San Mateo 6:2 - Tz'utujil (Ja Cꞌacꞌa Chominem)

² Rmalcꞌariꞌ nbij chewe, tok cꞌo jun ti ayuda nesipaj maxta tewasaj ja rtzijoxic ja caniꞌ nqueban ja winak ja xa cacaꞌ quipalaj. Ejeꞌeꞌ pa tak jay xin molbal riꞌil nquisipaj wiꞌ ja rayuda in pa tak bey chakajaꞌ utzcꞌa chi nya̱ꞌ quekꞌij cumal ja winak ja netzꞌato quixin. Anin ni katzij wiꞌ ja nbij chewe riꞌ, ejeꞌeꞌ ja tok nya̱ꞌ quekꞌij cumal ja winak ni xa ruyon wariꞌ ja rtojbalil nquechꞌec trij, mchita nak chi ta.

Tz'utujil NT

² Rmal c'ara' quenbij chewa, tak c'ola jun ayuda nesipaj mtewsaj ta rtzojxic ajni' nqueban wnak xcaca' queplaj. Arj-e' xe chpam jay rxin molbal ri'il necsipaj wa' ayuda ruq'uin ptak bey ch-utz c'ara' nya'a quek'ij cmal wnak je nquetz'towa cxin. Anen ne ktzij wa' quenbij chewa, tak nya'a quek'ij cmal wnak, ruyon oca jara' nquech'ec y majo'n chic nak.

San Mateo 6:2 Iomraidhean Croise

San Mateo 15:7

Cacaꞌ epalaj, bien ntakeꞌ chewe ja binto chewe ojer rmal ja profeta Isaías, quewaꞌ xbij riꞌ:

San Mateo 16:3

In cꞌo jeꞌe ja pa tak sakaric quewaꞌ nebij riꞌ: —Ja tre jun kꞌij riꞌ ma buena ta ja tiempo penak, ja caj ncꞌutuwi, congana quiak in congana mukuli, nixcheꞌe. Cacaꞌ epalaj, ixix bien nchꞌobtaj emwal nak rcꞌamonto ja netzꞌat jeꞌe chicaj pro ja ntajini nuban ja Dios chewach chipan ja tiempo ja rokcꞌo wiꞌ riꞌ jariꞌ ni matichꞌobtaj wiꞌ emwal nak rcꞌamonto.

San Mateo 22:18

Pro ja Jesús arjaꞌ bien rotak ja ritzelal ja ncajoꞌ nqueban tre in quewaꞌ xbij chique riꞌ: —Cacaꞌ epalaj ¿nak tre tok newajoꞌ ninecꞌambajaj?

San Mateo 23:5

Pro xa nak ta ja nqueban xa por interés, ja kas ncajoꞌ chi utz netzꞌa̱t cumal ja winak. Caniꞌ tre ja nqueyaꞌ chi quipalaj in chi quekꞌaꞌ ja tzꞌibtali ja rtzobal Dios chwach jariꞌ más chi na nimak nqueban tre. Queriꞌ nqueban tre utzcꞌa chi nquicꞌutbej quiꞌ chiquewach winak chi más chi na e utzlaj tak winak. In jun chic nqueban, congana nqueban rbanic ja ruchiꞌ quitziak, más chi na nimak tak pleca nquecoj tre.

San Mateo 23:6

In caniꞌ tre tok neba̱n invitar pa nimak tak waꞌim congana nel quecꞌuꞌx trij ja tzꞌulbal jeꞌe ja más nimak rukꞌij in queriꞌ nqueban chakajaꞌ ja tok nebe pa tak jay xin molbal riꞌil ja bar ncꞌaxax wiꞌ ja rtzobal Dios.

San Mateo 24:51

Ja cꞌa rajsamajel janila jun nimlaj rpokonal xtutij pa rukꞌaꞌ ja rpatrón in nta̱kel rmal chipan ja lugar ja bar ecꞌo wiꞌ ja winak ja xa cacaꞌ quipalaj. Ja cꞌa winak janila chi okꞌej xtiqueban chipan ariꞌ lugar in xtiquicachꞌachꞌej cakꞌ.

San Mateo 5:18

Queriꞌ nbij chewe como jariꞌ ley ni nbantaj wiꞌ cumplir nojelal, nixtacꞌa cꞌo ta jutzꞌit tre ja maquita nbantaj cumplir. Ni katzij wiꞌ ja xtinbij chewe riꞌ, ma cꞌayew ta nqꞌuisi caj nqꞌuisi rwachꞌulew chwach ja cꞌo jun ti punto tre ja ley ja maquita nbantaj cumplir.

San Mateo 6:16

In jun chic, ja tok neban ayuno chi ryabexic rukꞌij ja Dios maxta teban ixix ja caniꞌ nqueban ja winak ja xa cacaꞌ quipalaj como ejeꞌeꞌ ni quigana wiꞌ nqueban nbisoni ja quipalaj, ni lawuloꞌ nqueban tre utzcꞌa chi netzꞌati cumal ja winak chi ayuno ja quimajon rbanic. Anin ni katzij wiꞌ ja xtinbij chewe riꞌ, ja tok nya̱ꞌ quekꞌij cumal ja winak tok nqueban ja rayuno ni xa ruyon wariꞌ ja rtojbalil nquechꞌec trij, mchita nak chi ta.

San Mateo 6:3

Pro ja cꞌa rixix tok cꞌo jun ti ayuda nesipaj mejor ja neban, majun rbixic newasaj, nixtacꞌa ncotakij ta ja recꞌoloc ewqꞌuin.

San Mateo 6:5

In jun chic, ja tok neban oración maxta queriꞌ teban ja caniꞌ nqueban ja winak ja xa cacaꞌ quipalaj. Queriꞌ nbij chewe como ejeꞌeꞌ congana nel quecꞌuꞌx trij ja nepeꞌe pa tak jay xin molbal riꞌil chi rbanic oración in pa tak esquina pa bey chakajaꞌ. Queriꞌ nqueban utzcꞌa chi nya̱ꞌ quekꞌij cumal ja winak ja netzꞌato quixin. Anin ni katzij wiꞌ nbij chewe, ja tok nya̱ꞌ quekꞌij cumal ja winak ni xa ruyon wariꞌ ja rtojbalil nquechꞌec trij, mchita nak chi ta.

San Mateo 7:5

Ja queriꞌ xa cacaꞌ epalaj ja neban. Ja wi newajoꞌ neyaꞌ consejo tre ja rewachꞌalal rjawaxic nabey chi neyaꞌ can ja ritzelal ja cꞌo chipan ja recꞌaslemal ixix utzcꞌa chi nixcowini neyaꞌ utzlaj tak consejo tre ja rewachꞌalal.

Marcos 12:39

in caniꞌ tre tok nebe pa tak jay xin molbal riꞌil ja bar ncꞌaxax wiꞌ ja rtzobal Dios congana nel quecꞌuꞌx trij ja tzꞌulbal jeꞌe ja más nimak rukꞌij in queriꞌ nqueban chakajaꞌ tok neba̱n invitar pa nimak tak waꞌim.

Marcos 7:6

Bix chique rmal ja Jesús: —Cacaꞌ epalaj, bien ntakeꞌ chewe ja binto chewe ojer rmal ja profeta Isaías in tzꞌibtal can quewariꞌ: —Jawaꞌ winak riꞌ xa chi quechiꞌ cꞌo wiꞌ ja tok nqueyaꞌ nukꞌij, ja canma cꞌa cꞌa nat cꞌo wiꞌ chwe.

San Lucas 11:41

Pro ja rjawaxic chi neban, ja cꞌol ewqꞌuin jariꞌ queꞌetobej ja winak ja cꞌo rjawaxic chique. Ja wi queriꞌ neban jariꞌ chꞌajchꞌoj nixeli pro ni chi ix jun.

San Lucas 11:43

Congana lawuloꞌ chewe ja rix fariseo como ixix tok nixbe pa tak jay xin molbal riꞌil ja bar ncꞌaxax wiꞌ ja rtzobal Dios congana nel ecꞌuꞌx trij ja tzꞌulbal jeꞌe ja más nimak rukꞌij in chakajaꞌ tok nixbin pa tak cꞌaybal congana nel ecꞌuꞌx trij ja nixban saludar.

San Lucas 12:33

Ja cꞌo jeꞌe ewqꞌuin tecꞌayij in tesipaj ja rjil chique tak mebaꞌiꞌ. Ja wi queriꞌ neban jariꞌ cꞌoli caniꞌ jun cꞌolbal emebaꞌil nyataj na chewe pro mta yojtajic trij in cꞌoli chakajaꞌ ja mebaꞌil ewxin xin chilaꞌ chicaj pro jun mebaꞌil ja ni mta wiꞌ qꞌuisic trij. Ni majun alakꞌom xtoc ta triꞌ nixtacꞌa cꞌo ta jun chicop ja xtitijo ta ja mebaꞌil.

San Lucas 12:56

Cacaꞌ epalaj, ixix bien nchꞌobtaj emwal nak rcꞌamonto ja netzꞌat jeꞌe chicaj in ja netzꞌat jeꞌe chwach ja rwachꞌulew pro ¿nak cꞌa tre ja tok matichꞌobtaj emwal nak rcꞌamonto ja ntajini nuban ja Dios chewach chipan ja tiempo ja rokcꞌo wiꞌ riꞌ?

San Lucas 13:15

Ja cꞌa kajaw Jesús tok xcꞌaxaj ja xbij ja jefe quewaꞌ xbij tre riꞌ: —Caꞌiꞌ apalaj. Ixix ja pa tak xulaꞌnbal kꞌij ¿la mta cꞌa jun chewe ja maquita nuquirel ja rwacax owi ruquiej in maquita nucꞌamel neryaꞌaꞌ ruyaꞌ?

San Lucas 20:46

—Tebanaꞌ cuenta chique ja maestro ja netijon quixin ja winak tre ja ley xin Dios. Ejeꞌeꞌ congana nel quecꞌuꞌx trij ja necꞌastan chiquewach winak, quicojon nimak tak tziak ja ncꞌutu quixin chi e nimak tak maestro. In cꞌa cꞌo na más ja congana nel quecꞌuꞌx trij caniꞌ tre ja neba̱n saludar pa tak cꞌaybal in caniꞌ tre tok nebe pa tak jay xin molbal riꞌil ja bar ncꞌaxax wiꞌ ja rtzobal Dios, ejeꞌeꞌ nquicanoj ja nabey tak tzꞌulbal ja nimak rukꞌij in queriꞌ nqueban chakajaꞌ tok neba̱n invitar pa nimak tak waꞌim.

San Lucas 6:24

Pro ja cꞌa rixix ja rix biyomaꞌ jariꞌ congana lawuloꞌ chewe como nixquicoti camic pro jariꞌ jun quicotemal ja xa nocꞌowi.

San Lucas 6:42

In chakajaꞌ ¿nak moda nebij tre ja rewachꞌalal: —Wachꞌalal, tayaꞌaꞌ lugar chake chi nkayaꞌ jun consejo chawe tre ja il mac ja cꞌo pan acꞌaslemal, nixcheꞌ tre, pro xa mateyaꞌ cuenta tre chi más na nim ja il mac cꞌo pan ecꞌaslemal ixix? Ja queriꞌ xa cacaꞌ epalaj ja neban. Ja wi newajoꞌ neyaꞌ consejo tre ja rewachꞌalal rjawaxic nabey chi neyaꞌ can ja ritzelal ja cꞌo chipan ja recꞌaslemal ixix utzcꞌa chi nixcowini neyaꞌ utzlaj tak consejo tre ja rewachꞌalal.

San Juan 13:29

Ecꞌoli chique, ejeꞌeꞌ quechꞌob kaj chi ja Judas bix tre chi nbe, nerlokꞌoꞌ ja ncꞌatzin tre ja waꞌim xin nmakꞌij owi nta̱kel chi nersipaj jun ti ayuda chique ja tak mebaꞌiꞌ como ja Judas ruqꞌuin arjaꞌ cꞌo wiꞌ caja xin pwok.

San Juan 5:41

Ma ja ta nwajoꞌ ja xtiyaꞌ ta nukꞌij cumal winak

San Juan 5:44

Ja newajoꞌ ixix xa neyaꞌ ekꞌij chibil tak ewiꞌ pro ni majun nbij ecꞌuꞌx tre ja xteban ta ja rutzil xin Dios ja ni xarwariꞌ jun chi Dios. Ja tok xa queriꞌ neban jariꞌ congana cꞌayew ja xtiyukeꞌ ta ecꞌuꞌx wqꞌuin.

San Juan 7:18

Ja wi cꞌo jun achi nuyaꞌ jun tijonem in wi xa arjaꞌ winakarsyon nojoj ruyon jariꞌ bien kꞌalaj chi nrajoꞌ nya̱ꞌ rukꞌij cumal ja winak pro wi cꞌo jun nrajoꞌ chi nya̱ꞌ rukꞌij ja takyonpi rxin jariꞌ kꞌalaj chi ni katzij wiꞌ ja nbij in ni majun engaño nuban.

Hechos 10:2

Ja cꞌa Cornelio congana nuban respetar ja Dios, arjaꞌ e rachbil canojel ja recꞌo pa rochoch ni nquixbej wiꞌ quiꞌ chwach ja Dios. Ni cꞌo wiꞌ ayuda nuyaꞌ chique ja winak in xajutij rmajon rbanic ja roración chakajaꞌ.

Hechos 10:31

Xumaj tzij wqꞌuin, quewaꞌ xbij chwe riꞌ: —Cornelio, ja Dios arjaꞌ rcꞌaxan ja roración abanon in ma rmestan ta nojel ja rayuda ja rayaꞌon chique ja winak.

Hechos 10:4

Ja cꞌa Cornelio kas xtzꞌelwachij ja ángel, congana nxbej riꞌ in xbij tre: —Wajaw ¿nak nawajoꞌ chwe? neꞌ tre. Ja cꞌa ángel quewaꞌ xbij chic tre riꞌ: —Ja Dios arjaꞌ bien rotak nojel ja roración abanon, bien rotak nojel ja rayuda ja rayaꞌon chique ja winak, jariꞌ ni matimestaj wiꞌ.

Hechos 11:29

Ja cꞌa kachꞌalal ja recꞌo pan Antioquía ejeꞌeꞌ quechꞌob chi nquetakel jun ayuda chique ja kachꞌalal ja recꞌo pa Judea: —Nkayaꞌ janiꞌ nokcowini nkayaꞌ chikajujunal, xecheꞌe.

Hechos 24:17

Anin cꞌo la quijiꞌ joꞌoꞌ junaꞌ xineqꞌuejeꞌ na pa tak tinamit cuqꞌuin ja winak ja ma e aj Israel ta in camic inmelojnakto chic jutij chipan ja katinamit Israel. Cꞌo jun ayuda xinmolto ja xinjach chique ja kach tak aj Israel in chakajaꞌ xinmelojto utzcꞌa chi waweꞌ nuntzujuj wiꞌ jun ofrenda chwach ja Dios.

Hechos 9:36

Cꞌo cꞌa jun kachꞌalal ixok chipan ja tinamit Jope, Tabita rubiꞌ. Ja chipan ja tzobal griego, Dorcas rubiꞌ. Ja cꞌa Dorcas arjaꞌ ni cꞌo wiꞌ ja rutzil rbanon, ni cꞌo wiꞌ nuyaꞌ chique ja winak ja cꞌo rjawaxic chique.

Romanos 12:8

Ja wi ryaꞌon chawe chi neꞌapaxbaj queꞌapaxbaj cꞌa. Ja wi ryaꞌon chawe chi neꞌatoꞌ ja cꞌo rjawaxic chique queꞌatoꞌoꞌ cꞌa pro nojel acꞌuꞌx nojel awanma. Ja wi ryaꞌon chawe chi neꞌawcꞌaj ja kachꞌalal tatijaꞌ cꞌa akꞌij chi cucꞌaxic, maxta catsakꞌorini. Ja wi ryaꞌon chawe chi nayukbaꞌ quecꞌuꞌx ja netiꞌoni tabanaꞌ cꞌa pro catquicoti chi rbanic.

1 Corintios 13:3

In jun chic, masqui xtinjach ta ja mebaꞌil ja cꞌo wqꞌuin chique ja tak mebaꞌiꞌ chi nquitzukbej quiꞌ, pro ni nojelal, pro wi mta ja rajoben riꞌil xin Dios nsamaji pa ncꞌaslemal jariꞌ ni majun nak ta rcꞌamonto chwe. Masqui xtinyaꞌ ta wiꞌ pa camíc chi xtiporox ta ja ncuerpo pro wi mta ja rajoben riꞌil xin Dios nsamaji pa ncꞌaslemal jariꞌ ni majun nak ta rcꞌamonto chwe chakajaꞌ.

Gálatas 2:10

Xar ja queban recomendar chake chi: —Maxta queꞌemestaj jutzꞌit ja tak mebaꞌiꞌ, xecheꞌ chake, pro jariꞌ ni cꞌo wiꞌ ngana chi nenutoꞌ ja cꞌo rjawaxic chique.

Efesios 4:28

Ja re banol tak alakꞌ chewe nabey maxta tiqueban chic ja ralakꞌ. Ja nqueban, quesamaji ruqꞌuin quekꞌaꞌ pro utzlaj samaj tiquibanaꞌ utzcꞌa chi cꞌoli nquechꞌec ja nequitobej ja winak ja cꞌo rjawaxic chique.

1 Tesalonicenses 2:6

Ajoj tok xokqꞌuejeꞌ checojol ma xkacanoj ta chi neyaꞌ kakꞌij nixtacꞌa cumal chi ta juleꞌ winak. Ma ja tariꞌ kajoꞌ ta chewe masqui yatal chake chi neyaꞌ kakꞌij como ajoj okocnak apóstol rxin ja Cristo, arjaꞌ takyon kaxin.

1 Timoteo 6:18

Tabij chique chakajaꞌ chi ni tiquicꞌutuꞌ wiꞌ ja cutzil chiquewach winak. Tiquipokonaj quewach ja cꞌo rjawaxic chique, quequitoꞌoꞌ.

Filemón 1:7

Anin nmaltioxij tre ja Dios ja rabanon wachꞌalal como ajoj congana nokquicoti rumac ja rajoben riꞌil xin Dios ja cꞌo chawe, congana nxucꞌuxuꞌi ja kanma amwal. Queriꞌ nbij chawe como xurkaj rbixic kuqꞌuin chi ja kachꞌalal janila nxucꞌuxuꞌi ja canma rumac nojel ja rutzil abanon chique.

Hebreos 13:16

Pro ni tecꞌutuꞌ wiꞌ ja rewutzil chakajaꞌ in queꞌetoꞌoꞌ ja cꞌo rjawaxic chique, maxta temestaj chi rbanic ja wariꞌ. Ja cꞌa tok neban ja wariꞌ junan neli ruqꞌuin jun sacrificio chakajaꞌ pro jun sacrificio ja congana nel rucꞌuꞌx ja Dios trij.

1 Pedro 4:11

Ecꞌoli chewe quicochin tre ja Dios chi necowini nqueyaꞌ mensaje, kas turkaj chique chi rtzobal Dios ja nquecoj, ma quinaꞌoj ta winak ja nquecoj. In chakajaꞌ ecꞌoli ja yatajnak chique chi necowini nequetoꞌ winak, kas turkaj chique chi ja Dios arjaꞌ yoyon chique chi necowini nequetoꞌ. Rmal ja Jesucristo chewiꞌ tok qꞌuiy rwach ja yatajnak chewe ja recochin tre ja Dios, tebanaꞌ cꞌa nojelal chi nyabex rukꞌij. Ni ta xtiyaꞌ wiꞌ rukꞌij, ni ta xtinatax wiꞌ chi pa rukꞌaꞌ cꞌo wiꞌ nojelal camic, chwak in chijutij. Amén.