Tito 3:3 - Tz'utujil (Ja Cꞌacꞌa Chominem)

³ Como ajoj chakajaꞌ nabey ma chꞌobtajnak ta kumal ja rutzil xin Dios, ma xkanimaj ta ja Dios, oktzaknak chipan ja ritzelal. Chaka nojel ta kayarij okrchapon, ok caniꞌ preso rmal. Ojer xa xekatzelaj ja winak, congana quiakir kanma chiquij, xa ok itzel tak winak in xa itzel katzꞌat kiꞌ.

Tz'utujil NT

³ Com ajoj chka' nabey mch'obtanak ta kmal jutzil rxin Dios, mxeknimaj ta Dios, oktzaknak chpam rtzilal, chek njelal xekyarij y okrechpon, ok preso rmal. Ojer xe xektzelaj je' wnak, congan xk'utluna kanm chquij, xa ok itzel tak wnak y xitzel xkatz'et je' ki'.

Tito 3:3 Iomraidhean Croise

San Mateo 21:29

—Ma can ta, mta ngana ninbe, neꞌ tre ja rtataꞌ. Pro tok qꞌuiswani tiꞌon tre in rmalariꞌ xuqꞌuex ja rnaꞌoj in be pa samaj.

San Lucas 21:8

In xbij chic chique: —Kas tebanaꞌ jutzꞌit cuenta ewiꞌ, maxta cꞌo jun quixbano engañar. Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, owi: —Xurwilaꞌ ja tiempo chi npeti ja Cristo, xquecheꞌe. Pro ixix maxta tenimaj ja nquibij.

San Juan 8:34

Ja cꞌa Jesús xbij chic chique: —Ni katzij wiꞌ ja xtinbij chewe riꞌ, canojel ja winak ja nemacuni ejeꞌeꞌ xa e esclavo pa rukꞌaꞌ ja il mac como jaꞌ il mac nbano mandar quixin.

Romanos 11:30

Ja nabey tok majaꞌn tipeti ja Jesucristo ixix ja ma ix aj Israel ta ma xenimaj ta ja Dios pro ja Dios xpokonaj ewach in camic ewilon chic ja totajem rmal. Como ja tinamit Israel ma xeniman ta xa chewiꞌ tok ewilon chic ixix ja totajem xin Dios.

Romanos 6:12

Maxta quixmacun chic, maxta teyaꞌ rgana ja il mac xtuban ta mandar ja recuerpo xquixrtakchiꞌij chi ta chi rbanic juleꞌ itzelal ja caniꞌ nrajoꞌ nuban ja kacuerpo como xa ncami ja recuerpo.

Romanos 6:17

Ja cꞌa nabey ocnak ewajaw ja il mac pro ja camic maltiox tre ja Dios chi nojel ecꞌuꞌx nojel ewanma eniman chic ja utzlaj tijonem ja chꞌobon chewach.

Romanos 6:22

Pro ja camic ixwasanel chic libre pa rukꞌaꞌ ja il mac, Dios chic ja rewajaw in ja nechꞌec trij jariꞌ jun chꞌajchꞌojlaj cꞌaslemal. Jariꞌ chipan ja utzlaj cꞌaslemal natrucꞌamel wiꞌ pro jun cꞌaslemal ja ni mta wiꞌ qꞌuisic trij.

Romanos 6:6

Bien kotak chi ja tzabuklaj cꞌaslemal ja kucꞌan nabey jariꞌ jun camsax chwach cruz ruqꞌuin ja Jesucristo. Camsaxi utzcꞌa chi nkajsaxi ja rchokꞌakꞌ ja ritzel cꞌaslemal kucꞌan nabey utzcꞌa chi nokel libre pa rukꞌaꞌ ja il mac.

2 Corintios 12:20

Queriꞌ nbij chewe como anin nxbej wiꞌ emwal como ja tok xquinekaj ewqꞌuin maxla ma queriꞌ ta emajon rbanic ja caniꞌ nwajoꞌ chewe chi neban in maxla xa ma quiꞌil ta ja nenbanaꞌ ewqꞌuin ja caniꞌ newajoꞌ chwe chi nenbanaꞌ. Maxla xa chꞌaꞌoj ja remajon rbanic triꞌ owi aquiakarem owi ayewal owi banoj tak división owi xa ewiꞌ ja remajon rtzijoxic owi xa wixwotem owi xa ekꞌij ixix ja remajon ryaꞌic. Maxla xa ixyojtajnak ja tok xquinekaji.

Gálatas 6:3

Pro wi cꞌo jun nuchꞌob kaj chi mta ril in wi kas nim nunaꞌ kaj pro como xcꞌa winak jariꞌ xa nuban kaj engañar riꞌ ruyon.

Colosenses 1:21

Caniꞌ chewe ixix nabey nat ixcꞌo wiꞌ tre ja Dios, ni majun egana ruqꞌuin ja nbij ja Dios pa tak ewiꞌ pa tak ewanma, xa itzelal ja xeban. Pro ja camic ixtzurnak chic ruqꞌuin ja Dios, quewaꞌ xuban ja Dios chi echomarsaxic riꞌ,

Colosenses 3:7

In queriꞌ xeban ixix nabey chakajaꞌ ja tok cꞌa ewcꞌan na jun itzel cꞌaslemal como xeban ja juleꞌ itzelal ja cꞌa xinbij kaj chewe riꞌ.

2 Timoteo 3:13

Pro ja ritzel tak winak in ja banol tak engaño ejeꞌeꞌ xa janiꞌ neyojtaj más, nequeban engañar ja winak in queriꞌ chique ejeꞌeꞌ chakajaꞌ neba̱n engañar.

2 Timoteo 3:6

Como ecꞌoli chiquicojol ja nquicanoj nak nqueban chi nebe jeꞌe cuqꞌuin ixokiꞌ chi cochoch nequibanaꞌ engañar. Ja rixokiꞌ xa matiquechꞌob ja nqueban, congana pokon nquenaꞌ pa tak canma rmal ja quil quemac in chaka nak ta chi tijonemal nel quecꞌuꞌx trij.

Tito 1:16

Nquibij chi cotak rwach ja Dios pro ni kꞌalaj wiꞌ chi ma katzij ta como xa itzelal ja nqueban. Xa itzel netzꞌati, ma e nimanelaꞌ ta in maquecowini nquecꞌut ja rutzil chiquewach ja winak.

Tito 2:12

Ja rutzil xin Dios quewaꞌ nucꞌut chikawach riꞌ, chi nkayaꞌ can nojelal ja matirajoꞌ ja Dios in nojelal ja quicotemal xin rwachꞌulew in bien nkachꞌob ja nkaban in nkaban ja rutzil ja caniꞌ nrajoꞌ ja Dios chake chi nkaban.

Santiago 1:26

Ja wi nachꞌob chi congana animan ja Dios pro wi matakꞌil pan achiꞌ jariꞌ xa naban kaj engañar awiꞌ ayon, jariꞌ majun noc wiꞌ ja rareligión, mta noc wiꞌ ja chaka nabij chi animan ja Dios.

1 Pedro 1:14

Como ix alcꞌwalaxelaꞌ rxin ja Dios tenimaj ja nbix chewe rmal chi neban. Maxta teban chic ja ma utz ta jeꞌe ja xel ecꞌuꞌx trij caniꞌ xebanto ja tok majaꞌn tichꞌobtaj emwal ja utzlaj tzij xin Jesucristo.

Apocalipsis 12:9

Ja cꞌa nimlaj dragón arjaꞌ chꞌakixto. Jariꞌ dragón arjaꞌ ja rojer cumatz ja nbix tre chi Diablo in cꞌo jun chic rubiꞌ nbix tre, Satanás neꞌxi, arjaꞌ ja nbano engañar quixin canojel ja winak ja recꞌo chwachꞌulew. Chꞌakixto chwach ja rwachꞌulew e rachbil ja ritzel tak ángel rxin.

Apocalipsis 13:14

In xa neruban engañar ja winak ja recꞌo chwachꞌulew. Ja cꞌa nerbanbej engañar jariꞌ ja milagro nuban jeꞌe ja yatajnak tre chi nuban pro ni chwach ja jun chic itzel chicop tok nuban. In neruban mandar ja winak ja recꞌo chwachꞌulew chi nqueban rachbal ja jun chic itzel chicop ja soctajnak tzaꞌn espada nabey pro cꞌaseꞌe.

Apocalipsis 18:2

Arjaꞌ congana nurak ruchiꞌ, quewaꞌ nbij riꞌ: —Kaji ja nimlaj tinamit Babilonia, yojtaji. Congana lawuloꞌ rbanon como ja demonio e cachbil canojel quewach ja ritzel tak espíritu e cachbil chic canojel quewach itzel tak tzꞌiquin, triꞌ neqꞌuejeꞌ chi wiꞌ pa Babilonia, ocnak quicꞌolibal.