San Juan 1:15 - Tzotzil de Huixtán

¹⁵ Ti Juane laj xcholbe sc'opilal. Tsots ic'opoj ti Juane, hech laj yal: ―Li'to ja' ti much'u laj calboxuc ava'yic sc'opilal ti much'u patil chtale. Ja' tsots yabtel yich'oj, xichi. Ho'oni mu tsotsuc cabtel quich'oj. Yu'un c'alal mu to oyucun, stalel te oy stuc, xichi ―xchi ti Juane.

Tzotzil Zinacantan

¹⁵ Ti Juane liyalboticotic scꞌoplal: ―Leꞌe jaꞌ li muchꞌu lacalbeic ti tsꞌacal to chtale. Ical onox ti “jaꞌ tsꞌacal chtal ti muchꞌu más oy syuꞌele. Li voꞌone mu cꞌu xitun o. Ti cꞌalal mu toꞌox chiꞌayane, tey onox ti stuque”, xichi ―xi ti Juane.

Bible in Tzotzil de Chamula

¹⁵ Ti Juane xi laj yalbe sc'oplal ti Jesucristoe: “Ja' me ti vinic le'e ti Buch'u laj calboxuc ava'iic ti sc'oplale, ti laj ono'ox calboxuc ava'iic ti oy Buch'u ts'acal ta xtal ta patil cu'une, ti x'ech' to cajal sc'oplale, ti ja' mu sta ti vu'une, yu'un oy xa ono'ox ti stuc c'alal mu'yucun to ox ti vu'une.”

LEQUIL ACH' C'OP

¹⁵ Ti Juane ja' iyalbe sc'oplal li c'ope, ja' yech iyal chac li'i: «Le'e ja' li much'u lacalbeic ono'ox ti ts'acal to chtale, ti más tsots syuel chac c'u cha'al li vo'one, yu'un tey ono'ox c'alal mu to'ox chi ayane.»

Bible in Tzotzil de Chenalhó with Deuterocanon

¹⁵ Li Juane laj yalbe sc'oplal, jech laj yal: “Le'e ja' li boch'o laj ono'ox calboxuc ava'yic sc'oplale, jech laj cal: Li boch'o ts'acal ta xtal cu'une, ja' ba'yucbe ta xc'ot cu'un, yu'un li stuque te ono'ox oy ti c'alal mu'yucun to'oxe, xacutoxuc ono'ox”, xi li Juane.

Tzotzil San Andres

¹⁵ Li Juan li iyacꞌ ta ichꞌel joꞌe, jech laj yalbe scꞌoplal li Snichꞌon Dios ta stojol li jchiꞌiltacutique: ―Jaꞌ liꞌi li buchꞌu laj calboxuc ti tsꞌacal to ta xtale. Jech laj cal: “Jaꞌ tsots yabtel yichꞌoj. Li joꞌone muc bu tsots cabtel quichꞌoj. Cꞌalal muc toꞌox bu voqꞌuemune, te onoꞌox oy li stuque”, xichi onoꞌox ―xi li Juane.

San Juan 1:15 Iomraidhean Croise

San Mateo 3:11

’Ho'oni ja' no'ox cabtel chcac'be yich' ho' ti much'u sutemic xa yo'ntonic yu'un smulic. Ti much'u patil chtale ja' tsots yabtel yich'oj. Ho'oni mu tsotsuc cabtel quich'oj. Ma mi sjitumbeluc yaq'uil sempat, mu'yuc c'usi xu' ti jcolta mi jutuc. Ja' chayac'boxuc avich'ic ti Ch'ul Espíritue xchi'uc c'oc' yu'un hech chloc' scotol ti sbolil avo'ntonique.

Marcos 1:7

Hech laj xcholbe ya'yic ti jchi'iltaque: ―Oy much'u patil chtal. Ja' tsots yabtel yich'oj. Ho'oni mu tsotsuc cabtel quich'oj. Ma mi sjitumbeluc yaq'uil sempat, mu'yuc c'usi xu' ti jcolta mi jutuc.

San Lucas 3:16

Hech lic c'opojuc ti Juane, hech laj yalbe ya'yic scotolic: ―Ho'oni, ja' no'ox cabtel chcac'be yich' ho' ti much'u sutem xa yo'ntonic yu'un smulic. Ti much'u patil chtale ja' tsots yabtel yich'oj. Ho'oni mu tsotsuc cabtel quich'oj. Ma mi sjitumbeluc yaq'uil sempat, mu'yuc c'usi xu' ti jcolta mi jutuc. Ja' chayac'boxuc avich'ic ti Ch'ul Espíritue xchi'uc c'oc' yu'un hech chloc' scotol ti sbolil avo'ntonique.

San Juan 1:27

Ja' ti much'u patil chtale. Ho'oni mu'yuc cabtel ti stojol. Ma mi sjitumbeluc yaq'uil sempat, mu'yuc c'usi xu' ti jcolta mi jutuc ―xchi xtac'av ti Juane.

San Juan 17:5

Ti ora to, tote, ac'un xa ti pasel ti muc' te ti atojol co'ol hech chaj c'u che'el oyun ono'ox ti pasel ti muc' te ti atojol c'alal mu to pasemuc ti balumile.

San Juan 8:58

Ti Jesuse hech laj yalbe: ―Melel ti c'usi chacalbeique, c'alal mu to anemuc ti Abrahame, jtalel te oyun ―xchi.

Colosenses 1:17

Ja' totil stuc. Mu tsotsuc yabtel scotol ti c'utic laj spase yu'un ja' tspas ti mantal stuc.

Hebreos 13:8

Yu'un ti Jesucristoe mu xjel ti yo'ntone. Hech chac c'u che'el yo'nton volje, ja' no'ox hech ti ora to, ja' no'ox hech sbatel osil.

Apocalipsis 1:11

Hech laj yalbun: ―Ho'on laj jliques scotol. Ho'on ti hu'tes scotol. Ts'ibao ti hun ti c'u che'el yac'oj sba chacac'bot avil ti ora to yu'un chatacbe batel ti hucchop ti jch'unojeletique ti te oyic ti slumal Asiae. Ja' ti te oyic ti jteclum Efesoe, xchi'uc ti jteclum Esmirnae, xchi'uc ti jteclum Pérgamoe, xchi'uc ti jteclum Tiatirae, xchi'uc ti jteclum Sardise, xchi'uc ti jteclum Filadelfiae, xchi'uc ti jteclum Laodiceae ―xiyutun.

Apocalipsis 2:8

Hech laj yalbun uc ti Cajvaltique: ―Hech me chats'ibabe ti much'utic sventainoj ti jch'unojeletique ti te oyic ti jteclum Esmirnae: “Ja' ti Cajvaltique ti ho'on laj jliques scotole, ti ho'on ti hu'tes scotol, ti ho'on ti nichame, patil nicha'cuxie, ti xchie, hech chayalboxuc: