San Mateo 7:21 - Tz'utujil (Ja Cꞌacꞌa Chominem)

²¹ Ja winak ja nebin chwe: —Kajaw, Kajaw, necheꞌ chwe, ejeꞌeꞌ ma canojel ta nyataj chique chi neꞌoc chipan ja gobierno xin chilaꞌ chicaj pro ja nyataj chique chi neꞌoqui ejeꞌeꞌ riꞌ ja netajini nquinimaj ja Nataꞌ ja cꞌo chilaꞌ chicaj.

Tz'utujil NT

²¹ Je' wnak je nquebina chwa: —Kajaw, Kajaw, arj-e' mconjelal ta nyataja chca che nque'oca chpam gobierno je rxin chcaj, per achnak nquebnowa ajni' nrajo' ranm Nedta' jc'ola chcaj j-era' nyataja chca che nque'oca chpam gobierno je rxin chcaj.

San Mateo 7:21 Iomraidhean Croise

San Mateo 12:50

Queriꞌ nbij chawe como xa nak ta ja nbanowi rvoluntad ja Nataꞌ ja cꞌo chilaꞌ chicaj arjaꞌ cꞌariꞌ ocnak nuchakꞌ owi wanaꞌ owi nuteꞌ, neꞌe.

San Mateo 16:17

Ja cꞌa Jesús arjaꞌ xbij tre: —Congana quiꞌil chawe Simón ja rat rcꞌajol Jonás como ja cꞌa xabij kaj chwe ma winak ta xekꞌalasan ta chawach, ja Nataꞌ ja cꞌo chilaꞌ chicaj arjaꞌ kꞌalasan chawach.

San Mateo 18:10

Kas tebanaꞌ cuenta nak neban chique waꞌ ja re taknoꞌy riꞌ, nixtacꞌa jun ta chique xteban ta tre ni mta. Como anin nbij chewe chi ja chilaꞌ chicaj ecꞌoli ja ángel quixin in jariꞌ ángel mta ariꞌ ja maquita yatajnak chique chi neꞌekaj chwach ja Nataꞌ ja cꞌo chilaꞌ chicaj.

San Mateo 18:19

Jutij chic nbij chewe, mana xa e caꞌiꞌ chewe wi xa junan nquechꞌob tre ja nquicꞌutuj pan oración jariꞌ ncꞌaxaxi ja coración in ja nquicꞌutuj jariꞌ nyataj chique rmal ja Nataꞌ ja cꞌo chilaꞌ chicaj.

San Mateo 18:3

in quewaꞌ xbij chique riꞌ: —Ni katzij wiꞌ ja xtinbij chewe riꞌ, ja wi mateqꞌuex ja renaꞌoj, wi maquixoqui ix caniꞌ tak acꞌalaꞌ jariꞌ nixtacꞌa xquixoc ta chipan ja gobierno xin chilaꞌ chicaj.

San Mateo 18:35

In ja Nataꞌ ja cꞌo chilaꞌ chicaj queriꞌ cꞌa xtuban chewe ixix chakajaꞌ chejujunal ja wi ma nojel ta ecꞌuꞌx ma nojel ta ewanma neꞌecuy ja rewachꞌalal ja nqueban chewe.

San Mateo 19:24

In jun chic nbij chewe riꞌ, ja camello arjaꞌ nimlaj chicop in congana cꞌayew chi nocꞌo pa rchak jun bak disoꞌmbal pro jariꞌ ma cꞌayew ta chwach ja noqui jun biyom chipan ja gobierno xin Dios, neꞌ chique.

San Mateo 25:10

Queriꞌ queban, xebe chi rlokꞌic ja raceite. Kas cꞌa ebenak ja tok xurkaji ja rachi ja ncꞌuleꞌe, xoc pa jay ja bar nba̱n wiꞌ ja waꞌim xin cꞌulbic e rachbil ja xeqꞌuejeꞌ listo chi rcꞌulic in tzꞌapixi ja chiꞌjay.

San Mateo 25:21

In bix tre rmal ja rpatrón: —Utz xaban tre ja samaj, atat at jun utzlaj moso, janila naban cumplir ruqꞌuin ja rasamaj. Xa ti ma nim ta ja xinyaꞌ can chawe pro xaban cumplir. Camic, más chi na qꞌuiy xtinyaꞌ chawe chi nasamajij. Camic catajoꞌ, ninawachbilaj chipan ja quicotemal, neꞌxi.

San Mateo 26:39

Cꞌacꞌariꞌ junwiꞌ xyonaj pon wiꞌ riꞌ ruyon, xuqueꞌe in xumaj rbanic oración: —Nataꞌ, anin nwajoꞌ nabij ta chwe chi maquita ninkꞌax chipan awaꞌ rpokonal ja penak chinwach riꞌ xarwariꞌ ni ta cꞌa xquinkꞌax wiꞌ chipan ja wi queriꞌ nawajoꞌ chwe chi nban, neꞌ tre ja Tatixel.

San Mateo 26:42

Cꞌacꞌariꞌ meloj chic jutij chi rbanic ja roración: —Nataꞌ, ja wi ni mta wiꞌ moda ja maquita xquinkꞌax chipan ja rpokonal riꞌ xtibantaj ta cꞌa ja ravoluntad, neꞌ chic tre ja Tatixel.

Marcos 3:35

Queriꞌ nbij chewe como xa nak ta ja nbanowi rvoluntad ja Dios arjaꞌ cꞌariꞌ ocnak nuchakꞌ owi wanaꞌ owi nuteꞌ, neꞌe.

Marcos 9:47

In jun chic, wi cꞌo jun panewach xa nixrtakchiꞌij in nixrkajsaj chipan ja il mac mejor ja neban, tecꞌotoꞌel. Como más na utz ja xa jun panewach nixoc chipan ja gobierno xin Dios chwach ja caꞌiꞌ panewach nixbe pa kꞌakꞌ.

San Lucas 11:28

Pro ja cꞌa Jesús quewaꞌ xbij tre riꞌ: —Más na quiꞌil chique ja winak ja necꞌaxani ja rtzobal Dios in nqueban cumplir ja nbij chique chi nqueban, neꞌ tre.

San Lucas 13:25

Como ja rajaw jay arjaꞌ xtiyictaji in ntzꞌapij ruchiꞌ ja jay. Ja cꞌa rixix wi majaꞌn quixoqui triꞌ jariꞌ xtemaj rcꞌoncꞌoxic ja puerta in quewaꞌ xtebijoc riꞌ: —Kajaw, Kajaw, tajakaꞌ chiꞌjay chikawach, xquixcheꞌoc tre. Ja cꞌa rajaw jay quewaꞌ xtibijto chewe riꞌ: —Anin ma wotak ta ba la ixpenak wiꞌ ixix, xticheꞌto chewe.

San Lucas 18:25

Tzucꞌa tre jun nimlaj chicop caniꞌ tre jun camello, arjaꞌ congana cꞌayew chi nocꞌo pa rchak jun bak disoꞌmbal pro jariꞌ ma cꞌayew ta chwach ja noqui jun biyom chipan ja gobierno xin Dios, neꞌe ja Jesús.

San Lucas 6:46

¿Nak tre tok quewaꞌ nebij chwe riꞌ: —Kajaw, Kajaw, kas nixcheꞌ chwe, pro xa mateban ja nbij chewe chi neban?

San Juan 14:7

Ja wixta chꞌobtajnakto emwal nabey nak ja kas mero nbanic chꞌobtajnak ta cꞌariꞌ emwal chakajaꞌ nak rbanic ja Nataꞌ pro ja camic riꞌ xtichꞌobtajel emwal nak rbanic ja Nataꞌ in etzꞌaton chic rwach chakajaꞌ, neꞌe ja Jesús chique.

San Juan 15:23

Ja winak ja xa itzel ninquetzꞌat jariꞌ xa itzel nquetzꞌat ja Nataꞌ chakajaꞌ.

San Juan 3:5

Ja cꞌa Jesús xbij chic tre: —Ni katzij wiꞌ ja xtinbij chawe riꞌ, rjawaxic chi natalax tre yaꞌ in tre ja rEspíritu nowi ma queriꞌ ta naban jariꞌ macatcowini natoc chipan ja gobierno xin Dios.

San Juan 5:17

Pro ja Jesús xbij chique: —Ja Nataꞌ arjaꞌ ni rmajonto wiꞌ samaj camic in anin ni nmajon wiꞌ samaj chakajaꞌ, neꞌ chique.

San Juan 6:40

Ja Tatixel ja takyonpi wxin quewaꞌ rvoluntad riꞌ, chi canojel ja winak ja ncotakij rwach ja Ralcꞌwalaxel in nyukeꞌ quecꞌuꞌx ruqꞌuin ejeꞌeꞌ nyataj chique ja utzlaj cꞌaslemal ja mta qꞌuisic trij. Ja cꞌa tok xterilaꞌ ja qꞌuisbal tiempo anin ninyico quixin chipan ja camíc. Queriꞌ xbij ja Jesús chique.

San Juan 7:17

Ja winak ja cꞌo quigana nqueban ja rvoluntad Dios ejeꞌeꞌ bien ncotakij na ja wi Dios winakarsyon ja tijonem nyaꞌ owi chaka ngana anin nwinakarsan nojoj nuyon.

Hechos 14:22

quemaj ryukbaxic quecꞌuꞌx ja kachꞌalal in cꞌo juleꞌ paxbanem queyaꞌ chique quewariꞌ: —Cow quixpeꞌi, maxta teyaꞌ can ja yukulbal ecꞌuꞌx ruqꞌuin ja Jesucristo. Kanojel ja nokoc chipan ja gobierno xin Dios ni rjawaxic wiꞌ chi qꞌuiy rwach ja rpokonal npi na chakij rmal, xecheꞌ chique.

Romanos 12:2

Maxta tewcꞌaj ixix jun cꞌaslemal ja caniꞌ quicꞌaslemal winak ja xa ruqꞌuin rwachꞌulew yukul wiꞌ quecꞌuꞌx. Pro ja neban, kꞌij kꞌij teyaꞌaꞌ lugar tre ja Dios chi arjaꞌ nuqꞌuex ja renaꞌoj, teyaꞌaꞌ lugar tre chi nucoj cꞌacꞌa tak naꞌoj chewe. Queriꞌ ta xteban jutzꞌit utzcꞌa chi newotakij janiꞌ rvoluntad ja Dios utzcꞌa chi newotakij nak ja utz ntzꞌa̱t rmal ja Dios utzcꞌa chi newotakij chakajaꞌ chi ja rvoluntad ja Dios jariꞌ ni utz wiꞌ in majun nak ta falta tre.

Romanos 2:13

Queriꞌ cꞌa rbanic como ja tok xcatekaj chwach ja kꞌetbaltzij xin Dios ja wi chaka acꞌwaxan ja nbij ja ley pro wi ma animan ta ja nbij chake chi nkaban jariꞌ macatwasaxel libre. Ja cꞌa wi animan ja nbij ja ley chake chi nkaban jariꞌ natwasaxel libre.

Efesios 6:6

Ecꞌoli ja moso congana nesamaji tok cꞌoloc ja quipatrón cuqꞌuin utzcꞌa chi utz netzꞌa̱t rmal pro tok nbe ja quipatrón ma kas ta nesamaj can chic pro maxta queriꞌ teban ixix. Tebanaꞌ como caniꞌ Cristo ja repatrón, rvoluntad ta Dios ja neban in chakajaꞌ maxta xa caꞌiꞌ ecꞌuꞌx.

Colosenses 4:12

Ja kachꞌalal Epafras arjaꞌ ewach aj tinamit, arjaꞌ jun ajsamajel rxin ja Cristo in nutakel rutzil ewach chakajaꞌ. Arjaꞌ congana nutij rukꞌij chi rbanic orar pan ecuenta, ni nixrnataj wiꞌ pan oración. Queriꞌ nuban utzcꞌa chi cow nixpeꞌi utzcꞌa chi nixqꞌuiyi chi utz in nixwachini chipan ja rtzobal Dios utzcꞌa chi ni ta ja wiꞌ neban ja xa nak ta nrajoꞌ ja Dios chewe chi neban.

1 Tesalonicenses 4:3

Ja nrajoꞌ ja Dios chewe chi neyaꞌ ewiꞌ pa rukꞌaꞌ xajutij utzcꞌa chi arjaꞌ nixrucꞌaj chipan ja utzlaj cꞌaslemal. Quewaꞌ nrajoꞌ ja Dios chewe riꞌ, ni majun achi xtoc ta ruqꞌuin jun ixok ja wi ma rxjayil ta in ni majun ixok xtuyaꞌ ta lugar tre jun achi chi xtoc ta ruqꞌuin ja wi ma rchajil ta.

1 Tesalonicenses 5:18

temaltioxij tre ja Dios xa nak ta ja nbantaji como jariꞌ nrajoꞌ chewe chi neban ja yukul ecꞌuꞌx ruqꞌuin ja Cristo Jesús.

Tito 1:16

Nquibij chi cotak rwach ja Dios pro ni kꞌalaj wiꞌ chi ma katzij ta como xa itzelal ja nqueban. Xa itzel netzꞌati, ma e nimanelaꞌ ta in maquecowini nquecꞌut ja rutzil chiquewach ja winak.

Hebreos 13:21

Dios ta cꞌa xtiyoꞌ chewe chi nnoji nojel rwach ja rutzil pa tak ewanma utzcꞌa chi nixcowini neban ja rvoluntad, xtuyaꞌ ta chewe chi nsamaji ja Jesucristo pa tak ewanma chi rwinakarsaxic jeꞌe nak ja nel rucꞌuꞌx trij. Ni ta xtiyaꞌ wiꞌ rukꞌij camic, chwak in chijutij. Amén.

Hebreos 4:6

Bien kꞌalaj chi ecꞌoli ja nyataj na chique chi neꞌoc chipan ja xulaꞌnbal lugar ja chomin rmal ja Dios. Pro ja xecꞌaxani ja utzlaj tzij nabey ejeꞌeꞌ ma xquinimaj ta ja Dios chewiꞌ tok ma xeꞌoc ta chipan ja xulaꞌnbal lugar.

Santiago 1:22

Pro ja utzlaj tzij maxta chaka tecꞌwaxaj, tebanaꞌ cumplir ja nbij. Ja wi chaka necꞌwaxaj jariꞌ xa eyon neban kaj engañar ewiꞌ.

1 Pedro 2:15

Quewaꞌ nrajoꞌ ja Dios chewe riꞌ chi neban ja rutzil utzcꞌa chi nquekꞌil pa quechiꞌ ja winak ja ma e chꞌobolic tak winak ta tok nquijoloj jeꞌe tzij chewij.

1 Pedro 4:2

Ma ja chi ta nbe acꞌuꞌx trij ja chaka nojel ta nayarij pro ja nrajoꞌ ja Dios chawe chi naban nijawariꞌ naban jaruꞌ pa tiempo xcatqꞌuejeꞌ chwachꞌulew.

Apocalipsis 2:27

Congana jun nimlaj poder nqꞌuejeꞌ pa quekꞌaꞌ jariꞌ nquecoj chiquij ja winak chi cow nequechap tre in nequibanbej mandar caniꞌ poder rxin jun chꞌichꞌ nya̱ꞌ pa rukꞌaꞌ jun achi in npaxij juleꞌ bojoꞌy tre in ni nchictaji ja bojoꞌy rmal. Queriꞌ ja poder ja xtiyataj chique ja caniꞌ yataj anin chwe como cꞌoli ja poder ja yatajnak anin chwe rmal ja nataꞌ Dios.

Apocalipsis 22:14

Congana quiꞌil chique ja nquechꞌaj quitziak chipan ja rquiqꞌuel ja Carnelo utzcꞌa chi cꞌo quekꞌaꞌ tre ja cheꞌ ja rcꞌamonto ja utzlaj cꞌaslemal ja mta qꞌuisic trij utzcꞌa chakajaꞌ ja tok neꞌekaj chuchiꞌ ja puerta rxin ja tinamit nya̱ꞌ lugar chique chi neꞌoc chipan.

Apocalipsis 3:5

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta jariꞌ cꞌo juleꞌ tziak sak ja nyataj na chique chi nquecoj in anin matinchup quebiꞌ chipan ja libro ja bar tzꞌibtal wiꞌ quebiꞌ ja winak ja yatajnak chique ja utzlaj cꞌaslemal ja mta qꞌuisic trij in tok xqueꞌekaj chwach ja Nataꞌ e rachbil ja ángel ni chiquewach nbij wiꞌ chi ecꞌo pa ncuenta.