Tito 1:1 - Tz'utujil (Ja Cꞌacꞌa Chominem)

¹ Anin in Pablo ntzꞌibajel chawe ja carta riꞌ Tito. Anin in ajsamajel rxin ja Dios in chakajaꞌ in apóstol rxin ja Jesucristo. Arjaꞌ xinrutak cuqꞌuin ja rechaꞌon rmal ja Dios chi quitoꞌic utzcꞌa chi nyukeꞌ más quecꞌuꞌx ruqꞌuin utzcꞌa chakajaꞌ chi ncotakij ja utzlaj tijonem xin Jesucristo ja natrucꞌaj chipan jun utzlaj cꞌaslemal ja caniꞌ nrajoꞌ ja Dios.

Tz'utujil NT

¹ Anen en Pablo quentz'ibaj ela jawra carta chawa atet Tito. Anen en ajsmajma' rxin Dios y chka' en apóstol rxin Jesucristo. Arja' xenrutak ela cuq'uin jech-on rmal Dios che cto'ic ch-utz c'ara' nq'uiya más yukbal quec'u'x ruq'uin, y ch-utz c'ara' chka' che ncutkij utzlaj tijonem rxin Jesucristo je ncaterc'aj chpam utzlaj c'aslemal ajni' nrajo' Dios.

Tito 1:1 Iomraidhean Croise

San Lucas 18:7

Pior cꞌa ja Dios ¿la maquerutoꞌ cꞌariꞌ ja tinamit ja rerchaꞌon ja netajini nquicꞌutuj quitoꞌic tre chi pa kꞌij chi chakꞌaꞌ? ¿La nuyaꞌ tiempo tre ja quitoꞌic?

Hechos 13:48

Ja cꞌa ma e aj Israel ta tok quicꞌaxaj ja xbij ja Pablo janila xequicot rmal in congana queyaꞌ rukꞌij ja rtzobal Dios. Ecꞌo juleꞌ chique yukeꞌ quecꞌuꞌx ruqꞌuin ja Jesucristo. Queriꞌ queban canojel ja rechaꞌon rmal ja Dios chi nquewil ja utzlaj cꞌaslemal ja mta qꞌuisic trij.

Romanos 1:1

Anin ja rin Pablo camic ntzꞌibajel jawaꞌ carta riꞌ chewe ixix wachꞌalal ja rixcꞌo pa Roma. Anin in ajsamajel rxin ja Jesucristo. Ja Dios arjaꞌ xinsiqꞌuini chi xinoc apóstol, arjaꞌ xinchaꞌowi chi ninbe cuqꞌuin ja winak chi nenyaꞌaꞌ rbixic chique ja utzlaj tzij xin Jesucristo ja rtakonto waweꞌ chwachꞌulew.

2 Corintios 1:1

Anin ja rin Pablo, Dios ryaꞌon chwe chi inocnak apóstol rxin ja Jesucristo. Anin wachbil ja kachꞌalal Timoteo ntzꞌibaj jawaꞌ carta riꞌ in ntakel ewqꞌuin wachꞌalal ja nemol ewiꞌ pa rubiꞌ ja Dios chipan ja tinamit Corinto. In ntakel cuqꞌuin chakajaꞌ canojel ja kachꞌalal ja re xin Dios ja recꞌo chipan ja juleꞌ chic tinamit ja cꞌo chipan ja departamento Acaya.

Efesios 2:8

Queriꞌ nbij chewe como xa rmal ja rutzil ja nsipaj ja Dios chake ja tok ewilon chic ja totajem xin Dios in ja yukulbal ecꞌuꞌx ruqꞌuin ja Jesucristo jariꞌ ecꞌamben jawaꞌ totajem riꞌ. Pro jawaꞌ ni majun nak ta xeban ja xechꞌecbej ta, puro cochinem xin Dios.

Filipenses 1:1

Anin in Pablo wachbil ja Timoteo ajoj okbanyon awaꞌ carta riꞌ. Ajoj ok ajsamajelaꞌ rxin ja Jesucristo. Camic wachꞌalal nkatakel ja carta ewqꞌuin ewanojel ja rixcꞌo chipan ja tinamit Filipos. Ja carta, ewxin ixix ja nixchajin quixin ja kachꞌalal, ewxin ixix ja rix diácono, ewxin ewanojelal ja rix xin Dios ja xa jun ebanon ruqꞌuin ja Cristo Jesús.

Colosenses 2:2

Nmajon rbanic jun lucha utzcꞌa chi bien nquexim quiꞌ chipan ja rajoben riꞌil xin Dios in rmaltariꞌ ncowir quewiꞌ canma chipan ja utzlaj tzij xin Jesucristo. Ja kas nwajoꞌ chique, kas ta nqꞌuejeꞌe ja quiseguro, kas ta nchꞌobtaj cumal nak rbanic ja rkꞌalasan chic ja katataꞌ Dios chikawach jariꞌ caniꞌ jun nimlaj mebaꞌil nuyaꞌ chake como arjaꞌ rkꞌalasan chic chikawach nak rbanic ja Cristo.

1 Timoteo 2:4

Ja Dios arjaꞌ nrajoꞌ chi canojelal ja winak netotaji in ncotakij ja utzlaj tijonem xin Jesucristo.

1 Timoteo 3:16

Ni katzij wiꞌ chi congana nim rukꞌij ja rkꞌalasan chikawach ja Dios tre nojel ja rcꞌamonto ja Jesucristo. Quewaꞌ ja rkꞌalasan chikawach riꞌ. Ja Dios qꞌuejeꞌ waweꞌ chwachꞌulew, xoc kach winak. Kꞌalasax rmal ja rEspíritu Santo chi ni katzij wiꞌ nojel ja xbij tok qꞌuejeꞌ waweꞌ. In tzꞌat cumal ja ángel. Yaꞌ rbixic chique ja winak pa tak nación jeꞌe. In ecꞌoli chique ja winak nojel rwachꞌulew quinimaj. In joteꞌ pa gloria chilaꞌ chicaj. Queriꞌ ja rkꞌalasan chikawach ja Dios.

1 Timoteo 6:3

Wi cꞌo jun ja junwiꞌ chi na tijonem nuyaꞌ chique ja kachꞌalal in mta rgana ruqꞌuin ja utzlaj tijonem xin Jesucristo ja rcꞌamonto ja utzlaj cꞌaslemal

2 Timoteo 2:10

In cumal ja rechaꞌon rmal ja Dios anin ncochꞌ nojel ja rpokonal utzcꞌa chi ejeꞌeꞌ nquewil ja totajem ja rcꞌamonto ja Cristo Jesús chake ja yukul kacꞌuꞌx ruqꞌuin utzcꞌa chi nyataj na chique ja gloria xin chilaꞌ chicaj pro ni chijutij.

2 Timoteo 2:23

Maxta tayaꞌ caso tre ja tzij ja mta rcꞌamonto in mta noc wiꞌ como bien awotak chi xa chꞌaꞌoj rcꞌamonto.

2 Timoteo 2:25

Ja tok ecꞌoli nechꞌaꞌo rxin arjaꞌ nuchꞌob chiquewach pan ekal, ma pan ayewal ta. Queriꞌ nuban como chaka jalal maxla Dios nuyaꞌ chique chi nqueqꞌuex ja quinaꞌoj in nqueyaꞌ can ja ritzelal in ncotakij ja utzlaj tzij xin Jesucristo.

Santiago 1:1

Anin in Santiago in ajsamajel rxin ja Dios in chakajaꞌ in ajsamajel rxin ja kajaw Jesucristo. Wachꞌalal, anin ntakel rutzil ewach ja rix cablajuj tribu aj Israel ja rixchictajnak ixbenak nojel nat nakaj.

2 Pedro 1:3

Ja Dios cꞌo pa rukꞌaꞌ nojelal, arjaꞌ nojel ryaꞌon chake ja ncꞌatzin chake chi nokcowini nkucꞌaj jun utzlaj cꞌaslemal ja utz ntzꞌa̱t rmal. Queriꞌ nuban ja Dios chawe ja tok nawotakij janiꞌ rnaꞌoj. Arjaꞌ xokrsiqꞌuij utzcꞌa chi nokoc rachbil chipan ja sakil utzcꞌa chakajaꞌ chi nkucꞌaj jun utzlaj anma ja caniꞌ ranma arjaꞌ.

2 Pedro 3:11

Como ja caj in rwachꞌulew xa ncꞌati xa nqꞌuisi rmalcꞌariꞌ tok nbij chewe, congana rjawaxic chi nkucꞌaj jun utzlaj anma, rjawaxic chi ni ja wiꞌ ja Dios nkachꞌob.

1 Juan 2:23

Ja winak ja nebini chi ja Jesús ma Alcꞌwalaxel ta jariꞌ mta ja Dios Tatixel pa tak canma pro ja nebini chi Alcꞌwalaxel jariꞌ cꞌoli ja Dios Tatixel pa tak canma.

Apocalipsis 1:1

Anin in Juan. Jawaꞌ ja xtintzꞌibaj riꞌ Jesucristo kꞌalasyon chinwach. Arjaꞌ yataj tre rmal ja Dios chi nkꞌalasaj utzcꞌa chi jariꞌ ncꞌutbej chikawach ja rok ajsamajelaꞌ rxin nak ja xtibantaj na cumplir chanim. Ja xucoj chi rkꞌalasaxic cꞌo jun ángel xutak wqꞌuin ja rin ajsamajel rxin.