San Mateo 6:4 - Tz'utujil (Ja Cꞌacꞌa Chominem)

⁴ Quirtariꞌ neban utzcꞌa majun nak ta notakini. Ja wi queriꞌ neban ja Tatixel ewxin ja nutzꞌat nojelal masqui awatal chiquewach winak, arjaꞌ nuyaꞌ chewe jun rtojbalil pro ni chiquewach winak tok nuyaꞌ chewe.

Tz'utujil NT

⁴ Cara' ta neban ch-utz c'ara' majo'n achnak notkina. Wcara' neban, je Ttixel ewxin jnutz'et njelal mesque wewtanak chquewech wnak, arja' nuya' chewa jun rtojbal per ne chquewech wnak nuya' wa' chewa.

San Mateo 6:4 Iomraidhean Croise

San Mateo 10:42

In wi cꞌo jun winak xa nak ta chi winakil, wi cꞌo jun chique waꞌ ja tak ndiscípulo riꞌ nekaj ruqꞌuin, wi nsipaj tre jun vaso raxyaꞌ in wi rumac chi ndiscípulo chewiꞌ tok nsipaj, jariꞌ ni katzij wiꞌ nbij chewe, arjaꞌ mta moda ja maquita xtiyataji ja rtojbalil tre, neꞌe ja Jesús chique.

San Mateo 6:18

utzcꞌa chi ja winak ma cotak ta chi ayuno ja remajon rbanic, xa jun otakyon jariꞌ ja Tatixel ewxin ja matitzꞌattaji. Ja wi queriꞌ neban ja Tatixel ewxin ja nutzꞌat nojelal masqui awatal chiquewach winak, arjaꞌ nuyaꞌ jun rtojbalil chewe pro ni chiquewach winak tok nuyaꞌ chewe.

San Mateo 6:3

Pro ja cꞌa rixix tok cꞌo jun ti ayuda nesipaj mejor ja neban, majun rbixic newasaj, nixtacꞌa ncotakij ta ja recꞌoloc ewqꞌuin.

San Mateo 6:6

Pro ja cꞌa rixix tok neban oración quixoc chipan ja tak ewochoch chejujunal in tetzꞌapij ewiꞌ chipan in quixtzijon ruqꞌuin ja Tatixel ewxin ja matitzꞌattaji. Ja wi queriꞌ neban ja Tatixel ewxin ja nutzꞌat nojelal masqui awatal chiquewach winak, arjaꞌ nuyaꞌ chewe jun rtojbalil pro ni chiquewach winak tok nuyaꞌ chewe.

San Lucas 14:14

Ja wi queriꞌ naban jariꞌ cꞌo jun quicotemal xin Dios xtiyataj na chawe como ja winak ja cꞌa xennataj riꞌ ejeꞌeꞌ maquecowini xtiqueyaꞌ ta rcꞌaxel chawe. Natquicoti como cꞌo jun rtojbalil ja xtiyataj na chawe, tokoriꞌ xtiyataji ja tok xquecꞌastaji ja winak ja utz netzꞌa̱t rmal ja Dios.

San Lucas 8:17

Queriꞌ nbij chewe como nojel ja rawatal jeꞌe jariꞌ nel na pa sakil in nojel ja ma kꞌalajinnak ta jeꞌe jariꞌ nerilaꞌ na jun kꞌij tok xtikꞌalajini, notakix na.

1 Corintios 4:5

Ja cꞌa tok xtipi chic jutij ja kajaw Jesucristo jariꞌ tiempo xin kꞌetoj tzij rmalcꞌariꞌ nbij chewe chi ma tekꞌetlaꞌ pon chi ta tzij ixix trij jun winak. Ja cꞌa tok xtipeti ja kajaw Jesucristo arjaꞌ nlasaj na pa sakil nojel ja rawatali, arjaꞌ nkꞌalasaj na chakajaꞌ nojel ja nkachꞌob kaj pa tak kanma. Ja cꞌa tok xtikꞌalastaj rmal cꞌacꞌariꞌ ja Dios arjaꞌ xtibin chake chikajujunal wi utz kabanon owi mani.

Hebreos 4:13

Ja Dios ni majun nak ta ja rawatal ta chwach, nojel ncaꞌy wiꞌ, ni majun ja maquita nutzꞌat, chwach cꞌa nekajachaꞌ na wiꞌ cuenta.

Judas 1:24

Ja cꞌa Dios arjaꞌ bien ncowini nixrchajij utzcꞌa chi maquixkaj chipan ja il mac, arjaꞌ ncowini nuyaꞌ chewe chi nixpeꞌe chwach in majun nak ta nixchapbexi, ni chwach nixpeꞌe wiꞌ pa gloria in congana jun nimlaj quicotemal nyataj chewe rmal.

Apocalipsis 2:23

Ja cꞌa xtinban chique ja ral jariꞌ nencamsaj in ja riglesia nojelal bien xtichꞌobtaj cumal chi anin nincowini ntzꞌat xa nak ta ja cꞌo pa tak quewiꞌ pa tak canma ja winak, ni majun awatal ta chinwach in anin nyaꞌ na rtojbalil chewe ja rebanon chejujunal, ja cꞌa rebanon jariꞌ ncꞌutuni janiꞌ ja rtojbalil ja xtinyaꞌ chewe.