Apocalipsis 3:7 - Tzotzil de Huixtán

⁷ Hech laj yalbun uc ti Cajvaltique: ―Hech me chats'ibabe ti much'utic sventainoj ti jch'unojeletique te ti jteclum Filadelfiae: “Ja' ti Cajvaltique, ja' ti toj yo'ntone, ti melel ti sc'ope, ja' ti totil ajvalil ti chac' ochuc ti vinajel ti much'utic t'ujbilic yu'une, ti mu xac' ochuc ti yantique, hech chayalboxuc:

Tzotzil Zinacantan

⁷ Ti Cajvaltic Jesuse liyalbe noxtoc: ―Li yajchanubtasvanejic li muchꞌutic yichꞌojicon ta mucꞌ ta jteclum Filadélfiae jaꞌ yech xatsꞌibabe echꞌel chac liꞌi: “Ti Cajvaltic Jesuse mu snaꞌ saꞌel smul. Scotol li cꞌusitic chale yech. Jaꞌ chac cꞌu chaꞌal iscuentain Jerusalén ti David ti ta voꞌnee, jaꞌ yech scuentainoj vinajel ti Cajvaltic Jesuse. Stuc noꞌox xuꞌ tsjam, muc muchꞌu xuꞌ tsmac. Stuc noꞌox xuꞌ tsmac, muc muchꞌu xuꞌ tsjam. Jaꞌ yech chayalbeic chac liꞌi:

Bible in Tzotzil de Chamula

⁷ Xi xats'ibabe batel ta stojol ti buch'u sbainoj ti jch'unolajeletic oyic ta jteclum Filadelfiae: “Xi ta xal ti Buch'u stalel oy slequil stuq'uile, ti jbel xc'ot xc'opoje, ti oy ta sc'ob syavi ti ajvalil Davide. Mi laj sjam ti ti'nae, mu'yuc buch'u xmac yu'un. Mi laj smaque, mu'yuc buch'u ta xjam yu'un.

Bible in Tzotzil de Chenalhó with Deuterocanon

⁷ Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Tzotzil San Andres

⁷ Jech liyalbe nojtoc li Cajvaltique: ―Tsꞌibabo me carta li buchꞌu sventainoj li buchꞌutic yichꞌojicun ta mucꞌ li te ta jteclum Filadélfiae. Xi xatsꞌibabe echꞌele: “Li Cajvaltique tucꞌ yoꞌon, melel scotol li cꞌusi ta xale. Jaꞌ sventainoj li buchꞌutic tꞌujbilic yuꞌun Dios jech chac cꞌu chaꞌal li mucꞌta ajvalil David ta voꞌonee. Li Cajvaltique jaꞌ chal li buchꞌutic ta xꞌochic schiꞌuc li buchꞌutic mu xꞌochic ta vinajele. Jech chayalbeic:

Apocalipsis 3:7 Iomraidhean Croise

San Mateo 16:19

Chacac'be tsots avabtel yu'un chavalbe ti crixchanoetique ti c'usi tspasique yu'un hech chventaimbat yo'ntonic yu'un ti Diose. Yu'un chavalbe ti c'usi mu xtun tspasique, yu'un hech ono'ox yaloj ti Diose. Yu'un chavalbe ti c'usi lec tspasique yu'un hech ono'ox yaloj ti Diose ―x'utat.

San Mateo 24:35

Chlaj ti vinajele xchi'uc ti balumile. Ti jc'ope ja' mu xlaj stuc.

Marcos 1:24

―Mu aventauntutic, Jesús, ho'ot liquemot tal ti Nazaret. ¿Mi yu'un tal amiluntutic? Chacojtiquin. Ho'ot Snich'onot ti Diose, ho'ot mu'yuc amul ―xut.

San Lucas 1:32

Tspasat ti muc' ti avole. Snich'on Dios ti cajal, xchiic ti crixchanoetique. Ti Cajvaltic Diose ja' chac' ochuc ti ajvalil. Ja' tstsacbe comel yabtel ti antiguo statamole, ja' ti Davide.

San Lucas 4:34

Hech laj yal: ―Mu xavilbajinuntutic. Mu aventauntutic, Jesús, ho'ot liquemot tal ti Nazarete. ¿Mi yu'un tal amiluntutic? Chacojtiquin. Ho'ot Snich'onot ti Diose, ho'ot mu'yuc amul ―xut.

San Juan 14:6

Ti Jesuse hech laj yalbe: ―Mi chac'an chac'otic ti bu oy ti Jtote, ja' tsc'an chach'unic ti ho'on Jcoltavanejun avu'unique. Yu'un ho'on chcojtiquin ti Jtote, hech yu'un melel ti c'u che'el laj xa calboxuc sc'opilal. Yu'un ti much'u chch'un ti ho'on Jcoltavanejun yu'unique, ho'on ti jventa ti chcuxiic sbatel osile. Ti much'u mu xispasucun ti muq'ue mu xu' chojtiquin ti Jtote.

Hechos 3:14

Ti ho'oxuque muc xac'anic ti much'u mu'yuc smule, ti much'u toj yo'ntone. Ja' laj ac'anic ac'o coluc batel ti much'u jmilvaneje.

1 Juan 5:20

Ti jna'tic uc ti i'ay xa li' ti balumile ti Snich'on ti Diose. Yu'un laj xa yac'bucutic ti sp'ijil ti co'ntontique hech yu'un laj xa cojtiquintic ti mero Diose. Oyucutic ti stojol ti mero Diose yu'un oyucutic ti stojol ti Snich'one, ja' ti Jesucristoe. Ja' mero Dios stuc, mu'yuc yan. Ja' ti chijyac'bucutic jcuxlejaltic sbatel osile.

Apocalipsis 1:11

Hech laj yalbun: ―Ho'on laj jliques scotol. Ho'on ti hu'tes scotol. Ts'ibao ti hun ti c'u che'el yac'oj sba chacac'bot avil ti ora to yu'un chatacbe batel ti hucchop ti jch'unojeletique ti te oyic ti slumal Asiae. Ja' ti te oyic ti jteclum Efesoe, xchi'uc ti jteclum Esmirnae, xchi'uc ti jteclum Pérgamoe, xchi'uc ti jteclum Tiatirae, xchi'uc ti jteclum Sardise, xchi'uc ti jteclum Filadelfiae, xchi'uc ti jteclum Laodiceae ―xiyutun.

Apocalipsis 1:18

Ho'on jtalel cuxulun. Ho'on ti nichame, nicha'cuxi xa. Cuxulun sbatel osil. Ho'on jventainoj scotolic mi ichamic xae. Ho'on chcal ti much'utic chcolique xchi'uc ti much'utic ch'ayel chbatique.

Apocalipsis 1:5

Ja' ti sventa uc ti Jesucristoe ti jun yo'nton cu'untic hech xu' ti jch'untic ti c'usi chijyalbucutique. Ja' ti primero icha'cuxi loq'uel ti ch'en, ja' ti sventainoj scotol ajvaliletic li' ti balumile. Ja' ti c'uxucutic ti yo'nton, laj spocbucutic loq'uel jmultic ti xch'ich'ele.

Apocalipsis 15:3

Te chq'uejinic. Chq'uejinic hech chaj c'u che'el iq'uejin ti Moisese ti c'alal icoltaatic loq'uel ti mozoil te ti Egipto xchi'uc ti jtatamoltique ti vo'one, ho'ucutic ti co'ol judioucutic xchi'uque. Ti q'uejoje ja' ti laj yalbeic sc'opilal ti jelaven sp'ijil ti Diose. Ja' no'ox hech ti much'utic ti yich'ojic yarpaic ti laj jq'uele, ja' laj yalbeic sc'opilal ti jelaven sp'ijil ti Ch'iom Carneroe. Hech iq'uejinic: Cajvaltic Dios, jelaven ap'ijil atuc. Scotol xu' avu'un chapas. Jun no'ox yutsil scotol avabtel. Toj ti c'usi chapase. Melel ti ac'ope. Ho'ot ajvalilot atuc sbatel osil.

Apocalipsis 16:7

Laj ca'i oy chc'opoj te ti scajaneb smoton ti Diose. Hech laj yal: ―Melel ti toj chachapanvan, Cajvaltic Dios, ho'ot ti jelaven ap'ijile ti scotol xu' avu'une. Chc'ot ti pasel ti c'u che'el laj avale ―xchi.

Apocalipsis 19:11

Laj quil más ijam ti vinajele. Te oy saquil ca' laj quil. Ti much'u scajlebinoje toj yo'nton mu sna' xlo'lavan, xchi sc'opilal. Toj chchapanvan. Toj ti castigo chaq'ue.

Apocalipsis 19:2

Toj chchapanvan. Chc'ot ti pasel ti c'utic chale. Laj xa yac'be castigo yu'un smul ti babiloniaetique, ja' ti pasbil ti muc' ono'oxe. Ja' hech chaj c'u che'el jmulavil ants laj sbolibtas scotol crixchanoetic ti babiloniaetique. Ti Diose laj xa yac'be stojic yu'un ti imilbat ti abatetic yu'une, xchiic.

Apocalipsis 2:1

Ho'on ti Juanune, hech laj yalbun uc ti Cajvaltique: ―Hech me chats'ibabe ti much'u sventainoj ti jch'unojeletic ti te oyic ti jteclum Efesoe: “Ja' ti Cajvaltique ja' ti stsacoj ti sbats'ic'ob ti hucub c'analetique, ja' ti chanav ti o'lol yo' bu oy ti hucub yav aceitee laj quil, hech chayalboxuc:

Apocalipsis 21:5

Hech lic yal ti Diose ti te nacal ti muc'ta naclebale: ―A'yo me ava'i, ach' ti jpas scotol ―xchi. Hech lic yalbun: ―Ts'ibao ti hun avi to yu'un melel ti jc'ope. Chc'ot ti pasel ―xiyutun.

Apocalipsis 3:14

Hech laj yalbun uc ti Cajvaltique: ―Hech me chats'ibabe ti much'utic sventainoj ti jch'unojeletique te ti jteclum Laodiceae: “Ja' ti Cajvaltique ti melel ti sc'ope ti jun yo'nton ti jtojoltique, ti chc'ot ti pasel ti c'utic chijyalbucutique, ti te xchi'uc ti Diose c'alal lic smeltsan scotol ti c'usitic oye, hech chayalboxuc:

Apocalipsis 4:8

Ti chanvo'ique vaquib xic' jujun. Oy satic ti scotol sbec'talic. Oy sat uc ti jujujech xiq'ue, ti yolon xic' xchi'uc ti spat xic'. Hech yu'un ep ti sate. Ti c'ac'al ti ac'ubal mu spajes sbaic. Scotol ora chalic: Toj yo'nton stuc ti Cajvaltic Diose. Ja' jelaven sp'ijil, ja' scotol sventainoj, ja' stalel oy sbatel osil. Ti vo'one oy, li'oy ti ora to, oy sbatel osil, xchiic ti stojol ti Diose.

Apocalipsis 5:9

Ach' q'uejoj laj sq'uejintaic. Hech ti sbie: Atuc ihu' xa avu'un laj avich' ti hune. Atuc xu' avu'un chatuch'be ti selloe. Yu'un ho'ot laj avac' aba ti milel. Ti ach'ich'el laj aman loq'uel ti sc'ob ti pucuje ep crixchanoetic talemic ti sjoylejal balumil ti jaylajuntos ti oyic ti balumile.

Apocalipsis 6:10

Tsots ic'opojic, hech laj yalbeic ti Diose: ―Cajval, ho'ot ti aventainoj scotole, ho'ot ti toj avo'ntone, ti chc'ot ti pasel ti ac'ope, ¿mi tsc'an to tsta yorail ti chachapan ti much'utic te oyic ti balumile ti laj smiluntutique? ―xchiic.