Apocalipsis 6:6 - Tzotzil de Huixtán

⁶ Laj ca'i oy chc'opoj te ti o'lol yo' bu oyic ti chanvo'ique. Hech laj yalbe ti much'u scajlebinoj ti ca'e: ―Ti jun kilo trigoe ja' chc'ot ti jun c'ac'al abtel. Ti oxib kilo estranjero trigoe ja' chc'ot ti jun c'ac'al abtel. Ti aceitee xchi'uc ti ya'lel sat uvate'e mu to me xatoybe stojol ―xut.

Tzotzil Zinacantan

⁶ Icaꞌi ti oy muchꞌu icꞌopoj tey ta oꞌlol li chanvoꞌe, iyalbe li muchꞌu cajal ta caꞌe: ―Ba soco li trigoe xchiꞌuc li cebadae yoꞌ mu xbeqꞌuin o leque, yoꞌ xtoy o stojole. Li jun kilo trigoe jaꞌ yech stojol chcꞌot chac cꞌu chaꞌal li tojolil ta jun cꞌacꞌal abtele. Yan li cebadae oxib kilo xtoj o li jun cꞌacꞌal abtele. Li teꞌel olivae xchiꞌuc li teꞌel uvae, mu me xasoc yoꞌ ti mu xtoy o stojol li aceitee xchiꞌuc li yaꞌlel uvae ―xꞌutat.

Bible in Tzotzil de Chamula

⁶ Ta o'lol ti bu oy ti c'usi chanib cuxajtique, laj ca'i oy buch'u c'opoj talel ti xi ta xale: “C'ajomal no'ox jun kilo trigo xman yu'un ti tojolil ta jun c'ac'al abtele. Oxib kilo jchop o ta trigo xman yu'un ta jun c'ac'al abtel. Le' une, mu xavixlan ti aceitee xchi'uc ti vinoe.”

Bible in Tzotzil de Chenalhó with Deuterocanon

⁶ Laj ca'ay oy boch'o chc'opoj te ta o'lol li chanibique, jech laj yal: “Li stojol jun kilo trigoe ja' jech stojol chc'ot jech chac c'u cha'al jun c'ac'al tojolil. Yan li cebadae ja' oxib kilo xtoj ta jun c'ac'al tojolil. Yan li oliva xchi'uc ts'usube mu me xasoques”, xi.

Tzotzil San Andres

⁶ Icaꞌi oy buchꞌu ta xcꞌopoj li te ta oꞌlol li chanvoꞌique, jech laj yalbe li buchꞌu cajal ta caaꞌe: ―Ba soco li trigoe schiꞌuc li cebadae yoꞌ jech mu xacꞌ lec sat, jech ta xtoy stojol. Li jun kilo trigoe jaꞌ jech stojol chcꞌot jech chac cꞌu chaꞌal tojolil ta jun cꞌacꞌal abtel. Yan li cebadae jaꞌ oxib kilo xtoj o ta jun cꞌacꞌal abtel. Yan li teꞌel olivae schiꞌuc li teꞌel tsꞌusube mu me xasoc yoꞌ jech mu xtoy stojol li asete schiꞌuc li yaꞌlel tsꞌusube ―xut.

Apocalipsis 6:6 Iomraidhean Croise

San Mateo 24:7

Ti crixchanoetic ti jun balumile ja' tscontrain ti yan crixchanoetic ti yan balumile. Ti ajvaliletique tscontrain sbaic. Chtal vi'nal, chtal ep chamel. Buc no'ox chnic ti balumile.

Apocalipsis 4:6

Te ti stojol ti Dios uque oy jun to muc'ta nab x'elan xleblajet hech chaj c'u che'el espejo. Ti jujujech xocon xchi'uc ti spat ti muc'ta naclebale, oy va'ajtic chanvo'ic. Ti chanvo'ique ep satic, oy sat ti spatic uc.

Apocalipsis 4:8

Ti chanvo'ique vaquib xic' jujun. Oy satic ti scotol sbec'talic. Oy sat uc ti jujujech xiq'ue, ti yolon xic' xchi'uc ti spat xic'. Hech yu'un ep ti sate. Ti c'ac'al ti ac'ubal mu spajes sbaic. Scotol ora chalic: Toj yo'nton stuc ti Cajvaltic Diose. Ja' jelaven sp'ijil, ja' scotol sventainoj, ja' stalel oy sbatel osil. Ti vo'one oy, li'oy ti ora to, oy sbatel osil, xchiic ti stojol ti Diose.

Apocalipsis 7:3

―Ja'to mi laj cac'be smarcaic ti stibaic scotol ti much'utic chch'umbat ti sc'op ti Dios cu'untique, ja'to chasoquesic ti balumile xchi'uc ti nabe xchi'uc ti te'etique ―x'utatic.

Apocalipsis 9:4

Ipasat ti mantal ti mu me xixtanic ti vomoletique xchi'uc ti c'utic yan ts'umbil ti yoxique xchi'uc ti te'etique. Ja' no'ox i'ac'batic yabtel yu'un chilbajin ti much'utic mu yich'ojuc ti smarca ti Diose ti stibaique.