San Mateo 8:16 - Tz'utujil (Ja Cꞌacꞌa Chominem)

¹⁶ Ja cꞌa tok xoc akꞌaꞌ e qꞌuiy ja winak xecꞌamarel ruqꞌuin ja Jesús, ecꞌol itzel tak espíritu eꞌocnak pa tak canma. Ja cꞌa Jesús xa jun ja tzij xbij in jariꞌ tzij xerlasbej ja ritzel tak espíritu pa tak canma in xertzursaj canojel ja yawaꞌiꞌ chakajaꞌ.

Tz'utujil NT

¹⁶ Tak xoca ak'a' e q'uiy wnak xec'mar ela chwech Jesús, ec'ola itzel tak espíritu e'ocnak ptak canm. Ja' Jesús xjun tzij xbij y jara' tzij xerlasbej itzel tak espíritu ptak canm y xerchumsaj conjelal yuw-i' chka'.

San Mateo 8:16 Iomraidhean Croise

San Mateo 12:22

Ja cꞌa Jesús cꞌamarel jun achi chwach, ja rachi moy in mem chakajaꞌ in cꞌo jun itzel espíritu ocnak tre. Xtzursaj ja rachi, ncaꞌy chic in ncowin chic ntzijoni.

San Mateo 14:14

Ja cꞌa Jesús tok xelto chipan ja lancha xerutzꞌat ja winak chi congana e qꞌuiy. Arjaꞌ xpokonaj quewach in xertzursaj ja yawaꞌiꞌ chique.

San Mateo 8:15

Xuchap chi rukꞌaꞌ in xeli ja cꞌatan. Yictaji ja rixok in xumaj quilixic ja Jesús.

San Mateo 8:33

Ja cꞌa chajil quixin ejeꞌeꞌ xeꞌanmajel, xebe chipan ja tinamit, xequicholoꞌ nojel ja bantaji in nak queban ja re caꞌiꞌ winak ja reꞌocnak itzel tak espíritu chique.

San Mateo 9:2

Ja cꞌa tok xekaji chaka cꞌa jalal tok cꞌo jun achi xeya̱ꞌ chwach siquirnak, cotzꞌol chwach jun chꞌatan cheꞌ. Ja cꞌa Jesús tok xutzꞌat ja yukulbal quecꞌuꞌx cꞌo ruqꞌuin, arjaꞌ xbij tre ja siquirnak: —Ncꞌajol, ma taxbej ta awiꞌ, camic cuytaji ja rawil amac, neꞌ tre.

Marcos 2:3

Ecꞌo cꞌa quijiꞌ achiꞌiꞌ xeꞌurkaji, quicꞌamonto jun achi siquirnak, ncajoꞌ nquecoj chwach ja Jesús.

Marcos 5:8

Queriꞌ xbij tre como ja Jesús arjaꞌ cꞌa xbij tre ja ritzel espíritu ja rocnak tre ja rachi chi nelel pa ranma.

Marcos 9:25

Ja cꞌa Jesús chaka maril tok xerutzꞌat ja winak chi e qꞌuiy xepeti chi nurquimoloꞌ quiꞌ ruqꞌuin, arjaꞌ xchꞌolij ja ritzel espíritu, quewaꞌ xbij tre riꞌ: —Itzel espíritu, xa atbanol mem xa atbanol tacon chique winak, camic anin natnuban mandar, jat, cateli, tayaꞌaꞌ can ja ralaꞌ in majutij xcatoc chi ta jutij chipan ja ranma, neꞌ tre.

San Lucas 13:12

Ja cꞌa Jesús tok xutzꞌat ja rixok xsiqꞌuij pon. Ja tok xurkaj ruqꞌuin quewaꞌ xbij tre riꞌ: —Camic ixok, ma atcꞌo chi ta pa rukꞌaꞌ ja yobil, neꞌ tre.

San Lucas 4:40

Ja cꞌa tok xoc akꞌaꞌ canojel ja winak ja recꞌo yawaꞌiꞌ cuqꞌuin ejeꞌeꞌ xequecꞌamel ruqꞌuin ja Jesús. Congana qꞌuiy rwach ja yobil eꞌucꞌayon. Ja cꞌa Jesús arjaꞌ xuyaꞌ rukꞌaꞌ pa quewiꞌ chiquijujunal, xertzursaj.

San Lucas 4:41

In chakajaꞌ e qꞌuiy chique ja winak ecꞌol itzel tak espíritu xeꞌel pa tak canma. Ja cꞌa ritzel tak espíritu tok xeꞌeli querak quechiꞌ in quewaꞌ quibij tre ja Jesús riꞌ: —Atat ja rat Ralcꞌwal Dios, xecheꞌ tre. Pro ja cꞌa Jesús arjaꞌ xerukꞌil chi maquetzijon más como ejeꞌeꞌ cotak chi arjaꞌ ja Cristo ja chaꞌon rmal ja Dios.

Hechos 5:15

Ecꞌoli ja yawaꞌiꞌ xelasaxel pa tak bey eyaꞌon chwach tak quiwarbal. Queriꞌ ban chique utzcꞌa ja Pedro tok npeti masqui xa rnatuꞌ nkꞌax chiquij ni netzuri.