San Mateo 7:3 - Tz'utujil (Ja Cꞌacꞌa Chominem)

³ ¿Nak tre tok neyaꞌ cuenta tre jun ti ril nuban ja rewachꞌalal pro mateyaꞌ cuenta tre jun nimlaj ewil neban ixix? Ja tok neban queriꞌ jariꞌ caniꞌ neyaꞌ cuenta tre jun ti rcꞌutal cheꞌ ja cꞌo parwach ja rewachꞌalal pro mateyaꞌ cuenta tre jun nimlaj cheꞌ ja cꞌo panewach ixix.

Tz'utujil NT

³ ¿Nak tzra tak nech'ulchin tak nuban jun ch'it ril ewch'alal per majo'n nena' kta ixix je' nmak tak ewil jneban? Tak neban cara' jara' junam ruq'uin tak nach'ulchij jun rc'utal che' jc'ola chi' rk'arwech ewch'alal per majo'n netzu' kta jun nimlaj che' jc'ola pnek'awech ixix.

San Mateo 7:3 Iomraidhean Croise

San Mateo 7:4

In chakajaꞌ nak moda nebij tre ja rewachꞌalal: —Wachꞌalal, tayaꞌaꞌ lugar chake chi nkayaꞌ jun consejo chawe tre ja il mac ja cꞌo pan acꞌaslemal, nixcheꞌ tre, pro más na nim ja il mac cꞌo pan ecꞌaslemal ixix.

San Mateo 7:5

Ja queriꞌ xa cacaꞌ epalaj ja neban. Ja wi newajoꞌ neyaꞌ consejo tre ja rewachꞌalal rjawaxic nabey chi neyaꞌ can ja ritzelal ja cꞌo chipan ja recꞌaslemal ixix utzcꞌa chi nixcowini neyaꞌ utzlaj tak consejo tre ja rewachꞌalal.

San Lucas 18:11

Ja cꞌa tok xeꞌekaj chipan ja templo ja fariseo arjaꞌ peꞌi in xumaj rbanic jun oración pro xa yaꞌbal rukꞌij arjaꞌ xuban kaj ruyon, quewaꞌ ja roración ja xuban riꞌ: —Anin nmaltioxij chawe Dios ja ma in junan ta cuqꞌuin ja juleꞌ chic achiꞌiꞌ caniꞌ chique alakꞌomaꞌ in chique ja matiquinimaj ja ley in chique ja nebano rij tak quewiꞌ ja quixjayilal. Nmaltioxij chawe chakajaꞌ ja ma in junan ta ruqꞌuin alaꞌ jun achi ja molol impuesto leꞌ.

Romanos 2:1

Como yatal camíc chiquij ja nebanowi ja ritzelal rmalcꞌariꞌ tok mta nquitobej quiꞌ ja winak ja tok neꞌoqui e caniꞌ kꞌetol tak tzij trij jun winak. Mta como ejeꞌeꞌ tok nquekꞌet tzij trij jariꞌ xa nquekꞌet kaj tzij chiquij ejeꞌeꞌ queyon. Queriꞌ cꞌa rbanic como ejeꞌeꞌ nquekꞌet tzij trij pro ejeꞌeꞌ jun nebanowi ja ritzelal chakajaꞌ.

Gálatas 6:1

Wachꞌalal, wi cꞌo jun chewe chaka jalal tok kaj pa ril quirtawaꞌ neban tre riꞌ, ixix ja rixucꞌan rmal ja rEspíritu Santo jix ruqꞌuin, jeyukbaꞌ rucꞌuꞌx utzcꞌa chi nyictaji. Techꞌoboꞌ chwach pan ekal, kas turkaj chewe chi matzij chaka jalal tok xquixkaj chic ixix chakajaꞌ.