San Juan 10:25 - Tzotzil de Huixtán

²⁵ Hech itac'av ti Jesuse: ―Laj xa calboxuc, mu xach'unic. Laj xa aq'uelic uc ti jchop o abteletic ti laj xa jpas ti sventa ti Jtote.

Tzotzil Zinacantan

²⁵ ―Lacalbeic xa, pero mu xachꞌunic. Avilic noxtoc li jlequilal jyuꞌelale ti jaꞌ yalojbon ti Jtote ti chcacꞌ iluque. Ti yechuque, jaꞌ avilic o ti voꞌon Xchꞌamalon ti Rioxe.

Bible in Tzotzil de Chamula

²⁵ Xi laj stac' ti Jesuse: —Laj xa calboxuc ava'iic, mi ja'uc xc'ot ta avo'ntonic. Ta sventa Jtot ti c'usi ta jpase, ja' ta xayac'boxuc avilic ta jamal ti Buch'uun ta melele.

LEQUIL ACH' C'OP

²⁵ ―Itac'av ti Jesuse: —Lacalbeic xa, pero mu xa ch'unic. Li c'usitic ta jpas ta syu'el ti Jtote ja' chvinaj o ti ta melel ja' stacojon tale;

Bible in Tzotzil de Chenalhó with Deuterocanon

²⁵ Itac'ov li Jesuse: —Laj xa calboxuc, pero mu xach'unic. Laj avilic c'usitic la jpas ta sventa li Jtote, yu'un ac'o vinajuc ti ta melel vu'une.

Tzotzil San Andres

²⁵ Itacꞌav li Jesuse: ―Laj xa calboxuc pero mu xachꞌunic. La avilic nojtoc ti ep laj cacꞌ ta ilel jtsatsal juꞌel ta sventa li Jtote. Jech ta xvinaj o ti joꞌon Snichꞌonun li Diose.

San Juan 10:25 Iomraidhean Croise

San Juan 10:32

Hech i'albat yu'un ti Jesuse: ―Oy ep lequil abteletic laj xa jpasboxuc aq'uelic ti sventa ti Jtote. ¿C'usi abtelal mu xtun laj jpas yu'un chavac'bucun ton? ―xchi.

San Juan 10:37

Mi ma'uc yabtel ti Jtote ti jpas chacuyique, mu me xach'umbun jc'op che'e.

San Juan 10:38

Mi ja' yabtel ti Jtote ti jpas ti chavilique, ch'unic me manchuc mi mu xach'umbun jc'op ho'oni. Yu'un mi chach'unic ti ja' yabtel ti Jtote ti jpase hech chana'ic ti jun oyun xchi'uc ti Jtote ―xchi ti Jesuse.

San Juan 11:47

Hech yu'un ti totil paleetique xchi'uc ti fariseoetique laj stsobic tal scotol ti xchi'iltac ti abtele. Hech laj yalic: ―¿C'usi chcutic? Ep señailetic tspas ti vinic ti chcaltique.

San Juan 12:37

Hovil laj spas ep jchop o abteletic ti stojolic, muc xch'unic ti ja' Jcoltavanej yu'unic.

San Juan 14:11

Ch'uno ti jun oyun xchi'uc ti Jtote. Mi mu xc'ot ti avo'ntonic ti hech chaj c'u che'el laj cal li'to, ch'unic me ti c'utic abtelal cac'oj jba ti jpase.

San Juan 20:30

Oy to ep yan jchop o abteletic laj spas ti Jesuse ti jtojoltutic ho'ontutic ti yajchanc'opuntutique muc x'och ti ts'ibael li'to.

San Juan 3:2

Ti ac'ubaltic tal sc'opon ti Jesuse ti Nicodemoe. Hech laj yalbe: ―Maestro, ti jna'tutic ti laj stacot talel ti Diose yu'un chachanubtasuntutic. Yu'un ti manchuc achi'inoj ti Diose, mu xu' chapas ti jchop o abteletic chapase ―xchi ti Nicodemoe.

San Juan 7:31

Oy ep laj xch'unic ti ja' ti Jcoltavanej cu'untic ti Jesuse. Hech laj yalic: ―Avi jchi'il li'to jelaven tspas señailetic hech chaj c'u che'el sc'opilal ti Cristoe ti c'alal chtale. Hech yu'un ja' ti Cristoe ―xchiic.

San Juan 8:12

Yan vuelta lic chanubtasvanuc ti Jesuse. Hech laj yalbe ya'yic: ―Ho'oni luzun avu'unic, ho'oxuc ti mozoimbiloxuc yu'un ti mulile li' ti balumile. Ti much'u chists'acliune ja' chcom yu'un ti mulile, ja' tspasilan ti c'usi leque yu'un ho'on ti jtojobtas batel hech chcuxi sbatel osil ―xchi.

San Juan 8:24

Ja' yu'un ti hech laj calboxuc: Acuchoj amul chachamic, ti xacutique. Yu'un mi mu xach'un ti ho'on Jcoltavanejun avu'unique, ja' acuchoj amul chachamic ―xchi ti Jesuse.

San Juan 8:56

Ti atotic Abrahame ti chavalique nichim no'ox yo'nton yu'un ya'yoj jc'opilal ti chitale. Laj xch'un ti chitale, hech yu'un nichim no'ox yo'nton ―xchi ti Jesuse.

San Juan 8:58

Ti Jesuse hech laj yalbe: ―Melel ti c'usi chacalbeique, c'alal mu to anemuc ti Abrahame, jtalel te oyun ―xchi.

Hechos 10:38

Ti Jesuse, ti ja' ilic tal ti Nazarete, ja' inoj ti yo'nton ti Espíritu yu'un ti Diose. Ac'bil sp'ijil yu'un ti Diose. Buc no'ox ixanav batel laj spas lequil abtel. Laj scolta scotol ti much'utic ochemic pucuj ti yo'ntonique. Laj sloq'uesbe ti yo'ntonic ti pucujetique. Ihu' yu'un yu'un chi'imbil yu'un ti Diose.

Hechos 2:22

’Totetac, a'yo me ava'yic. Ho'ucutic ti yol snich'onucutic ti Israele ac'o jna'tic ti jchop o abteletic laj spas ti Jesuse, ja' ti ilic tal ti Nazarete. Laj spas ti jtojoltic laj jq'ueltic. Ich'ay co'ntontic yu'un. Hech ivinaj ti t'ujbil yu'un ti Diose yu'un ti sventa ti Diose ihu' yu'un scotol.