San Juan 13:21 - Tzotzil de Huixtán

²¹ C'alal laj xa yal hech ti Jesuse, vocol ihu' yu'un laj yalbuntutic: ―Melel ti c'usi chacalbeique, oy jun achi'uquic chiyac'un entrecal ―xiyutuntutic.

Tzotzil Zinacantan

²¹ Ti cꞌalal laj yal chac taje, iꞌoch ta at-oꞌon. Jaꞌ yech lic yalboticotic: ―Ta melel chacalbeic, oy junoxuc ti chavaqꞌuicon entrucale ―xiyutoticotic.

Bible in Tzotzil de Chamula

²¹ C'alal jech laj yal ti Jesuse, lic ochuc ta at o'nton ti xi to laj sts'ac batel ti lo'ile: —Ta xcalboxuc ava'iic ta melel, oy jun avu'unic ta xiyac' ta c'abal.

LEQUIL ACH' C'OP

²¹ Ti c'alal laj yal chac taje, ti Jesuse i'och ta at-o'on, ja' yech lic yal ta jamal chac li'i: ―Ta melel chacalbeic, oy junoxuc ti chavaq'uicon entrucale ―X'utatic.

Bible in Tzotzil de Chenalhó with Deuterocanon

²¹ C'alal laj yal jech li Jesuse, toj yan sba yo'nton laj ya'ay. Lic yal ta jamal li boch'o ta x'ac'van ta c'abale. Jech laj yal: —Jamal chacalboxuc ava'yic, oy jun avu'unic li'i ti ja' chiyac'un ta c'abale —xi.

Tzotzil San Andres

²¹ Cꞌalal laj yalbuncutic jech li Jesuse, vocol isjamalꞌalbuncutic ti buchꞌu ta xꞌacꞌvan ta cꞌabale yuꞌun chat tajmec yoꞌon. Jech laj yalbuncutic: ―Melel li cꞌusi chacalbeique, oy junoxuc li joꞌoxuque ti jaꞌ chiyacꞌ ta cꞌabale ―xijyutcutic.

San Juan 13:21 Iomraidhean Croise

San Mateo 26:21

C'alal nive'tutic, hech laj yalbuntutic ti Jesuse: ―Melel ti c'usi chacalbeique, oy jun ti li' jchi'inojtique, ja' chiyac'un entrecal ―xiyutuntutic.

San Mateo 26:38

Hech laj yalbe: ―Ep chquich' mul. Ta xa xicham chca'i ―xchi―. Comanic li'to. Mu me xavayic, c'oponic Dios hech chaj c'u che'el ho'on ―xut.

Marcos 14:18

C'alal te nacajtic ti mesa ive'ic, ti Jesuse hech laj yalbe: ―Melel ti c'usi chacalbeique, oy jun ti li' jchi'inojtique, ja' ti co'ol chijve'ucutic xchi'uque, ja' chiyac'un entrecal ―xchi.

Marcos 3:5

Ti Jesuse i'ilin c'alal laj sq'uelbe satic ti fariseoetic ti te joyubtabil yu'une. Laj yich' mul uc yu'un tsots ti yo'ntonique. Hech laj yalbe ti vinique: ―Xach'o ac'ob ―xut. Ti ora ichop ti sc'obe, laj xach' ti sc'obe. Lec xa oy ti sc'obe.

San Juan 11:33

C'alal laj yil ti Jesuse ch-oc' ti Maríae, ch-oq'uic uc ti jchi'iltaque ti te xchi'inojic tale, mu xtun laj ya'i ti hech oy li' ti balumile.

San Juan 11:35

Lic oc'uc ti Jesuse.

San Juan 11:38

C'alal nic'otutic xchi'uc ti Jesuse ti bu ti ch'ene, oy palta laj ya'i ti yo'nton yan vuelta yu'un ti hech oye. Ti ch'ene ja' pujul. Ton ti smac sti'e.

San Juan 12:27

’Manchuc mi vocol chca'i ti jpas, mu xcalbe ti Diose: Tote, coltaun yu'un hech mu xquich' vocol ti ora to, mu xichi ti stojol. Yu'un ja' sventail ti nital li' ti balumile, yu'un tal chamucun.

San Juan 13:18

’Mu acotoluc hech ac'opilalic. Xacojtiquinoxuc, ho'oxuc ti t'ujbiloxuc cu'un yu'un chacholbucun ti jc'ope. Oy jun achi'uc ti laj jt'uj ti mu xich' ti bendicione. Yu'un ti hech laj jt'uj uque, yu'un hech tsts'aqui ti sc'op ti Diose hech chaj c'u che'el ts'ibabil: “Ti much'u co'ol chive' xchi'uque, ja' chiscontrainun”, ti xchie. Ja' jc'opilal.

San Juan 13:2

Te jtsoboj jbatutic yu'un chive'tutic xchi'uc ti Jesuse. Ti Judase, ja' ti snich'on Simon Iscariotee, i'albat xa ti yo'nton yu'un ti pucuje ti ja' ta xa xac' entrecal ti Jesuse.

San Juan 13:22

Hech yu'un ho'ontutic ti yajchanc'opuntutique laj jq'uelbe jba jsatutic. Muc jna'tutic much'u sc'opilal.

Hechos 17:16

C'alal te chmalavan ti Atenas ti Pabloe, ep laj yich' mul c'alal laj yil ti puru santoetic chch'unic ti crixchanoetique.

1 Juan 2:19

Ti much'utic yajcontra ti Cristoe ti ora to, ja' ti laj jchi'intique. Ti ora to loq'uemic xa batel yu'un mu jtosuc co'ntontic xchi'uc. Ti jtosuc co'ntontic xchi'uque, jchi'inojtic to ti hechuque. Yu'un iloq'uic xa batel, hech chvinaj ti mu jcotolticuc jtos ti co'ntontique.