Tito 1:4 - Tz'utujil (Ja Cꞌacꞌa Chominem)

⁴ Ja cꞌa ratat Tito xa junan yukul wiꞌ kacꞌuꞌx awqꞌuin ruqꞌuin ja Jesucristo, at ncꞌajol chwach ja Dios. Ja rutzil ja nsipaj ja Dios chake rachbil ja quicotemal xin Dios ja tariꞌ xtacochij más tre ja katataꞌ Dios in tre ja Jesucristo ja Toꞌonel kaxin. Ejeꞌeꞌ ta xtiquipokonaj awach.

Tz'utujil NT

⁴ Tito, atet xjunam ykul wa' kac'u'x awq'uin ruq'uin Jesucristo, at wlec'wal chwech Dios. Ja utzil je nsipaj Dios chka ruq'uin jun anm jkas qui'il nec'je'a chwech, jara' ta xtacochij más tzra Kadta' Dios y tzra Kajaw Jesucristo jTo'onel kaxin, y xtpoknaj ta awech.

Tito 1:4 Iomraidhean Croise

San Lucas 2:11

Quewaꞌ ja utzlaj tzij ja ncꞌamonto chewe riꞌ, ja camic cꞌo jun Toꞌonel ewxin cꞌa xalaxi, pa Belén xalax wiꞌ ja bar xalax wiꞌ ja rojer rey David. Ja cꞌa Toꞌonel arjaꞌ ja Cristo ja kajaw.

San Juan 4:42

In quibij tre ja rixok: —Ja nabey yukeꞌ kacꞌuꞌx ruqꞌuin ja Jesús rmal ja xabij chake pro ja camic más chi na yukul kacꞌuꞌx ruqꞌuin como kacꞌaxaj ja xbij chake in bien kotak chi arjaꞌ ja Cristo ja Toꞌonel kaxin kanojelal ja rok winak, xecheꞌ tre.

Romanos 1:12

Pro ja ninbe ewqꞌuin jariꞌ ma eyon ta ixix cꞌoli rcꞌamonto chewe pro cꞌoli rcꞌamonto anin chwe chakajaꞌ como cꞌoli ja yukulbal ecꞌuꞌx ixix ruqꞌuin ja Jesucristo in cꞌoli ja yukulbal nucꞌuꞌx anin ruqꞌuin chakajaꞌ jariꞌ nkabanbej animar kiꞌ chibil tak kiꞌ ja tok xquinekaji.

Romanos 1:7

Jawaꞌ carta riꞌ ewxin ewanojelal wachꞌalal. Ixix janila nixrajoꞌ ja Dios arjaꞌ xixsiqꞌuini chi ixocnak ix tinamit rxin. Ja rutzil ja nsipaj ja Dios chake rachbil ja quicotemal xin Dios, ja tariꞌ xtecochij más tre ja katataꞌ Dios in tre ja kajaw Jesucristo.

2 Corintios 12:18

Anin xincꞌutuj jun utzil tre ja Tito chi arjaꞌ nbe ewqꞌuin in cꞌo jun kachꞌalal xintakel trij chakajaꞌ. Ja cꞌa Tito ¿la cꞌo ta cꞌa jun engaño xuban chewe? ¿La ma ja ta cꞌa mismo Espíritu Santo ucꞌayon kaxin chi ok caꞌiꞌ xetzꞌat? ¿La ma jun ta laꞌan ja bey ja kucꞌaj ruqꞌuin chi ok caꞌiꞌ nechꞌob ixix?

2 Corintios 2:13

Pro ni ma quiꞌ ta wiꞌ nucꞌuꞌx rumac ja ma xinwil ta triꞌ ja kachꞌalal Tito. Rmalcꞌariꞌ tok xinel chiquicojol ja kachꞌalal ja recꞌo pa Troas in xinbe chic chipan ja departamento Macedonia.

2 Corintios 4:13

Pro ja rajoj cꞌoli ja rEspíritu Santo kuqꞌuin, arjaꞌ ryaꞌon chake chi cꞌo yukulbal kacꞌuꞌx ruqꞌuin ja Dios. Jariꞌ ja mismo Espíritu Santo ja cꞌo ruqꞌuin ja rajsamajel xin Dios ojer ja tok xtzꞌibaj can juleꞌ tzij chipan ja rtzobal Dios quewariꞌ: —Anin yukul nucꞌuꞌx ruqꞌuin ja Dios in ma xinpokonaj ta xinyaꞌ rbixic, neꞌe. In como jariꞌ mismo Espíritu Santo cꞌo kuqꞌuin camic chewiꞌ tok yukul kacꞌuꞌx ruqꞌuin ja Dios in matikapokonaj nkayaꞌ rbixic chakajaꞌ.

2 Corintios 7:6

Pro ja cꞌa Dios arjaꞌ nyukbaꞌ quecꞌuꞌx ja winak ja capujnak quecꞌuꞌx in queriꞌ xuban chake ajoj chakajaꞌ xyukbaꞌ kacꞌuꞌx tokoriꞌ tok xurkaji ja Tito kuqꞌuin.

2 Corintios 8:16

Pro anin congana nmaltioxij tre ja Dios como arjaꞌ ryaꞌon pa ranma ja Tito chi congana noclaꞌ il chi rbanic cuenta ewxin, ni queriꞌ nuban ja Tito chi echajixic ja caniꞌ nintajini nban anin.

2 Corintios 8:23

Ja cꞌa Tito kacꞌamon kiꞌ ruqꞌuin chi noksamaj pan ecuenta, arjaꞌ wach ajsamajel xin Dios. Ja cꞌa re caꞌiꞌ chic kachꞌalal ejeꞌeꞌ echaꞌonel cumal ja juleꞌ chic kachꞌalal ja recꞌo pa tak iglesia jeꞌe in ja quicꞌaslemal jariꞌ ocnak yaꞌbal rukꞌij ja Cristo.

2 Corintios 8:6

Queriꞌ quibanon ja kachꞌalal in rmalariꞌ congana kaban animar ja Tito chi arjaꞌ nbe chic jutij ewqꞌuin. Como ja Tito cꞌo jun moloj ayuda xumaj checojol chewiꞌ tok kabijel tre chi nbe chic jutij ewqꞌuin chi nerqꞌuisaꞌ rmolic como ja rayuda neyaꞌ jariꞌ ncꞌutuwi ja rutzil xin Dios ja nsamaji pa tak ewanma.

Gálatas 2:3

Ejeꞌeꞌ chꞌobtaj cumal ja xinbij chique como ja Tito ja wachbil arjaꞌ ma aj Israel ta in tok laj ban puersa tre chi nba̱n circuncidar pro nixtacꞌa yataj ta lugar chique chi queban ta circuncidar.

Gálatas 3:26

Como xa jun ebanon chic ruqꞌuin ja Cristo Jesús tibij cꞌa tzij ariꞌ chi ix ralcꞌwal Dios ewanojel pro xa rmal ja yukulbal ecꞌuꞌx ruqꞌuin tok banon queriꞌ chewe.

Gálatas 3:28

Xa ix jun chic chi ix aj Israel chi ma ix aj Israel ta, chi ix esclavo chi ix libre, chi ix achiꞌiꞌ chi ix ixokiꞌ, xa ix jun chic ewanojelal como xa jun chic ebanon ruqꞌuin ja Cristo Jesús.

Efesios 1:2

Ja rutzil ja nsipaj ja Dios chake rachbil ja quicotemal xin Dios ja tariꞌ xtecochij más tre ja katataꞌ Dios in tre ja kajaw Jesucristo.

Colosenses 1:2

in ntakel ewqꞌuin wachꞌalal ja rix aj Colosas. Ixix ix tinamit xin Dios, cꞌoli ja yukulbal ecꞌuꞌx ruqꞌuin ja Cristo Jesús, xa jun ebanon ruqꞌuin. Ja rutzil ja nsipaj ja Dios chake rachbil ja quicotemal xin Dios ja tariꞌ xtecochij más tre ja katataꞌ Dios in tre ja kajaw Jesucristo.

1 Timoteo 1:12

Ja kajaw Cristo Jesús xuyaꞌ chwe ja wachokꞌakꞌ chi nban ja rsamaj, congana nmaltioxij tre como arjaꞌ cꞌo rconfianza wqꞌuin in xuyaꞌ chwe chi xinoc ajsamajel rxin.

2 Timoteo 1:1

Anin in Pablo ntzꞌibajel chawe ja carta riꞌ Timoteo. Anin in apóstol rxin ja Jesucristo. Jariꞌ nsamaj yaꞌon chwe rmal ja Dios. Arjaꞌ xinruchaꞌ chi nenyaꞌaꞌ rbixic ja utzlaj cꞌaslemal ja nuyaꞌ ja Cristo Jesús chique ja nyukeꞌ quecꞌuꞌx ruqꞌuin.

2 Timoteo 1:2

Atat Timoteo at ncꞌajol chwach Dios in lokꞌ natnunaꞌ. Ja rutzil ja nsipaj ja Dios chake rachbil ja quicotemal xin Dios ja tariꞌ xtacochij más tre ja katataꞌ Dios in tre ja kajaw Jesucristo. Ejeꞌeꞌ ta xtiquipokonaj awach.

2 Timoteo 4:10

como ja Demas arjaꞌ be chipan ja tinamit Tesalónica, xinruyaꞌ can xa rmal ja congana nel rucꞌuꞌx trij ja quicotemal xin rwachꞌulew. Ja Crescente jariꞌ xintak pa tak tinamit ja cꞌo pa rcuenta Galacia in xintak ja Tito chakajaꞌ pa tak tinamit ja cꞌo pa rcuenta Dalmacia.

Tito 1:3

Ja Dios tok xurwilaꞌ ja kꞌij ja rchominto xutakto rbixic ja rtzobal. Arjaꞌ Toꞌonel kaxin, arjaꞌ biyon chwe chi anin nyaꞌ rbixic ja rtzobal jariꞌ ja rsamaj xuban recomendar chwe chi nban.

Tito 2:13

In chakajaꞌ ja rutzil xin Dios nucꞌut chikawach chi npi chi na jutij ja Jesucristo, arjaꞌ nimlaj Dios kaxin, arjaꞌ Toꞌonel kaxin. In kotak chic chi ja tok xtipeti congana nim chic rukꞌij triꞌ in camic nokquicoti chi raybexic.

2 Pedro 1:1

Anin in Simón Pedro, in ajsamajel rxin ja Jesucristo in chakajaꞌ in apóstol rxin. Anin ntzꞌibaj ja carta riꞌ in ntakel ewqꞌuin ixix ja rewilon chic ja lokꞌlaj yukulbal ecꞌuꞌx ruqꞌuin ja Jesucristo. Ja yukulbal ecꞌuꞌx ruqꞌuin ja Jesús nim rukꞌij, junan ruqꞌuin ja caniꞌ kawilon ajoj. Ja Jesucristo arjaꞌ Dios, arjaꞌ Toꞌonel kaxin in rmal ja rutzil rcꞌamonto tok nokcꞌuli rmal ja Dios in rmalariꞌ tok ewilon chic ja yukulbal ecꞌuꞌx ruqꞌuin.

2 Pedro 1:11

congana quiꞌil ecꞌulic xtibani chipan ja gobierno rxin ja kajaw Jesucristo, arjaꞌ Toꞌonel kaxin, jun gobierno ja ni mta wiꞌ qꞌuisic trij.

2 Pedro 2:20

Ejeꞌeꞌ riꞌ winak nabey quetoꞌ quiꞌ chipan ja ritzelal xin rwachꞌulew tokoriꞌ tok cotakij nak rbanic ja kajaw Jesucristo ja Toꞌonel kaxin. Pro wi nquitzꞌapij chic jutij quiꞌ chipan ja ritzelal in necha̱p chic jutij rmal xcꞌa rmalariꞌ ja tok más chi na lawuloꞌ ja quicꞌaslemal chwach ja caniꞌ quibanon nabey.

2 Pedro 3:18

Pro ja neban, ni ta xtiqꞌuiy wiꞌ más ja rutzil xin Dios pa tak ewanma, ni ta xtewotakij wiꞌ más janiꞌ rnaꞌoj ja kajaw Jesucristo ja Toꞌonel kaxin. Arjaꞌ ni ta xtiyaꞌ wiꞌ rukꞌij camic, chwak in chijutij. Amén.

2 Pedro 3:2

Rmalariꞌ nbij chewe, tinataj jutzꞌit chewe ja quibin can ja rojer tak profeta xin Dios. In tinataj chewe chakajaꞌ ja mandamiento ja yaꞌon can rmal ja kajaw Jesucristo ja Toꞌonel kaxin jariꞌ kabin chic chewe ja rok apóstol.

1 Juan 5:14

Yukul kacꞌuꞌx ruqꞌuin ja Dios chi arjaꞌ ncꞌulbaꞌ ja roración nkaban ja wi utz ncꞌaxaj ja nkacꞌutuj tre.

Judas 1:3

Chakꞌlaj wachꞌalal, como anin congana ngana nchꞌob más chewach nak rbanic ja totajem xin Dios ja kacochin tre ewqꞌuin jariꞌ punto laj xinyaꞌ chipan jun carta nabey. Pro ja camic cꞌo chic jun punto ja más chi na rjawaxic chi nyaꞌ chipan ja carta como ja camic congana rjawaxic chi nixnuban animar chi congana ta neban cuenta ja tijonem xin Jesucristo ja kaniman ewqꞌuin utzcꞌa chi matiqꞌuextaji. Jariꞌ tijonem ja yatajnak chake ja rok tinamit xin Dios in ni mta wiꞌ qꞌuextajic trij.