Apocalipsis 11:10 - Tzotzil de Huixtán

¹⁰ Ti much'utic oyic ti balumile nichim no'ox yo'ntonic yu'un ti imilatic xa ti cha'vo'ique. Tspasbeic sq'uinal. Chac'be sbaic smotonic yu'un ti icham xa ti cha'vo'ique yu'un ep itijbat yo'ntonic yu'unic c'alal cuxajtic toe.

Tzotzil Zinacantan

¹⁰ Li crixchanoetic ta sjunlej balamile xmuyubajic xa tajmec ti cꞌalal icham iyilic li chaꞌvoꞌe, ispasic o qꞌuin. Iyacꞌbe sba smotonic scotolic. Yuꞌun chopol iyaꞌiic cꞌusi iyalic cꞌalal cuxulic toꞌox li chaꞌvoꞌe. Chopol iyaꞌiic cꞌalal iꞌipajique.

Bible in Tzotzil de Chamula

¹⁰ Ti jech cham lajique, xlaet to ta xa'i ma' ti jnaclejetic ta banomile. Mu'yuc xa c'usi x'ech' o ta xa'i ti muyubajele, ti xac'anbe xa sbaic matanal ta jujun ta scoj ti mu x'ech' xjelav svocolic laj ya'iic yu'un ti cha'vo' j'alc'opetique.

Bible in Tzotzil de Chenalhó with Deuterocanon

¹⁰ Li jnaclumetic ta banamile xcuxet no'ox yo'ntonic, stse'inic no'ox ti c'alal chilic ichamic xae. Jech ta xac'anbe sba smoton jujunic. Yu'un c'alal cuxulic to'oxe, ja' laj yac'beic ep svocol li jnaclumetic ta banamile.

Tzotzil San Andres

¹⁰ Li crixchanoetic ta spꞌejel balumile xmuybajic xa cꞌalal chilic ti icham li chaꞌvoꞌique, jaꞌ yuꞌun ta spasbeic sqꞌuinal. Ta xacꞌbe sbaic matanal scotolic. Yuꞌun li cꞌalal cuxulic toꞌoxe, chopol iyaꞌiic li cꞌusi laj yalique, schiꞌuc chopol iyaꞌiic ti itsaqueic ta chamele.

Apocalipsis 11:10 Iomraidhean Croise

San Mateo 10:22

Chayilintaoxuc ep crixchanoetic ho'on ti jventa. Ti much'u scotol icuch yu'un c'alal tsta ti slajebal c'ac'al, ja' chcol.

San Juan 16:20

Melel ti c'usi chacalbeique, ho'oxuque cha'oq'uic, chavich'ic mul. Ja'uc ti crixchanoetique nichim no'ox yo'ntonic. Ho'oxuque j'oc' no'ox chavich'ic mul, patil nichim no'ox avo'ntonic o.

San Juan 7:7

Ti crixchanoetique li' ti balumile mu xu' chayilintaoxuc ti ho'oxuque. Ho'oni chiyilintaun yu'un ti jcholbe sc'opilal ti chopol ti yabtelique.

Hechos 5:33

C'alal laj ya'yic ti hech laj yal ti jcholc'opetique, xtec'tun no'ox i'ilinic. I'albat smilelic.

1 Corintios 13:6

Ma'uc nichim no'ox yo'nton mi tsta smul ti yermanoe. Ja' nichim no'ox yo'nton mi lec chbat ti yermanoe.

Apocalipsis 12:13

Ti c'alal laj yil ti dragone ti j'ech'el itenat yal tal li' ti balumile, hech lic yilbajin ti antse, ja' ti querem laj yaq'ue.

Apocalipsis 13:14

Hech yu'un ti xcha'cotol bolome ti Diose laj yac'be spas ep jchop o abteletic te ti stojol ti primero jti'vanej bolome. I'ac'bat licensa uc yu'un tspas ti mantal ti crixchanoetique ti ac'o spasbeic sloc'tombail ti primero jti'vanej bolome, ja' ti laj yich' milel ti espadae muc xcham.

Apocalipsis 13:8

Scotol ti much'utic li'oyic ti balumile, ja' ti mu p'ejambiluc sbiic ti c'alal mu to chlic ti balumile te ti hun sventa cuxlejal sbatel osile, ja' laj squejan sbaic ti stojol ti bolome. Ja'uc ti much'u p'ejajtic ti hun sbiic ti sventa chcuxiic sbatel osile, ti ja' yich'oj ti Ch'iom Carneroe, ja' ti imilate, ja' ti icha'cuxi xae, ja' muc squejan sbaic ti stojol laj quil.

Apocalipsis 16:10

Ti yo'obal ch'ul abate ba smalbe ti bu ti mero scotleb ti jti'vanej bolome ti castigo ti te tiq'uil ti stazae. Hech puru ic' osil ic'ot ti sjoylejal balumil yu'un li' ti balumile yac'oj sba tspas mantal ti jti'vanej bolome. Ti crixchanoetique yu'un ti ep c'ux cha'yic ti jyalel ti xchinique, hech lic sti'ilanic yoq'uic, hech lic yut ti Diose ti te oy ti vinajele. Muc sutes yo'ntonic yu'un ti c'usi chopol spasojique.

Apocalipsis 3:10

Yu'un muc xacomesic ti jc'ope c'alal laj avich'ic vocol ti jventae, hech yu'un chajcoltaoxuc c'alal tsta yorail tspasbat proval yo'ntonic scotol ti much'utic te oyic ti balumile. Yu'un ep ti vocol chtale.