San Mateo 8:10 - Tz'utujil (Ja Cꞌacꞌa Chominem)

¹⁰ Ja cꞌa Jesús congana cꞌascꞌoꞌi xcꞌaxaj ja tzij ja bix tre rmal ja capitán in como ecꞌo juleꞌ winak ja retran trij quewaꞌ xbij chique riꞌ: —Ni katzij wiꞌ ja xtinbij chewe riꞌ, ja capitán arjaꞌ más chi na kꞌaxnak ja yukulbal rucꞌuꞌx wqꞌuin chewach ixix ja rix wach tak aj Israel, nixtacꞌa cꞌo ta jun chewe nwilon ta ja queriꞌ ta ja yukulbal rucꞌuꞌx wqꞌuin ja caniꞌ rxin arjaꞌ.

Tz'utujil NT

¹⁰ Ja' Jesús congan xel ta ruc'u'x tak xc'axaj je xbixa tzra rmal capitán. Com ec'ola nic'aj wnak etrena tzrij cawra xbij chca: —Ne ktzij wa' je xtenbij chewa ra, jcapitán arja' más na ykula ruc'u'x wq'uin que chewech ixix ix aj Israel, next jun chewa newlon ta cara' yukbal ruc'u'x wq'uin ajni' rxin ja'.

San Mateo 8:10 Iomraidhean Croise

San Mateo 15:28

In bix chic jutij tre rmal ja Jesús: —Ixok, congana takaꞌan nim ja yukulbal acꞌuꞌx wqꞌuin. Camic ntzuri ja rawal ja caniꞌ xacꞌutuj chwe, neꞌxi rmal, in ni jariꞌ hora tzuri ja ral.

San Mateo 8:11

Camic nbij chewe chi e qꞌuiy ja winak ja ma e aj Israel ta nepi na nojel nat nakaj, neꞌoc na chipan ja gobierno xin chilaꞌ chicaj in netzꞌabeꞌ chi mesa, junan newaꞌ cuqꞌuin ja rAbraham, ja rIsaac in ja Jacob.

San Mateo 8:9

Queriꞌ nbij chawe como anin bien wotak nak rbanic ja tok natban mandar. Ecꞌoli ja nebano mandar wxin in chakajaꞌ ecꞌoli soldado pa nukꞌaꞌ anin chi nenuban mandar. Ja tok nbij tre jun chi: —Cateli, nincheꞌ tre, jariꞌ ni nel wariꞌ. Ja cꞌa wi nbij chi: —Catajoꞌ, nincheꞌ tre jun chic, jariꞌ ni npi wariꞌ. Ja cꞌa wi nbij tre ja nmoso chi: —Tabanaꞌ ja wariꞌ, nincheꞌ tre, jariꞌ ni nuban wiꞌ. Queriꞌ xbij ja capitán.

Marcos 6:6

Arjaꞌ kas junwiꞌ xunaꞌ rumac ja mta yukulbal quecꞌuꞌx ja winak ruqꞌuin. Cꞌacꞌariꞌ xelel, be pa tak aldea ja cꞌo chinakaj in xumaj quitijoxic ja winak.

San Lucas 5:20

Ja cꞌa Jesús tok xutzꞌat ja yukulbal quecꞌuꞌx cꞌo ruqꞌuin, arjaꞌ xbij tre ja siquirnak: —Achi, camic cuytaji ja rawil amac, neꞌ tre.

San Lucas 7:50

Ja cꞌa Jesús xbij chic tre ja rixok: —Ja yukulbal acꞌuꞌx ja cꞌo wqꞌuin jariꞌ xattoꞌowi. Camic utz chic natbe, catquicoti, neꞌ tre.

San Lucas 7:9

Ja cꞌa Jesús congana cꞌascꞌoꞌi xcꞌaxaj ja tzij ja bixel tre rmal ja capitán. Ja tok cꞌaxtaj rmal xuyaꞌ vuelta in como ecꞌoli winak ja retran trij quewaꞌ xbij chique riꞌ: —Anin nbij chewe, ja capitán arjaꞌ más chi na kꞌaxnak ja yukulbal rucꞌuꞌx wqꞌuin chewach ixix ja rix wach tak aj Israel, nixtacꞌa cꞌo ta jun chewe nwilon ta ja queriꞌ ta ja yukulbal rucꞌuꞌx wqꞌuin ja caniꞌ rxin arjaꞌ, neꞌ chique.

Hechos 2:7

Congana cꞌascꞌoꞌi quicꞌaxaj in quewaꞌ quibij chibil tak quiꞌ riꞌ: —¿Nak tre cꞌalaꞌ? ¿La ma e aj Galilea ta cꞌa ja winak leꞌ ja quimajon tzij?