San Juan 11:27 - Tzotzil de Huixtán

²⁷ Hech itac'av ti Martae: ―Hech, Cajval. Jch'unoj ti ho'ot ti Jcoltavanejote, ti ho'ot Snich'onot ti Diose, ti ho'ot hech ono'ox ac'opilal ti chatal li' ti balumile ―xchi.

Tzotzil Zinacantan

²⁷ ―Jchꞌunojaꞌa, Cajval. Jchꞌunoj ti voꞌot Cristoote, ti Xchꞌamalot Rioxe, ti stacojot tal ti Rioxe ―xi ti Martae.

Bible in Tzotzil de Chamula

²⁷ Xi laj yal ti Martae: —Jech, Cajval, ta xc'ot ta co'nton ti vo'ot ti Cristoe, Xnich'onot ti Diose, ti oy sc'oplal ta ono'ox xatal ta banomile.

LEQUIL ACH' C'OP

²⁷ Itac'av ti Martae: ―Yecha'a, Cajval, jch'unoj ti vo'ot Cristoote, ti Xch'amalot ti Rioxe, ti albil ono'ox ti ta xtal ta sba balamile ―Xi.

Bible in Tzotzil de Chenalhó with Deuterocanon

²⁷ Itac'ov li Martae: —Jech Cajval. Jch'unoj ti vo'ot Cristoote, ti vo'ot Xnich'onot Dios talemot li' ta banamile —xut.

Tzotzil San Andres

²⁷ Itacꞌav li Martae: ―Jchꞌunoj, Cajval. Jchꞌunoj ti joꞌot Cristoote, ti joꞌot Snichꞌonot li Diose, ti joꞌot tꞌujbilot yuꞌun Dios chacoltauncutic yuꞌun li jmulcutique ―xi li Martae.

San Juan 11:27 Iomraidhean Croise

San Mateo 11:3

Hech laj yalbe: ―Ba jac'bo ti Jesuse: “¿Mi ho'ot ono'ox ti ac'opilal chatale, mi ta to jmalatutic yan?” xavut ―xchi ital sc'op ti Juane. Hech tal sjaq'uic.

San Mateo 16:16

Hech itac'av ti Simon Pedroe: ―Ho'ot ti Cristoote, ho'ot t'ujbilot yu'un ti Diose yu'un chacoltauntutic. Ho'ot Snich'onot ti Diose ti stalel cuxule ―xchi.

San Mateo 16:20

Hech laj spasuntutic ti mantal ti Jesuse: ―Mu to me much'u chavalbeic ti ho'on t'ujbilun yu'un ti Diose yu'un chajcoltaoxuc ―xiyutuntutic.

San Lucas 2:11

Nax i'an ti Belén Jcoltavanej avu'unic, ja' ti Cristoe. Ja' Cajvaltic.

San Juan 1:49

Hech i'albat yu'un ti Natanaele: ―Maestro, ho'ot Snich'onot ti Diose. Ho'ot cha'och ti ajvalil cu'untutic, ho'ontutic ti yelnich'onuntutic ti Israele ―xchi.

San Juan 4:42

Hech yu'un hech lic yalbeic ti antse: ―Ma'uc no'ox ti sventa ti ac'op ti laj xa jch'untutique. Yu'un laj xa ca'ibetutic sc'op ti stuque, hech yu'un ti jna'tutic ti ja' ti Cristoe, ja' ti Jcoltavanej cu'untic jcotoltic xchi'uc ti sjoylejal balumil ―xchiic.

San Juan 6:14

Ti crixchanoetique c'alal laj sq'uelic ti jelaven sp'ijile ti Jesuse, hech laj yalbe sbaic: ―Ja' cac'tic ti j'alc'op yu'un ti Diose li'to ti sc'opilal chtal ti balumile ―xut sbaic ti crixchanoetique.

San Juan 6:69

Ho'ontutique jch'unojtutic. Ti jna'tutic ti ho'ot Cristoote, ti ac'bilot avabtel yu'un ti Diose yu'un chacoltauntutic. Ho'ot Snich'onot ti Diose ti stalel cuxule ―xchi ti Pedroe.

Hechos 8:36

Ixanavic batel ti be. Ic'otic ti yo' bu oy ho'. Ti eunucoe hech lic yalbe: ―Q'uelo avil, li'oy ho'. ¿Mi xu' chquich' ho' ho'oni? ―xchi.

Hechos 8:37

Hech itac'av ti Felipee: ―Mi scotol avo'nton ach'unoj, xu' chavich' ho' ―xchi. Ti eunucoe hech laj yalbe: ―Jch'unoj ti ja' Snich'on ti Diose ti Jesucristoe ―xchi.

1 Juan 5:1

Mi jch'unojtic ti ja' t'ujbil yu'un ti Diose ti Jesucristoe ti ja' Jcoltavanej cu'untique, hech cha'anemucutic xa ti stojol ti Diose obi, hech yol snich'onucutic ti Diose. Li' ti balumile mi c'ux chca'itic jun jchi'iltic, hech c'ux chca'itic uc ti xnich'nabe.

1 Juan 5:20

Ti jna'tic uc ti i'ay xa li' ti balumile ti Snich'on ti Diose. Yu'un laj xa yac'bucutic ti sp'ijil ti co'ntontique hech yu'un laj xa cojtiquintic ti mero Diose. Oyucutic ti stojol ti mero Diose yu'un oyucutic ti stojol ti Snich'one, ja' ti Jesucristoe. Ja' mero Dios stuc, mu'yuc yan. Ja' ti chijyac'bucutic jcuxlejaltic sbatel osile.