San Juan 19:39 - Tzotzil de Huixtán

³⁹ Ital uc ti Nicodemoe, ja' ti a sc'opon ti Jesuse ti ac'ubaltic. Laj yich' tal poxil mirra sbi capal ti aloetic. Oy van lajuneb xcha'vinic kilo yalal.

Tzotzil Zinacantan

³⁹ Ital ti Nicodemo uque, jaꞌ ti ay loꞌilajuc ta acꞌubaltic xchiꞌuc ti Jesuse. Yichꞌoj tal chaꞌtos xuchꞌal teꞌ, pero mu. Jaꞌ li mirrae xchiꞌuc li aloee. Oy nan treinta kilouc yalal.

Bible in Tzotzil de Chamula

³⁹ Tal ec ti Nicodemoe, ti buch'u ay sc'opon ta ac'ubaltic ti Jesuse, yich'oj talel nopol lajuneb xcha'vinic (30) kilo muil momoletic ti capal ta mirra xchi'uc yan muil pox ti áloe sbie.

LEQUIL ACH' C'OP

³⁹ Ital ti Nicodemo uque, ja' ti ay lo'ilajuc ta ac'ubaltic xchi'uc ti Jesuse, yich'oj c'otel perfume meltsanbil ta mirra xchi'uc ta aloe oy nan (30) kilouc yalal.

Bible in Tzotzil de Chenalhó with Deuterocanon

³⁹ Te ital ec li Nicodemoe, ja' li boch'o ay sc'opan ta ac'ubaltic li Jesuse. Yich'oj tal muil poxil, ja' mirra capal ta áloe. Ech'em ta lajuneb xcha'vinic (30) kilo yalal.

Tzotzil San Andres

³⁹ Te ital eꞌuc li Nicodemoe, jaꞌ li buchꞌu a scꞌopon ta acꞌubal li Jesuse. Yichꞌoj talel chaꞌchop muil vomoletic, oy nan lajunebuc schaꞌvinic (30) kilo yalal.

San Juan 19:39 Iomraidhean Croise

San Mateo 12:20

Mu yu'unuc chba xchibajesbe yo'ntonic ti much'utic tsna'ic ti mu'yuc yutsil ti yo'ntonique. Ja' ti much'utic hech chaj c'u che'el aj ti oy xchamele, o candil ti mu xtil leque. Ja' chba scolta hech chcolic sbatel osil ti sventa. Hech mu xba yich'ic castigo.

San Mateo 19:30

Scotol ti much'utic hech tsnop ti yo'nton ho'on jbaejbeun, mi xchi tsnop, ja' patil ti yantique, mi xchi, ja' patil chc'otic lume. Ja' jbael chc'otic scotol ti much'utic mu hechuc tsnopique. Ja' ep ti much'utic patil chc'otique ―xiyutuntutic ti Jesuse.

San Mateo 2:11

Hech i'ochic ti yut na ti p'ijil viniquetique. Te laj staic ti olole xchi'uc ti sme'e, ja' ti Maríae. Laj squejan sbaic ti stojol ti olole. Laj sloq'uesbeic smoton. Laj yac'beic c'anal taq'uin xchi'uc pom xchi'uc mirra perfume.

Marcos 16:1

C'alal i'ech' xa ti sabadoe ja' ti yorail ti jcux co'ntontutique, ti Maríae ti liquem tal ti Magdalae, xchi'uc ti yan Maríae ja' ti sme' ti Jacoboe, xchi'uc ti Salomee laj smanic poxil ti jun smuil yiq'ue, yu'un sc'an chba spoxtabeic sbec'tal ti Jesuse.

San Juan 12:3

Ti Maríae laj yich' tal o'lol kilo perfume, nardo sbi. Toyol stojol ti nardoe. Tal smalbe ti yacan ti Jesuse. Ti Maríae laj stsac ti sjole, hech lic scusbe yacan ti stsotsil sjol. Ti sjunul sna ipuc yic' ti perfumee.

San Juan 12:7

Ti Jesuse hech lic yalbe ti Judase: ―Mu me xaval hech. Ja' sventa yorail jmuquel ti sq'uejojbun perfume avi to.