San Mateo 8:2 - Tz'utujil (Ja Cꞌacꞌa Chominem)

² Chaka jalal tok cꞌo jun yawaꞌ xekaj ruqꞌuin ecꞌo juleꞌ itzel tak chꞌaꞌc trij, xuqueꞌ chwach in xbij tre: —Wajaw, ja wi nawajoꞌ ninatzursaj, anin wotak chi natcowini ninatzursaj, neꞌ tre.

Tz'utujil NT

² Chek q'uenjlal tak c'ola jun yawa' xekaja ruq'uin c'ola itzel yubil lepra rc'an, xexque'a chwech y cawra xbij tzra: —Wajaw, wnawajo' cnachumsaj, anen wutkin che ncatecwina cnachumsaj, cara' xbij tzra.

San Mateo 8:2 Iomraidhean Croise

San Mateo 10:8

Queꞌetzursaj yawaꞌiꞌ in queꞌetzursaj ja cꞌo itzel tak chꞌaꞌc chiquij chakajaꞌ, queꞌeyicaꞌ camnakiꞌ chipan ja camíc in queꞌewasajel itzel tak espíritu chique ja winak. Como ja poder xinyaꞌ chewe riꞌ xa xecochij chwe rmalcꞌariꞌ nbij chewe, maxta tecꞌutuj pwok chique winak tok necoj ja poder chi quitoꞌic.

San Mateo 13:58

In xa ma nim ta ja milagro xuban triꞌ rumac ja ma xyukeꞌ ta quecꞌuꞌx ruqꞌuin.

San Mateo 14:33

Ja cꞌa recꞌo chipan ja lancha ejeꞌeꞌ quemaj ryaꞌic rukꞌij, quewaꞌ quibij tre riꞌ: —Ni katzij wiꞌ chi atat ja rat Ralcꞌwal Dios, xecheꞌ tre.

San Mateo 15:25

Pro peti ja rixok, xuqueꞌ chwach in xbij tre: —Wajaw, quinatoꞌoꞌ, neꞌ tre.

San Mateo 18:26

Ja cꞌa rajsamajel arjaꞌ xuqueꞌ chwach ja rey in quewaꞌ xbij tre riꞌ: —Wajaw, tiqꞌue jutzꞌit apaciencia wqꞌuin, anin ntoj na nojel ja nucꞌas, neꞌ tre.

San Mateo 2:11

Cꞌacꞌariꞌ xeꞌoc chipan ja jay in quetzꞌat ja tacꞌal rachbil ja María ja ruteꞌ. Xexuqueꞌ chwach ja tacꞌal, quemaj ryaꞌic rukꞌij. Cꞌacꞌariꞌ quiwasajto ja quicꞌamonel ja nimak rjil in cꞌoli quisipaj tre. Ja quisipaj tre, oro in nakun jeꞌe ja quiꞌ rxulaꞌ caniꞌ tre incienso in mirra.

San Mateo 20:20

Cꞌacꞌariꞌ peti ja rxjayil Zebedeo erachbilanto ja ral, xuqueꞌ chwach ja Jesús. Queriꞌ xuban como cꞌoli nrajoꞌ ncꞌutuj tre.

San Mateo 26:6

Ja cꞌa Jesús arjaꞌ cꞌo chipan ja tinamit Betania pa rochoch jun achi rbinaꞌan Simón ja recꞌol itzel tak chꞌaꞌc trij nabey.

San Mateo 28:17

Ja cꞌa tok quetzꞌat ja Jesús quemaj ryaꞌic rukꞌij pro ecꞌoli ja ma kas ta nquinimaj chi Jesús.

San Mateo 28:9

Kas ebenak chi rbixic chique ja discípulo ja bixel chique tok chaka jalal quecꞌul quiꞌ ruqꞌuin ja Jesús. Ja cꞌa Jesús xuyaꞌ pon jun saludo chique. Ja cꞌa rejeꞌeꞌ tok xeꞌekaj ruqꞌuin quechap ja rkan in quemaj ryaꞌic rukꞌij.

San Mateo 4:9

in xbij chic tre: —Wi xcatxuqueꞌ chinwach wi nayaꞌ nukꞌij, anin njach pan akꞌaꞌ ja gobierno rxin nojel ja tinamit ja nmajon rcꞌutic chawach leꞌ, neꞌ chic tre.

San Mateo 8:1

Ja cꞌa Jesús xuleꞌto chwach ja jayuꞌ, ja cꞌa tok kajto congana e qꞌuiy ja winak xetreꞌ trij.

San Mateo 8:25

Ja cꞌa rdiscípulo quecꞌas: —Koꞌatoꞌoꞌ Kajaw, camic nokcami, nokbe pa yaꞌ, xecheꞌ tre.

San Mateo 9:18

Ja Jesús arjaꞌ cꞌa rmajon na rbixic ja tzij chique ja tok cꞌo jun jefe xurkaj ruqꞌuin, xuqueꞌ chwach in xbij tre: —Cꞌo jun nmeꞌal cꞌa cam kaj pro ja cꞌa nwajoꞌ chawe chi naban, joꞌ chwij, jayaꞌaꞌ akꞌaꞌ pa rwiꞌ in wotak chi ncꞌastaj rwach ja nmeꞌal, neꞌ tre.

San Lucas 4:27

In queriꞌ bantaji chakajaꞌ ja pa rtiempo ja rojer profeta Eliseo tokoriꞌ tok e qꞌuiy chique ja raj Israel emajtajnak rmal ja ritzel tak chꞌaꞌc pro ni majun nak ta tzursax ta chique xarwariꞌ cꞌo jun aj Siria triꞌ Naamán rubiꞌ, ruyon arjaꞌ tzursax tre ja yobil. Queriꞌ xbij ja Jesús chique.

San Juan 9:38

Cꞌacꞌariꞌ ja rachi xbij: —Wajaw, anin camic nyukeꞌ nucꞌuꞌx awqꞌuin. Queriꞌ xbij tre ja Jesús, xuqueꞌ chwach in xumaj ryaꞌic rukꞌij. Cꞌacꞌariꞌ ja Jesús xbij:

Hechos 10:14

—Wajaw, mta moda xquenutiꞌ ta ja juleꞌ chicop leꞌ como anin majutij entiꞌon ta ja chicop ja xajan nekatiꞌ ja rok aj Israel como caniꞌ nbij ja ley xin Dios, neꞌe ja Pedro.

Hechos 10:25

Ja Cornelio tok xeꞌekaji ja Pedro chi rochoch arjaꞌ xelto pa jay chi neꞌurcꞌuluꞌel. Ja tok xekaj cuqꞌuin xuqueꞌ chwach ja Pedro in xumaj ryaꞌic rukꞌij.

1 Corintios 14:25

Ja rwawan jeꞌe pa ranma jariꞌ nkꞌalasaxi, nel pa sak. Queriꞌ cꞌa xtuban, cꞌacꞌariꞌ xtixuqueꞌe in xtumaj ryaꞌic rukꞌij ja Dios in quewaꞌ xtibij chewe riꞌ: —Ni katzij wiꞌ chi Dios cꞌo checojol, xticheꞌe.

Apocalipsis 19:10

Ja cꞌa ranin xinxuqueꞌ chwach ja ángel, laj xinyaꞌ rukꞌij pro arjaꞌ quewaꞌ xbij chwe riꞌ: —Ma taban ta quelaꞌ como ja ranin xa ok junan awqꞌuin, xa ok ajsamajelaꞌ rxin ja Dios e kachbil ja rawachꞌalal ja nqueyaꞌ testigoꞌil trij ja Jesús. Ja más mejor naban, Dios ja tayaꞌaꞌ rukꞌij. Queriꞌ nbij chawe como ja tok nkayaꞌ testigoꞌil trij ja Jesús jariꞌ tibij tzij chi ja mismo Espíritu Santo cꞌayon kaxin chi rbixic ja kꞌalasan jeꞌe rmal ja Dios.