Tito 1:3 - Tz'utujil (Ja Cꞌacꞌa Chominem)

³ Ja Dios tok xurwilaꞌ ja kꞌij ja rchominto xutakto rbixic ja rtzobal. Arjaꞌ Toꞌonel kaxin, arjaꞌ biyon chwe chi anin nyaꞌ rbixic ja rtzobal jariꞌ ja rsamaj xuban recomendar chwe chi nban.

Tz'utujil NT

³ Ja' Dios tak xerla' k'ij je rchumin ta xutak ta rbixic rtzojbal. Ja' To'onel kxin, ja' biyona chwa che anen quenya' rbixic rtzojbal, jara' rsamaj xuya' chwa chquenban.

Tito 1:3 Iomraidhean Croise

Marcos 1:15

Quewaꞌ nbij riꞌ: —Camic xurtzꞌakati ja tiempo, ja gobierno xin Dios xa nnakajinto rmalcꞌariꞌ tok nbij chewe, teqꞌuexaꞌ ja renaꞌoj in teyaꞌaꞌ can ja ritzelal, tenimaj ja utzlaj tzij ja rcꞌamonto ja totajem xin Dios, neꞌe.

Marcos 13:10

Ja tok majaꞌn tipeti ja qꞌuisbal rwachꞌulew rjawaxic nabey chi ja utzlaj tzij ja ncꞌamonto nekaj na rbixic cuqꞌuin ja winak ja recꞌo nojel tak nación. Cꞌa tokocꞌariꞌ xtipeti ja qꞌuisbal rwachꞌulew.

Marcos 16:15

Cꞌacꞌariꞌ xbij chic chique: —Jix nojel nat nakaj chwach ja rwachꞌulew, jeyaꞌaꞌ rbixic ja utzlaj tzij ja ncꞌamonto, jeyaꞌaꞌ rbixic chique ja winak pro ni canojelal.

San Lucas 1:47

Congana nquicoti ja wanma como ja Dios arjaꞌ Toꞌonel wxin.

Hechos 10:36

Xutakto ja Jesucristo ja kajaw kanojelal ja rok winak, kuqꞌuin ajoj xutakto wiꞌ ja rok aj Israel chi xuryaꞌaꞌ rbixic ja utzlaj tzij chake ja rcꞌamonto quicotemal.

Hechos 17:26

Xa jun rwach ja quicꞌ ja xokrwinakarsbej kanojelal xa nak ta chi tinamital okcꞌo wiꞌ. Ja rgana arjaꞌ chi ecꞌoli winak nojel nat nakaj chwach ja rwachꞌulew. Ni rchominto wiꞌ ja tiempo ja nurkabanaꞌel waweꞌ chwachꞌulew, ni rchominto wiꞌ nak chi lugaril ja nokqꞌuejeꞌ wiꞌ chikajujunal.

Romanos 15:19

Ja Cristo xuyaꞌ chwe chi xinban nimak tak milagro in xuyaꞌ chwe chakajaꞌ chi congana samaji ja poder rxin ja rEspíritu Santo chipan ja samaj xinban. Queriꞌ cꞌa rbanic ja samaj nbanon, nojel nat nakaj xinbij wiꞌ ja utzlaj tzij xin Jesucristo, xinmajel rbixic pa Jerusalén in xinekaji cꞌa pan Ilírico.

Romanos 16:25

Ja camic ja kas nwajoꞌ anin chi ja Dios ni ta xtiyaꞌ wiꞌ rukꞌij pro ni ta chijutij. Ja Dios arjaꞌ bien ncowini ncowirsaj ecꞌuꞌx utzcꞌa chi cow nixpeꞌi chi rnimaxic ja Jesucristo. Queriꞌ nbij ja utzlaj tzij ja nmajon rbixic chewe, juleꞌ tzij ja nucꞌut chikawach nak rbanic ja Jesucristo. Jawaꞌ utzlaj tzij riꞌ nij awatalto wiꞌ jaruꞌ pa tiempo kas tzꞌucarnakto ja rwachꞌulew pro ja camic kꞌalasan chic chikawach.

Romanos 16:26

Ja Dios arjaꞌ rkꞌalasan chic chikawach camic ja utzlaj tzij in chakajaꞌ cꞌo jeꞌe ja quitzꞌiban can ja rojer tak profeta xin Dios ja noqui camic chi rkꞌalasbexic ja utzlaj tzij chiquewach ja winak pro ni chiquewach canojelal ja winak xa nak ta chi tinamital ecꞌo wiꞌ. Ja cꞌaslic Dios ja ni mta wiꞌ camíc trij arjaꞌ ryaꞌon jun orden chi nkꞌalasaxi ja utzlaj tzij chiquewach canojel ja winak utzcꞌa chi ejeꞌeꞌ nyukeꞌ quecꞌuꞌx ruqꞌuin ja Jesucristo in nquinimaj.

Romanos 5:6

Bien kꞌalaj chi congana nokrajoꞌ ja Dios como xutakto ja Cristo chi katoꞌic. Ajoj ni ma okcowinnak ta wiꞌ katoꞌon ta kiꞌ in ja tok xurwilaꞌ ja tiempo ja ni chomarsanto wiꞌ tokocꞌariꞌ peti ja Cristo, xurcam kaj pa kacuenta ja rok winak pro makanaꞌ maquita itzel ja kacꞌaslemal.

1 Corintios 9:17

Como jawaꞌ samaj riꞌ ma wqꞌuin ta anin cꞌo wiꞌ wi nban owi matinban pro puersa nban na como yaꞌon chi nukul rmal ja Dios. Ja wixta xa jun samaj ja xa tzujun chwe jariꞌ cꞌo ta cꞌa nukꞌij nto̱j ariꞌ.

Gálatas 4:4

Pro ja Dios tok tzꞌakati ja tiempo ja chomarsanto rmal tokocꞌariꞌ xutakto ja Cristo ja Ralcꞌwal. Xalaxi ja Ralcꞌwal Dios chwirukꞌaꞌ jun ixok in qꞌuejeꞌ na pa rukꞌaꞌ ja ley ja yaꞌon can tre ja Moisés ojer rmal ja Dios.

Efesios 1:10

Ni rchominto wiꞌ ja tiempo jeꞌe in tok xtitzꞌakati ja tiempo arjaꞌ nchomarsaj na nojelal ja yojtajnak jeꞌe in xa ruyon chic ja Cristo npeꞌe chic trij nojelal tanto tre ja cꞌo jeꞌe chilaꞌ chicaj in tre chakajaꞌ ja cꞌo jeꞌe chwachꞌulew.

Efesios 2:17

Cꞌacꞌariꞌ peti, xuryaꞌaꞌ rbixic ja utzlaj tzij ja nyoꞌ chake chi quiꞌil nokqꞌuejeꞌe, xuyaꞌ rbixic chewe ixix ja cꞌa cꞌa nat ixcꞌo wiꞌ tre ja Dios in xuyaꞌ rbixic chique chakajaꞌ ja recꞌo chirnakaj.

Filipenses 1:13

Camic incojon pa cheꞌ pro canojel ja soldado ja nechajin rxin ja jay ja bar nqꞌuejeꞌ wiꞌ ja nimlaj rey ejeꞌeꞌ bien cotak chi xa rmal ja yukulbal nucꞌuꞌx ruqꞌuin ja Jesucristo chewiꞌ tok incojon pa cheꞌ in bien cotak canojel ja juleꞌ chic winak chakajaꞌ.

Colosenses 1:23

Xarwariꞌ, rjawaxic chi mateyaꞌ can ja yukulbal ecꞌuꞌx ruqꞌuin ja Jesucristo, rjawaxic chi bien nixtiqueꞌe in cow nixpeꞌi, maxta ma quixquicot chi ta chi raybexic ja tzujun chake rmal ja Dios ja caniꞌ ncꞌu̱t chikawach rmal ja utzlaj tzij xin Jesucristo. Ekajnak chic rbixic ja utzlaj tzij ewqꞌuin in chakajaꞌ elnak rbixic chique canojel ja winak ja recꞌo chwachꞌulew. Anin ja rin Pablo yatajnak chwe chi nintajini nyaꞌ rbixic jawaꞌ utzlaj tzij riꞌ.

Colosenses 1:6

Jawaꞌ utzlaj tzij riꞌ ekajnak chic rbixic ewqꞌuin in benak nat nakaj chakajaꞌ nojel rwachꞌulew, congana utzil ntajini nwinakarsaj pa tak canma ja winak in e qꞌuiy ja netajini nquinimaj. Queriꞌ rbanon ja utzlaj tzij checojol ixix chakajaꞌ, congana utzil rwinakarsanto checojol, tokoriꞌ xumajto ja tok kas xecꞌwaxaj nabey ja utzlaj tzij tok chꞌobtaj emwal chi utz ja kas mero rubey ja rutzil ja nsipax chake rmal ja Dios.

1 Tesalonicenses 2:4

Ma queriꞌ ta kaban. Ja Dios arjaꞌ utz okrtzꞌaton in rbanon recomendar chake chi nkayaꞌ rbixic ja utzlaj tzij xin Jesucristo jariꞌ kabase tok nkabij rtzobal Dios. In ja kagana ajoj utz ta ncꞌaxaxi rmal ja Dios nojel ja nkabij masqui ja winak mta quigana ruqꞌuin como ja Dios arjaꞌ bien rotak ja cꞌo pa tak kanma ja rok winak ja wi utz owi ma utz ta.

1 Timoteo 1:1

Anin in Pablo ntzꞌibajel chawe ja carta riꞌ Timoteo. Anin in apóstol rxin ja Jesucristo. Jariꞌ nsamaj yaꞌon chwe rmal ja Dios ja Toꞌonel kaxin in rmal ja kajaw Jesucristo chakajaꞌ, arjaꞌ ryukulbal kacꞌuꞌx.

1 Timoteo 1:11

Jawaꞌ utzlaj tijonem xa junan ruqꞌuin ja utzlaj tzij xin Jesucristo in Dios xuyaꞌ chwe ja nsamaj chi nenyaꞌaꞌ rbixic ja utzlaj tzij. Ja utzlaj tzij jaꞌ ncꞌutu chikawach nak rbanic ja Dios chi arjaꞌ congana utz in kas nim rukꞌij. Ja Dios ruqꞌuin arjaꞌ winakarnakto wiꞌ ja quicotemal.

1 Timoteo 2:3

Ja Dios ja Toꞌonel kaxin ja wi queriꞌ nkaban arjaꞌ utz nokrutzꞌat in nquicot chakij.

1 Timoteo 4:10

Rmalcꞌariꞌ tok nkaban ja rsamaj Dios in nkatij rpokonal rmal como bien kotak chi ja Dios arjaꞌ ni nokrutoꞌ na wiꞌ in rmalcꞌariꞌ nokquicoti in kayben. Arjaꞌ Dios cꞌaslic Dios in nerutoꞌ canojelal ja winak pro arjaꞌ más na Toꞌonel kaxin ja yukul kacꞌuꞌx ruqꞌuin ja Jesucristo.

2 Timoteo 4:17

Pro ja kajaw Jesucristo arjaꞌ toꞌo wxin in xuyaꞌ wachokꞌakꞌ in rmalariꞌ xincowini xinqꞌuis nojel ja samaj ja xuban recomendar chwe chi rbixic ja utzlaj tzij ja rcꞌamonto. Queriꞌ xuban chwe utzcꞌa chi canojel ja winak ja ma e aj Israel ta nquicꞌaxaj ja utzlaj tzij. Queriꞌ xinban, ja kajaw Jesucristo arjaꞌ toꞌo wxin chipan ja nimlaj rcꞌayewal.

Tito 2:10

in chakajaꞌ ma quequilakꞌaj ta. Utz tiquibanaꞌ tre nojelal utzcꞌa ja quipatrón cꞌo quiconfianza cuqꞌuin. Ja wi queriꞌ nqueban cumal ejeꞌeꞌ canojel ja winak utz nquetzꞌat ja rtzobal Dios, arjaꞌ Toꞌonel kaxin.

Tito 2:13

In chakajaꞌ ja rutzil xin Dios nucꞌut chikawach chi npi chi na jutij ja Jesucristo, arjaꞌ nimlaj Dios kaxin, arjaꞌ Toꞌonel kaxin. In kotak chic chi ja tok xtipeti congana nim chic rukꞌij triꞌ in camic nokquicoti chi raybexic.

Apocalipsis 14:16

In queriꞌ xuban ja tzꞌubul parwiꞌ sutzꞌ, arjaꞌ xumaj rcojic ja woso chwachꞌulew in ja cosecha rxin ja rwachꞌulew mol ruchiꞌ.