San Juan 19:6 - Tzotzil de Huixtán

⁶ C'alal laj yilic ti Jesuse ti totil paleetique xchi'uc ti mayoletique tsots lic yavtaic ti Pilatoe: ―¡Milo ti cruz, milo ti cruz! ―xchiic. Hech itac'av ti Pilatoe: ―Iq'uic batel, milic ti cruz ho'oxuque. Ho'oni mu jtabe smul ―xchi.

Tzotzil Zinacantan

⁶ Cꞌalal iyilic ti totil paleetique xchiꞌuc ti jchabiejtemploe, xꞌavlajetic xa tajmec: ―¡Chamuc ta cruz! ¡Chamuc ta cruz! ―xiic. ―Ba milic ta cruz voꞌoxuc cheꞌe. Li voꞌone chꞌabal smul chcaꞌi ―xꞌutatic yuꞌun ti Pilatoe.

Bible in Tzotzil de Chamula

⁶ Xi avanic ti banquilal paleetique xchi'uc ti mayoletic ti c'alal laj yilique: —¡Jipano ta curus! ¡Jipano ta curus! Xi laj yal ti Pilatoe: —Ba jipanic ta curus ti vo'oxuque, yu'un mu jtabe jutebuc smul ti vinic li'e.

LEQUIL ACH' C'OP

⁶ C'alal iyilic ti totil paleetique xchi'uc ti jchabiejtemploetique, x'avlajetic xa liquel: ―¡Joc'ano ta cruz! ¡Joc'ano ta cruz! ―Xiic. Xi i'albatic yu'un ti Pilatoe: ―Iq'uic ech'el, ba milic ta cruz vo'oxuc che'e, li vo'one ch'abal smul chca'i ―x'utatic.

Bible in Tzotzil de Chenalhó with Deuterocanon

⁶ C'alal laj yilic Jesús li banquilal paleetique xchi'uc li boch'otic ta xchabiic ch'ulnae, tsots i'avanic, jech laj yalic: —¡Joc'ano ta cruz! ¡Joc'ano ta cruz! —xutic. Itac'ov li Pilatoe: —Iq'uic batel li vo'oxuque; bat joc'anic ta cruz. Yu'un li vu'une mu'yuc la jtabe smul —xi.

Tzotzil San Andres

⁶ Cꞌalal iyilic Jesús li banquilal paleetique schiꞌuc li yajmayoltaquique, toj tsots la stacꞌbeic li Pilatoe: ―¡Jocꞌano ta cruz! ¡Jocꞌano ta cruz! ―xutic tajmec. Itacꞌav li Pilatoe: ―Iqꞌuic batel li joꞌoxuque, ba jocꞌanic ta cruz. Yuꞌun muc bu jtabe smul maꞌ joꞌone ―xi.

San Juan 19:6 Iomraidhean Croise

San Mateo 26:58

Ti Pedroe nomtic to xbat. Ic'ot yo' bu yamaq'uil sna ti mero totil palee. Te i'och batel. C'ot xchi'in ti naclej ti abatetic yu'un ti totil palee yu'un tsc'an tsq'uel c'u che'el chchapanat ti Jesuse.

San Mateo 27:22

Ti Pilatoe hech laj xcha'jac'be: ―¿C'usi chcutic ti Jesuse, ja' ti ac'bil sbi Cristoe yu'un t'ujbil yu'un ti Diose? ―xchi. Hech itac'avic scotolic: ―¡Milo ti cruz! ―xchiic.

San Mateo 27:24

Laj yil ti Pilatoe ti mu xch'umbat ti sc'ope, ti ep ilic c'op yu'unic o. Hech yu'un laj smal ho' spoc sc'ob ti stojol ti jchi'iltique. Hech laj yalbe: ―Mu jmuluc mi chmilat ti vinic li'to ti toj yo'ntone. Ja' aventa atuquic ―xchi.

San Lucas 23:4

Ti Pilatoe hech lic yalbe ti totil paleetique xchi'uc scotol ti crixchanoetique: ―Mu jtabe smul avi vinic li'to ―xchi.

San Juan 18:3

Hech yu'un ti Judase laj yic' tal soldadoetic xchi'uc ti yajmayoletic yu'un ti totil paleetique, xchi'uc fariseoetic. Italic yich'ojic tal stojic xchi'uc sc'oq'uic xchi'uc yespadaic.

San Juan 18:31

Ti Pilatoe hech laj yalbe: ―Iq'uic batel ho'oxuque. Ich'bo sc'op yu'un smul ti sventa ti mantaletic avu'unique ―xut. Hech i'albat yu'un ti paleetique: ―Mu xu' chcac'tutic ti milel ho'ontutic. Ja' avabtel ho'oti ―xchiic.

San Juan 18:38

Ti Pilatoe hech laj sjac'be: ―¿C'u che'el ti jna' ti bu melele? ―xchi. C'alal laj xa yal hech ti Pilatoe, iloc' yan vuelta. Ba sc'opon yan vuelta ti paleetique. Hech laj yalbe ya'yic: ―Mu jtabe smul ―xchi―.

San Juan 19:15

Ti jchi'iltaque hech laj yavtaic ti Pilatoe: ―¡Ac'o milatuc, ac'o milatuc, ac'o ba milatuc ti cruz! ―xchiic. Ti Pilatoe hech laj sjac'beic: ―¿Mi lec mi chcac' ti milel ti cruz ti ajvalil avu'unique? ―xut. Hech itac'av ti totil paleetique: ―Ma'uc ajvalil cu'untutic lume. Ja' ajvalil cu'untutic stuc ti Cesare ―xchiic.

San Juan 19:4

Yan vuelta iloc' talel ti Pilatoe. Hech laj yalbe ti jchi'iltaque: ―Q'uelo avil chquic' loq'uel tal ti jva'an ti atojolic yu'un chana'ic ti mu jtabe smul ―xchi.

Hechos 2:23

Ja' i'ac'at entrecal ti Jesuse yu'un ti Diose vo'one hech chapal ti yo'nton. Ho'oxuque laj atsaquic ti Jesuse, laj ajipanic ti cruz. Laj avac'beic smil ti much'utic mu'yuc Dios ti yo'ntonique.

Hechos 7:52

Ti jtatamoltique laj scontrainic scotol ti j'alc'opetic yu'un ti Diose. Laj smilic ti much'utic jbael laj yalbeic sc'opilal ti chtal ti much'u toj yo'ntone, ja' ti much'u laj avaq'uic entrecale, ti laj amilique.