac cꞌu chaꞌal tsaꞌbe sveꞌel xchijic li jchabichijetique.

Bible in Tzotzil de Chamula

¹⁷ Xi laj sjac' ta yoxcojal ti Jesuse: —Simón, xnich'onot ti Jonase, ¿mi c'ux ta xava'iun ta avo'nton? At o'nton xa oy ti Pedroe, yu'un yoxcojal xa albat, ¿mi c'ux ta xava'iun ta avo'nton? ti x'utee. Xi laj yal ti Pedroe: —Cajval, ana'oj scotol. Xana' lec ti c'ux ta xca'iot ta co'ntone. Xi laj yal ti Jesuse: —Mi jech c'uxun ta avo'ntone, q'uelbun tuc'ulanbun ti jchijtac un cha'e.

LEQUIL ACH' C'OP

¹⁷ Ti Jesuse xi isjac'be ta yox'ech'elale―Simón, vo'ot scremot ti Juane, ¿mi ac'anojon? ―X'utat noxtoc. Ti Pedroe iyat o yo'on ti yox'ech'elal xa ijac'bate, xi istac'be ti Jesuse: —Cajval, ana'oj scotol: ana'oj ti jc'anojote, ―Xut. Itac'av ti Jesuse: —Chabibon me li jchijtaque. ―X'utat noxtoc.

Bible in Tzotzil de Chenalhó with Deuterocanon

¹⁷ Li Jesuse jech la sjac'be yoxibal velta: —Simón, xnich'onot Jonás, ¿me lec chac'anun? —xut. Li Pedroe lic yat yo'nton, yu'un yoxibal xa velta ijac'bat ti “¿Me lec chac'anun?” x'utate. Itac'ov: —Cajval, li vo'ote scotol xana'. Xana' ti lec jc'anojote —xut. Li Jesuse jech laj yalbe: —Mac'linbun me lec li muc'tic chijetic cu'une.

Tzotzil San Andres

¹⁷ Li Jesuse jech la sjacꞌbe yoxibal velta: ―Simón, snichꞌonot Jonás, ¿mi cꞌuxun ta avoꞌon? ―xut. Li Pedroe iyat yoꞌon yuꞌun yoxibal xa velta ijacꞌbat: “¿Mi cꞌuxun ta avoꞌon?” ti xꞌutate. Itacꞌav li Pedroe: ―Cajval, anaꞌoj scotol. Anaꞌoj xa onoꞌox ti cꞌuxot ta coꞌone ―xut. Li Jesuse jech laj yalbe: ―Alanbo me jcꞌop scotol li buchꞌutic schꞌunojic xa ti joꞌon Yajcoltavanejicune yoꞌ jech acꞌo ayanuc más stsatsal yoꞌonic.

San Juan 21:17 Iomraidhean Croise

San Mateo 25:40

Chitac'av ho'oni ti Ajvalilune, hech chcalbe: “Melel ti c'usi chacalbeique, yu'un hech laj ac'uxubinic jun quermano ti mu tsotsuc yabtel yich'oje, ho'on me laj ac'uxubinun obi”, chcut.

Marcos 14:72

I'oc' yan vuelta quelem. Ja' xchibal xa vuelta. Hech yu'un ti Pedroe it'ab ti yo'nton ti c'u che'el i'albat yu'un ti Jesuse: “C'alal sta yorail ch-oc' xchibal vuelta quelem, laj xa amucun ti avo'nton oxib vuelta”, ti x'utate. C'alal hech it'ab ti yo'nton ti Pedroe, lic yoc'ta sba.

San Juan 12:8

Scotol c'ac'al achi'inojic ti me'onetique. Ho'oni mu scotoluc c'ac'al chajchi'inoxuc ―xchi ti Jesuse.

San Juan 13:38

Hech itac'av ti Jesuse: ―Mu xac'an chacham. Melel ti c'usi chacalbee, c'alal yorail ch-oc' quelem laj xa amucun ti avo'nton oxib vuelta ―x'utat yu'un ti Jesuse.

San Juan 14:15

’Mi c'uxun ti avo'ntonique, chach'umbucun scotol jmantal.

San Juan 15:10

Mi scotol chach'umbun ti jmantale, hech c'ux chaca'yic hech chaj c'u che'el c'ux chiya'yun ti Jtote yu'un scotol jch'unojbe smantal.

San Juan 16:30

Laj xa jna'tutic ti chana' scotol. Yu'un laj ana' ti oy c'usi ti jc'an ti jac'tutic c'alal mu to chajac'botutic. Hech yu'un jch'unojtutic xa ti naloc' tal ti stojol ti Diose ―xcututic.

San Juan 18:27

Ti Pedroe yan vuelta laj smuc ti yo'nton. Ja' yorail ch-oc' quelem.

San Juan 18:4

Scotol sna'oj ti Jesuse c'usi chc'ot ti pasel ti stojol. Hech yu'un inopej batel. Hech laj sjac'be: ―¿Much'u chasa'ic? ―xchi.

San Juan 21:18

Melel ti c'usi chacalbee, c'alal unenot to mu'yuc palta laj ava'i. Ja' atuc laj achuquilan ach'ut buc no'ox nabat. Pero chc'ot yorail c'alal namalub xa chaxchucbot ac'ob abec'tal ti te', hech chamilat ―xchi.

San Juan 4:16

Ti Jesuse hech laj yalbe: ―Batan, ba ic'o tal amalal ―xut.

Hechos 1:24

Hech laj sc'oponic Dios: ―Cajval, ho'ot xavojtiquimbe yo'ntonic scotol crixchanoetic. Ti xcha'va'alic li'to ac'bun jna'tutic ti much'u t'ujbil avu'une,

Hechos 11:10

Oxib vuelta ti hech laj yalbune. Patil i'ich'at muel ti vinajel ti muc'ta poq'uile. Hech laj yac'bun quil ti Diose.

Hechos 15:8

Ti Diose xijyojtiquimbucutic co'ntontic jcotoltic. Laj yil ti laj xch'unique, hech yu'un laj yac'be yich'ic ti Ch'ul Espíritue hech chaj c'u che'el yac'ojbucutic uc ti ho'ucutique.

2 Corintios 1:12

Ho'oni xu' chcal ti mu'yuc bu nilo'lavan, ti jun co'nton chi'abtej ti stojol ti Diose. Ti jna' ti hech co'nton. Hech yu'un mu'yuc bu laj jlo'laoxuc uc. Ma'uc ti sventa sp'ijil co'nton ti xu' cu'une. Ja' ti sventa ti yutsil yo'nton chiscoltaun ti Diose.

Efesios 4:30

Mu me xavac'be yich' mul ti Ch'ul Espíritu yu'un ti Diose yu'un ja' señail yac'ojboxuc ti Diose ti chacolique c'alal tsta yorail ti chijcolucutic jcotoltique.

1 Pedro 1:6

Hech yu'un nichim no'ox avo'ntonic manchuc mi ep ti tos ti vocole ti chavich'ique li'i mi hech tsc'an ti Diose. Yu'un j'oc' no'ox li' cuxulucutic ti balumile, hech yu'un j'oc' no'ox chquich'tic ti vocole.

2 Pedro 3:1

Ho'oxuc ti ep c'uxoxuc ti co'ntone, ja' xchibal xa vuelta chajc'oponoxuc ti carta xchi'uc avi to. Ti jun carta ti laj jpasboxuque xchi'uc avi to, co'ol laj jcha't'abesboxuc ti avo'ntonic hech chaj c'u che'el ach'unojique. Yu'un lecuben xa ti avo'ntonique, hech yu'un ja' xa no'ox chajcha't'abesboxuc ti avo'ntonic.

Apocalipsis 2:23

Ti much'utic chchanic hech chaj c'u che'el chal ti antse, ja' ti jmil. Hech tsna'ic scotol ti jch'unojeletique ti buc no'ox oyique ti ho'on ca'yoj scotol ti c'usi chanopic ti avo'ntonic, jq'ueloj c'u x'elan avo'ntonic. Ti jujunoxuque ti c'u che'el cha'abtejique, hech chacac'boxuc atojolic. Mi lec na'abtejique, lec amotonic. Mi mu lecuc na'abtejique, ja' amotonic ti castigo ti chacac'boxuque.

Apocalipsis 3:19

Ti much'u c'ux ti co'ntone, ja' ti jtaq'ui ti jtojobtas yu'un ti jc'an ti jcolta. Hech yu'un c'alal chajtaq'uiot, scotol avo'nton ch'uno me ti ora. Suteso me avo'nton yu'un amul.