Apocalipsis 22:9 - Tzotzil de Huixtán

⁹ Hech laj yalbun: ―Mu xapasun ti muc' ho'oni. Yu'un co'ol cac'oj jbatic ti abatinel yu'un ti Diose xchi'uc ti avermanotaque, ja' ti j'alc'opetic yu'un ti Diose ti vo'one xchi'uc scotol ti much'utic chac' ti yo'ntonic ti c'op li' ti hun li'to. Ja' stuc tsc'an ti jpastic ti muc' ti Diose jcotoltic ―xiyutun ti ch'ul abate.

Tzotzil Zinacantan

⁹ ―Mu xaquejan aba, yuꞌun chitun noꞌox yuꞌun li Rioxe chac cꞌu chaꞌal li voꞌote xchiꞌuc lachiꞌiltaque, jaꞌ ti yajꞌalcꞌoptaque, xchiꞌuc li muchꞌutic ta xchꞌunic li cꞌop liꞌ tsꞌibabil ta vune. Jaꞌ ichꞌo ta mucꞌ li Rioxe.

Bible in Tzotzil de Chamula

⁹ Ja'uc ti stuque xi laj yalbune: “Mu xapas jech, naca yajtunelun Dios jech c'u cha'al ti vo'ote, xchi'uc ti achi'iltac ta xc'opojic ta sventa ti Diose, xchi'uc scotol ti buch'utic ta xich'ic ta muc' ti c'usi ts'ibabil ta jpoc vun li'e. Ja' quejano aba ta stojol ti Diose.”

Bible in Tzotzil de Chenalhó with Deuterocanon

⁹ Pero jech laj yalbun: “Mu xapas jech, yu'un co'ol yajtunelutic Dios xchi'uc li achi'iltaque, ja' li yaj'alc'optac Diose xchi'uc li boch'otic ta xch'unic li c'op li' ts'ibabil ta vune. Ja' ich'o ta muc' stuc li Diose”, xiyutun.

Tzotzil San Andres

⁹ Xi liyalbe: ―Mu xapas jech, yuꞌun coꞌol chijtun yuꞌun Dios jech chac cꞌu chaꞌal la avermanotac, jaꞌ li iyalic scꞌop Dios ta voꞌonee, schiꞌuc li buchꞌutic ta schꞌunic li cꞌop ti liꞌ tsꞌibabil ta june. Jaꞌ ichꞌo ta mucꞌ stuc li Diose ―xiyut.

Apocalipsis 22:9 Iomraidhean Croise

San Mateo 4:9

Ti totil pucuje hech laj yalbe ti Jesuse: ―Mi chaquejan aba ti jtojol, mi chapasun ti muq'ue, ja' avu'un scotol ti avac'oj aba chaq'uel avi li'to ―x'utat ti Jesuse yu'un ti totil pucuje. Yu'un mi chch'un ti Jesuse, jun chc'otic xchi'uc o.

San Lucas 4:7

Hech yu'un mi chaquejan aba ti jtojole, ja' avu'un scotol ti avac'oj aba chaq'uel avi li'to ―x'utat ti Jesuse yu'un ti totil pucuje. Yu'un mi chch'un ti Jesuse jun chc'otic xchi'uc o.

1 Juan 5:20

Ti jna'tic uc ti i'ay xa li' ti balumile ti Snich'on ti Diose. Yu'un laj xa yac'bucutic ti sp'ijil ti co'ntontique hech yu'un laj xa cojtiquintic ti mero Diose. Oyucutic ti stojol ti mero Diose yu'un oyucutic ti stojol ti Snich'one, ja' ti Jesucristoe. Ja' mero Dios stuc, mu'yuc yan. Ja' ti chijyac'bucutic jcuxlejaltic sbatel osile.

Apocalipsis 1:1

Avi hun to ja' sc'opilal ti c'usi po'ot xa chc'ot ti pasele ti i'ac'bat sna' ti Jesucristoe yu'un ti Diose. Yu'un ti i'ac'bat sna' ti Jesuse, yu'un hech chijyac'bucutic jna'tic ti ho'ucutic ti chcajvalintique. Hech yu'un laj stac talel ti xch'ul abate, tal sc'oponun ho'on ti Juanune, ho'on ti chi'abtej yu'une.

Apocalipsis 1:11

Hech laj yalbun: ―Ho'on laj jliques scotol. Ho'on ti hu'tes scotol. Ts'ibao ti hun ti c'u che'el yac'oj sba chacac'bot avil ti ora to yu'un chatacbe batel ti hucchop ti jch'unojeletique ti te oyic ti slumal Asiae. Ja' ti te oyic ti jteclum Efesoe, xchi'uc ti jteclum Esmirnae, xchi'uc ti jteclum Pérgamoe, xchi'uc ti jteclum Tiatirae, xchi'uc ti jteclum Sardise, xchi'uc ti jteclum Filadelfiae, xchi'uc ti jteclum Laodiceae ―xiyutun.

Apocalipsis 14:7

Tsots ic'opoj, hech laj yalbe: ―Xi'ic ti Diose. Pasic me ti muc' yu'un ista xa yorail ti ch-ich'bat sc'op scotol crixchanoetic yu'un smulic. Quejano me abaic ti stojol yu'un ja' laj spas ti vinajele ti balumile ti nabe xchi'uc ti butic chloc' tal ti ho'e ―xchi.

Apocalipsis 15:4

Scotolic chlic xi'uc ti atojol, Cajval. Scotolic chlic yal ti ho'ot atuc ajvalilot yu'unic. Yu'un atuc no'ox toj avo'nton. Yu'un hech avaloj ono'ox ti ac'op, hech yu'un scotol crixchanoetic chlic yalic ti toj chachapanvane, xchiic.

Apocalipsis 19:10

Ho'oni laj jpatan jba ti stojol yu'un jc'an ti jpas ti muc'. Hech laj yalbun: ―Mu me xapas hech. Ja' chapas ti muc' ti Diose. Yu'un ho'oni co'ol cac'oj jbatic ti abatinel yu'un ti Diose xchi'uc scotol avermanotac uc ti jamal chalbeic sc'opilal ti Jesuse. Yu'un co'ol chcalbetic sc'opilal ti Jesuse, hech yu'un co'ol yabatucutic ti Diose xchi'uc ti j'alc'opetic ti vo'one ―xiyutun.

Apocalipsis 22:10

Hech laj yalbun uc: ―Mu me xapac'be sello yu'un hech mu macaluc chcom ti hun avi to, ja' ti sc'opilal ti c'usi chc'ot ti pasele. Ac'o sq'uelic scotolic yu'un po'ot xa chc'ot ti pasel.

Apocalipsis 22:18

Hech laj yal uc ti Jesuse: ―Ho'on ti jtaq'ui scotol ti much'utic cha'yic ti c'op ti li' ti hun li'to ti chal ti c'usi chc'ot ti pasele. Scotol ti much'u chac'be xchi'il avi c'op li'to, ja' hech yepal ch-ac'batic castigo yu'un ti Diose hech chaj c'u che'el li' ts'ibabil ti hun li'to.

Apocalipsis 22:7

A'yo me ava'i, chtal la ti ora ti Cajvaltique. Jun no'ox yutsil scotol ti much'utic chac' ti yo'ntonic ti c'usi ts'ibabil ti hun li'to, ja' ti po'ot xa chc'ot ti pasele ―xiyutun ti ch'ul abate.

Apocalipsis 4:10

C'alal hech chalic ti chanvo'ique, ja'uc ti veinticuatro ti vo' totiletique tspatan sbaic ti stojol ti Diose. Chlequilc'opojic yu'un ti Diose ti ja' stalel cuxul sbatel osile. Tsloq'uesic ti scoronaique, chaq'uic te ti stojol ti Diose hech tspasic ti muc'. Hech chalic:

Apocalipsis 9:20

Ti crixchanoetique ti muc xmilatique, manchuc mi laj yilic ti imilat ti xchi'iltaque, muc sutes yo'ntonic yu'un ti c'utic chopol tspasique. Mu sc'an spajes sbaic ti yu'un tspasic ti muc' ti pucujetique. Mu sc'an scomesic ti yajsantoique ti pasbil ti c'anal taq'uine, ti saquil taq'uine, ti cobre taq'uine, ti tone, ti te'e, ja' ti mu cuxuluque, ti mu xa'yic c'ope, ti mu xanavique.