San Juan 17:12 - Tzotzil de Huixtán

¹² C'alal ti li'to jchi'inoj jba xchi'uc ti jayvo' avac'ojbun ti jventae, laj cac'be xchan hech chaj c'u che'el chac'an. Laj jchabi. Mi junuc muc xch'ay cu'un, ta to xists'acliucun scotolic. Ja' no'ox stuc ti much'u sc'opilal ch'ayel chbate, ja' mu xa xists'acliun. Hech chc'ot ti pasel ti ac'ope hech chaj c'u che'el ts'ibabil comel ti ahun.

Tzotzil Zinacantan

¹² Ti cꞌu sjalil ijchiꞌinic liꞌ ta sba balamil ti jayvoꞌ avacꞌ yichꞌicon ta muqꞌue, voꞌot ta ayuꞌel ti mu junuc ichꞌay cuꞌune. Lec ijchabi, liꞌ xchiꞌinojicon scotolique. Jaꞌ noꞌox ti june ti scꞌoplal onox ch-och ta cꞌocꞌ ta sbatel osile, mu xa bu liꞌi. Jaꞌ icꞌot ti cꞌusi tsꞌibabil ta acꞌope.

Bible in Tzotzil de Chamula

¹² C'alal li' jchi'inoj ta banomil ti buch'utic laj avac'bune, laj jchabi lec ta sventa ti amuc'ul atsatsal ti laj avac'bune. Mi junuc ch'ay. Ja' no'ox ch'ay ti buch'u ch'ayem xa ono'oxe yo' jech ta xc'ot ta pasel jech c'u cha'al ts'ibabil ta ch'ul ac'ope.

LEQUIL ACH' C'OP

¹² Ti c'alal li' jchi'uquique, ijq'uelic, ijchabiic ta scuenta syu'el li a bi avac'ojbone. Mi jun muc'bu ich'ay cu'un, ja' no'ox ich'ay li june ti sc'oplal onox ta ch'ayel chbate, yo' xc'ot o ta pasel ti c'u ono'ox x'elan ts'ibabil sc'oplal ta ac'ope.

Bible in Tzotzil de Chenalhó with Deuterocanon

¹² C'alal li' to'ox jchi'uquic ta banamile, vu'un la jchabi lec ta sventa avu'el ti c'u yepal laj avac'bune. Lec la jchabi; me junuc mu'yuc xch'ay cu'un. Ja' no'ox ich'ay li boch'o sve'el ono'ox ch'ayele, yu'un ja' ic'ot o ti jech ono'ox ts'ibabil comele.

Tzotzil San Andres

¹² Cꞌalal la jchiꞌinic liꞌ ta balumile ti jayvoꞌ la avacꞌ yichꞌicun ta muqꞌue, joꞌot ta atsatsal ajuꞌel ti mu junuc ichꞌay cuꞌune. Lec la jchabi, liꞌ schiꞌuquicun scotolique. Jaꞌ noꞌox li jun li buchꞌu scꞌoplal onoꞌox ta xchꞌay o sbatel osile, muc xa bu liꞌ jchiꞌuque. Yuꞌun jaꞌ icꞌot ta pasel li cꞌusi tsꞌibabil onoꞌox comel ta acꞌope.

San Juan 17:12 Iomraidhean Croise

San Juan 13:18

’Mu acotoluc hech ac'opilalic. Xacojtiquinoxuc, ho'oxuc ti t'ujbiloxuc cu'un yu'un chacholbucun ti jc'ope. Oy jun achi'uc ti laj jt'uj ti mu xich' ti bendicione. Yu'un ti hech laj jt'uj uque, yu'un hech tsts'aqui ti sc'op ti Diose hech chaj c'u che'el ts'ibabil: “Ti much'u co'ol chive' xchi'uque, ja' chiscontrainun”, ti xchie. Ja' jc'opilal.

San Juan 17:6

’Laj xa cac'be yojtiquinot ti viniquetic li'to ti oyic ti jventa avu'une. Jbael laj at'uj ho'oti, patil laj avac'bun jventain. Hech yu'un laj xa yac' ti yo'ntonic ti ac'ope.

San Juan 18:9

Ti hech laj yale, yu'un hech chc'ot ti pasel ti hech chaj c'u che'el laj yal ono'oxe: “Ti jayvo' ti avac'ojbun ti jventae, mi junuc muc xch'ay cu'un”, ti xchi ono'oxe.

San Juan 6:37

Scotol ti c'u yepal chiyac'bun ti jventa ti Jtote, ja' chtal ti jtojol. Ti much'u chtal ti jtojole, nichim no'ox co'nton laj quic' o.

Hechos 1:25

yu'un ch-och ti abtel ti atojol, yu'un ch-och ti jcholc'op avu'un. Ja' tstsacbe yabtel ti Judase. Yu'un ti Judase laj scomes ti yabtele, ba yich' vocol sbatel osil ―xchiic ti stojol ti Diose.

Filipenses 2:9

Hech yu'un más jelaven i'ac'at ti pasel ti muc' yu'un ti Diose. Más jelaven i'ac'at ti pasel ti muc' ti sbie. Mu'yuc much'u hech pasbil ti muc' ti sbie.

2 Tesalonicenses 2:3

P'ijanic me, mu me xalajic ti lo'lael. Yu'un chc'ot yorail ti chlajic ti lo'lael ep ti quermanotique, hech mu xa xch'umbeic sc'op ti Diose. Patil chlic jun vinic puru mulil ti yo'nton, ja' ti sc'opilal ti ch'ayel chbate. Ja'to mi ic'ot xa ti pasel scotol lume, ja'to chtal ti Cajvaltique.

Hebreos 2:13

Hech sc'opilal uc: Ti jch'un ti chiscoltaun ti Diose, xchi ts'ibabil sc'opilal. Hech sc'opilal uc: Q'uelo avil ti jnich'nabe ti li' jchi'inoje ti yac'ojbun jventain ti Diose, xchi ts'ibabil sc'opilal.

1 Juan 2:19

Ti much'utic yajcontra ti Cristoe ti ora to, ja' ti laj jchi'intique. Ti ora to loq'uemic xa batel yu'un mu jtosuc co'ntontic xchi'uc. Ti jtosuc co'ntontic xchi'uque, jchi'inojtic to ti hechuque. Yu'un iloq'uic xa batel, hech chvinaj ti mu jcotolticuc jtos ti co'ntontique.

Apocalipsis 19:12

Ti jujup'ej ti sate xpulpun no'ox chtil hech chaj c'u che'el yat c'oc'. Ep scorona ti sjol. Ts'ibabil sbi pero mu'yuc much'u laj sna'. Stuc no'ox laj sna'.