San Mateo 7:11 - Tz'utujil (Ja Cꞌacꞌa Chominem)

¹¹ Ixix masqui ix lawuloꞌ pro ewotak neyaꞌ utzlaj tak nakun chique ja rewalcꞌwal pro pior cꞌa ja Tatixel ewxin ja cꞌo chilaꞌ chicaj arjaꞌ nuyaꞌ utzlaj tak nakun chique ja necꞌutun tre.

Tz'utujil NT

¹¹ Ixix mesque ix lowlo' per ewutkin neya' utzlaj tak achnak chca ewlec'wal, peor c'ara' Edta' ixix jc'ola chcaj, arja' nuya' utzlaj tak achnak chca je nquec'utuna tzra.

San Mateo 7:11 Iomraidhean Croise

San Mateo 23:9

In como xa jun Tatixel ewxin ja cꞌo chilaꞌ chicaj chewiꞌ tok nbij chewe chakajaꞌ chi mta jun xtebij ta Tatixel tre waweꞌ chwachꞌulew.

San Mateo 7:10

Owi ncꞌutux jun chꞌuꞌ tre ¿la nuyaꞌ jun cumatz tre?

San Juan 3:16

Ja Dios congana nerajoꞌ canojelal ja winak rmalcꞌariꞌ tok xutakto waweꞌ chwachꞌulew ja Ralcꞌwal, xarariꞌ jun. Queriꞌ xuban utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj na chique jun utzlaj cꞌaslemal ja ni mta wiꞌ qꞌuisic trij.

Romanos 3:19

Queriꞌ cꞌa nbij ja ley xin Dios in bien kotak chi chique nbij wiꞌ ja re aj Israel como ejeꞌeꞌ ecꞌo pa rukꞌaꞌ ja ley. Queriꞌ cꞌa rbanic utzcꞌa ja winak ni majun chique ja xticanoy chi ta rmal nak la chi tzijal xtibij ta ja xtitobej chi ta riꞌ chwach ja Dios in xticotakij na canojel chi e ajꞌil e ajmaquiꞌ pro ni canojelal in puersa nquejach na cuenta chwach ja Dios chi aj Israel chi ma aj Israel ta.

Romanos 3:9

¿Nak cꞌa nkabij chic tre camic? Ja rajoj ja rok aj Israel ¿la más na utz noktzꞌat rmal ja Dios chiquewach ja ma e aj Israel ta? Jariꞌ ma queriꞌ ta. Como caniꞌ katzꞌaton chic ewqꞌuin chipan awaꞌ carta riꞌ chi ja rok winak okkajnak pa rukꞌaꞌ ja il mac pro ni kanojelal chi aj Israel chi ma aj Israel ta.

Romanos 8:32

Ja Dios ma xpokonaj ta xutakto ja Ralcꞌwal, xarariꞌ jun, xutakto chi xurcam kaj pa kacuenta kanojelal. Ja wi ma xpokonaj ta xutakto ja Ralcꞌwal ¿nak moda xtipokonaj xtuyaꞌ chake ja xa nak ta ncꞌatzin chake?

Gálatas 3:22

Pro quewaꞌ rubey riꞌ, ja ley chaka nbij chake kanojelal ja rok winak chi ok preso pa rukꞌaꞌ ja il mac. Queriꞌ nbij chake ja ley utzcꞌa chi kanojel ja nyukeꞌ kacꞌuꞌx ruqꞌuin ja Jesucristo nokquirtaj chipan ja kil kamac in nkacochij ja rutzil ja tzujun can rmal ja Dios in xa rmal ja yukulbal kacꞌuꞌx tok nba̱n queriꞌ chake.

Santiago 1:17

ja Dios ni ruyon wiꞌ utzil ja nuyaꞌto. Xa nak ta rutzil nkacochij, xa nak ta ja nsipax chake ja majun itzelal rcꞌan jariꞌ chilaꞌ chicaj npi wiꞌ, ja katataꞌ Dios arjaꞌ ntakoto. Ja luz ruqꞌuin ja Dios npi wiꞌ nojelal caniꞌ tre kꞌij, icꞌ in chꞌumil, in arjaꞌ mta jutij xtiqꞌuextaj ta, ni utz wiꞌ ja nuban, ni mta wiꞌ kꞌekumal rcꞌan.

1 Juan 3:1

Janila nokrajoꞌ ja Dios ja Tatixel. Arjaꞌ nbij chake chi ok ralcꞌwal, triꞌ cꞌa nkatzꞌat wiꞌ chi congana nokrajoꞌ in ni katzij wiꞌ chi ok ralcꞌwal. Ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ matichꞌobtaj cumal janiꞌ rnaꞌoj ja Dios in rmalariꞌ matichꞌobtaj cumal nak kabanic ajoj chakajaꞌ.

1 Juan 4:10

Ja Dios ma ajoj ta xokajoꞌn rxin nabey, arjaꞌ xajoꞌn kaxin nabey como xutakto ja Jesucristo ja Ralcꞌwal chi arjaꞌ xoc chomarsbal rxin ja kil kamac chwach ja Dios. Triꞌ nkatzꞌat wiꞌ ja kas mero rbanic ja rajoben riꞌil.