Apocalipsis 15:8 - Tzotzil de Huixtán

⁸ Inoj ti ch'ayil ti temploe. Ja' señail ti muc' ti Diose ti jelaven sp'ijile. Mu'yuc much'u xu' ch-och xa ti templo. Ja'to mi ilaj sc'opilal ti hucub castigoe ti yich'ojic ti hucvo' ch'ul abatetique, ja'to xu' ch-ochic.

Tzotzil Zinacantan

⁸ Li yut temploe inoj ta chꞌail. Jaꞌ seña ti oy tajmec slequilal syuꞌelal ti Rioxe. Yechꞌo ti muc muchꞌu xuꞌ xꞌoch ta temploe. Jaꞌto cꞌalal xlaj yaqꞌuic li vuctos castico ti iꞌacꞌbatic li vucvoꞌ anjeletique, jaꞌto xuꞌ xꞌochic.

Bible in Tzotzil de Chamula

⁸ Ti ta ch'ulnae, noj ta ch'ail ti lic talel ta sventa yutsilal smuc'ul stsatsal ti Diose. Mu'yuc buch'u ta x'och batel, mi junuc mi mu'yuc to ech' ti vuctos cuxul j'ilbajinvanej vocol ti yich'ojic batel ti vucub anjele.

Bible in Tzotzil de Chenalhó with Deuterocanon

⁸ Li ch'ul cuartoe inoj ta ch'ayil; ja' xch'ayilal li xojobal Diose xchi'uc li svu'ele. Jech mu'yuc xa boch'o xu' ch-och o ta ch'ulna, ja' to me ivu' yu'unic yaq'uel scotol vucub tsatsal vocol li vucub j'almantaletique.

Tzotzil San Andres

⁸ Li yut li chꞌulnae inoj ta chꞌail. Jaꞌ senyail ti echꞌem stsatsal sjuꞌel li Diose. Jaꞌ yuꞌun mu xa buchꞌu xuꞌ ta xꞌoch li ta chꞌulnae. Jaꞌ to mi laj yaqꞌuic o li jucub vocol ti iꞌacꞌbatic li jucvoꞌ chꞌul ángeletique, jaꞌ to xuꞌ ta xꞌochic.

Apocalipsis 15:8 Iomraidhean Croise

Romanos 11:33

Ti Diose jelaven yutsil ti jyalel ti yo'ntone. Mu'yuc much'u yan hech sp'ijil. Sna' scotol. Mu'yuc much'u cha'ibe sjam ti c'usi snopoje. Mu'yuc much'u sna' ti c'u che'el tspase.

2 Tesalonicenses 1:9

Ja' ti castigo ti ch-ac'batique, ja' ti ch'ayel chbatic sbatel osile. Hech mu sq'uelbeic sat ti Cajvaltique, mu sq'uelbeic ti sp'ijile xchi'uc ti yutsile c'alal chtal ti Cajvaltique. Ja' chtal yu'un ti jpastic ti muc' ho'ucutic ti laj xa yic'ucutic ti stojole. Hech jun no'ox yutsil chc'ot sc'opilal cu'untic jcotoltic ti jch'unojbetic ti sc'ope. Ho'oxuc ac'opilalic uc yu'un laj xa ach'unic ti sc'op ti Diose ti laj jcholboxuque.

Apocalipsis 15:1

Laj quil yan señail te ti vinajel. Yan x'elan, chch'ay co'ntontic yu'un. Te oy hucvo' ch'ul abatetic ti ch-ac'batic yich'ic jujun castigo. Ja' slajeb ti castigoe yu'un te tsts'aqui scotol ti yilintael ti crixchanoetique yu'un ti Diose.

Apocalipsis 21:11

Yich'ojbe squeval ti Diose. Chquevan no'ox hech chaj c'u che'el ton ti toyol stojole. Ja' hech chaj c'u che'el chleblej jaspe-ton. Sac hech chaj c'u che'el espejo.