Apocalipsis 19:8 - Tzotzil de Huixtán

⁸ Ti ac'bil ti sc'u'e pasbil ti lino poc' ti toyol stojole. Lum sac ti jyalel; chquevan ti sc'u'e, xchi xc'opoj. Ti lino poq'ue ja' señail ti toj yo'ntonic ti i'ac'batic ti much'utic oyic ti stojol ti Diose.

Tzotzil Zinacantan

⁸ Li scꞌuꞌ acꞌbile lec tajmec, sac tajmec xojobal, xiic. Li lequil cꞌuꞌule jaꞌ seña li cꞌusitic lec ispasic li muchꞌutic yichꞌojic ta mucꞌ ti Cajvaltic Jesuse.

Bible in Tzotzil de Chamula

⁸ Albat xa sc'oplal ta slap ti lino poq'ue, ti xlaplun no'ox yutsil ti saquile. Yu'un ti lino taje, ja' sc'oplal ta xac' ta na'el ti oy slequil stuq'uil c'usitic laj spasic ti buch'utic yu'untac ti Diose.”

Bible in Tzotzil de Chenalhó with Deuterocanon

⁸ I'ac'bat xa slap sc'u' pasbil ta lino no, bats'i sac ta jyalel, oy xojobal. Yu'un li lequil lino noe ja' senyail li c'usitic tuc' spasojic li boch'o voc'bilic yu'un Diose”, xiic.

Tzotzil San Andres

⁸ Li scꞌuꞌ acꞌbile jaꞌ lequil pocꞌ. Toj sac xojobal ta qꞌuelel, xiic. Li lequil poqꞌue jaꞌ svinajeb li cꞌustic tucꞌ la spasic li buchꞌutic yichꞌojic ta mucꞌ li Diose.

Apocalipsis 19:8 Iomraidhean Croise

San Mateo 17:2

Ti Jesuse te laj sc'atajes sba ti stojolic. Laj yac' squeval ti sate hech chaj c'u che'el chac' squeval ti c'ac'ale. Iquevan scotol sc'u'.

San Mateo 22:12

Hech laj yalbe: “Quits'in, ¿c'u yu'un ti muc xac'an xavich' ti c'u'ile ti jchapanoj ti chavich'ique ti ja' sventa ti q'uin yu'un nupunele?” xut. Muc xtac'av ti vinique.

Marcos 9:3

Iquevan scotol sc'u' ti Jesuse. Sac ti jyalel ic'ot, chtup' jsatic yu'un. Li' ti balumile mu xco'olaj xchi'uc ti much'u más sac chchuc'omaj.

San Lucas 24:4

C'alal yac'oj sba chlo'laj yo'ntonic, laj yilic ti te va'ajtic ti sts'elic cha'vo' viniquetic x'elan. Lum sac ti sc'u'ique chtup' jsatic yu'un.

Hechos 1:10

C'alal yac'oj sba sq'uelic ti ibat ti vinajel ti Jesuse, ti ora ivinaj jun to cha'vo' viniquetic x'elan te ti sts'elic. Sac sc'u' slapojic ti xcha'va'alique.

Romanos 13:14

Ja' ac'o yu'uninoxuc ti Cajvaltic Jesucristoe hech xu' avu'unic hech chaj c'u che'el laj spas. Hech ma'uc chapasic ti c'usi tsc'an ti abec'talique.

Apocalipsis 15:4

Scotolic chlic xi'uc ti atojol, Cajval. Scotolic chlic yal ti ho'ot atuc ajvalilot yu'unic. Yu'un atuc no'ox toj avo'nton. Yu'un hech avaloj ono'ox ti ac'op, hech yu'un scotol crixchanoetic chlic yalic ti toj chachapanvane, xchiic.

Apocalipsis 15:6

Iloq'uic ti yut templo ti hucvo' ch'ul abatetique ja' ti ch-ac'batic yich'ic ti hucub castigoe. Sac sc'u' slapojic. Puru pino poc' ti sc'u'ique. Chquevan ti sc'u'ique. Oy xincha xchucoj ti sti' yo'ntonique. Pasbil ti c'anal taq'uin ti xinchaique.

Apocalipsis 19:14

Chi'imbil yu'un scotol yabat ti te oyic ti vinajele. Jun no'ox yutsil ti sc'u'ic ti slapojique. Pasbil ti lino poc' x'elan. Sac ti jyalel. Puru saquil ca' scajlebinojic scotolic.

Apocalipsis 3:18

Hech yu'un chacalbeic. La'ic me ti jtojol. La' ich'o xch'unojel avo'ntonic hech jc'ulej chac'ot ti jtojol. Chacac'bot toj avo'ntonic uc yu'un hech mu xaq'uexavic yu'un mu xa t'analucoxuc chaquil. Jun to sac ac'u' alapojic. Chajpoxtaboxuc asatic uc yu'un hech chavilic.