San Juan 2:20 - Tzotzil de Huixtán

²⁰ Hech i'albat yu'un ti totiletique: ―Vaquib yoxvinic habil imeltsaj ti templo li'to. ¿Bu ba hu'uc avu'un chacha'pas nixtoc ti oxib no'ox c'ac'al chavale? ―xchiic.

Tzotzil Zinacantan

²⁰ ―Ta cuarenta y seis jabil ivaꞌi o li temploe. ¿Cꞌusi chachaꞌle ti ta oxib cꞌacꞌal chachaꞌvaꞌane? ―xi ti jmeltsanejcꞌopetique.

Bible in Tzotzil de Chamula

²⁰ Xi laj yalbeic Jesús ti israeletique: —Laj yich' vaquib yoxvinic (46) jabil ta yabtelanel ti ch'ulna li'e yo' c'ot ta meltsajel. ¡Bu xata ti vo'ot ta xameltsan ta oxib c'ac'ale!

LEQUIL ACH' C'OP

²⁰ ―Itac'avic ti jurioetique: —Ta vaquib yoxvinic jabil (46) iva'i o li temploe li'i, ¿C'usi chacha'le ti ta oxib c'ac'al chacha'va'ane? ―Xutic.

Bible in Tzotzil de Chenalhó with Deuterocanon

²⁰ Jech itac'ovic: —Ta vaquib to yoxvinic (46) jabil imeltsaj li ch'ulna li'i. Li vo'ote chaval ti ta oxib no'ox c'ac'al chacha'va'ane —xutic.

Tzotzil San Andres

²⁰ Li jꞌabteletique jech laj yalbeic li Jesuse: ―Ta vaquib yoxvinic (46) jabil ivaꞌi li chꞌulna liꞌi. ¿Cꞌu chavut ti avaloje ti ta oxib noꞌox cꞌacꞌal chachaꞌvaꞌane? ―xutic.

San Juan 2:20 Iomraidhean Croise

San Mateo 24:1

C'alal niloc'tutic ti templo te ti Jerusalén xchi'uc ti Jesuse, ho'ontutic ti yajchanc'opuntutique, ilic sc'opilal cu'untutic yu'un ti temploe yu'un t'ujum ti naetique.

San Lucas 21:5

Oy cha'vo' oxvo' hech laj yalbeic ti Jesuse, ja' sc'opilal ti templo te ti Jerusalene ti t'ujum ti tonetic ti yich'oje xchi'uc ti sronile ti ja' ti laj yaq'uic staq'uinic ti much'utic toyol yo'ntonic laj yac'beic smoton ti Diose. Hech lic yal ti Jesuse:

San Juan 1:19

Ti jchi'iltutique ti te oyic ti Jerusalén ho'ontutic ti co'ol judiountutic xchi'uque, ja' laj staquic talel paleetic xchi'uc levitaetic, ja' ti oy yabtelic uc te ti templo te ti Jerusalén. Ja' tal sjac'beic ti Juane: ―¿Much'uot ho'oti? ¿Mi ho'ot ti ac'opilal chatale? ―xchi c'otel.

1 Corintios 15:4

ti imucat ti ch'ene, ti yoxibal c'ac'al icha'cuxi loq'uel ti ch'en hech chaj c'u che'el ts'ibabil ti sun ti Diose.