San Mateo 6:12 - Tz'utujil (Ja Cꞌacꞌa Chominem)

¹² Tacuyuꞌ ja kil kamac ja caniꞌ nkaban ajoj nekacuy ja winak tok cꞌoli quibanon chake.

Tz'utujil NT

¹² Tecyu' kil kamac ajni' nkaban ajoj nquekacuy je' wnak tak nqueban je' lowlo' tak achnak chka.

San Mateo 6:12 Iomraidhean Croise

San Mateo 26:28

como jawaꞌ wariꞌ jawaꞌ nquiqꞌuel ocnak rseguro ja cꞌacꞌa chominem ja rchomin ja Dios. Ja nquiqꞌuel e qꞌuiy ja winak nti̱x na pa quicuenta utzcꞌa chi ncuytaji ja quil quemac.

San Mateo 9:2

Ja cꞌa tok xekaji chaka cꞌa jalal tok cꞌo jun achi xeya̱ꞌ chwach siquirnak, cotzꞌol chwach jun chꞌatan cheꞌ. Ja cꞌa Jesús tok xutzꞌat ja yukulbal quecꞌuꞌx cꞌo ruqꞌuin, arjaꞌ xbij tre ja siquirnak: —Ncꞌajol, ma taxbej ta awiꞌ, camic cuytaji ja rawil amac, neꞌ tre.

Marcos 11:25

In tok cꞌo jeꞌe oración neban, wi cꞌo jun xa nak ta ja rbanon pokon chewe rjawaxic chi necuy utzcꞌa chi ja Tatixel ewxin ja cꞌo chilaꞌ chicaj arjaꞌ nixrucuy ixix chakajaꞌ.

San Lucas 11:4

Tacuyuꞌ ja kil kamac ja caniꞌ nkaban ajoj nekacuy ja winak tok cꞌoli nqueban chake. Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Queriꞌ ta rbanic ja roración neban, neꞌ chique ja rdiscípulo.

San Lucas 13:4

In jun chic, turkaj chewe ja re dieciocho winak ja tok tzakto ja torre xin Siloé chiquij in xercamsaj. ¿La más na e ajꞌil la más na e ajmaquiꞌ chiquewach ja juleꞌ chic winak ja recꞌo triꞌ pa Jerusalén nechꞌob ixix?

San Lucas 6:37

Maxta quixoc ix caniꞌ kꞌetol tak tzij chiquij ja winak utzcꞌa chi ja Dios matukꞌet tzij chewij ixix chakajaꞌ. Maxta tecꞌutuj chiquij ja winak chi nquetoj na ja il mac ja nqueban utzcꞌa chi ja Dios matibij chewe chi netoj na ja il mac ja neban ixix. Queꞌecuyuꞌ ja winak. Ja wi neꞌacuy ja cꞌa Dios arjaꞌ nixrucuy ixix chakajaꞌ.

Hechos 13:38

Rmalcꞌariꞌ tok nkabij chewe kach tak aj Israel, bien tewotakij chi ja Jesús ja kamajon rbixic chewe arjaꞌ ncuyuwi ja kil kamac ja rok winak.

Efesios 1:7

Ja tok xa jun kabanon ruqꞌuin ja Jesucristo jariꞌ okwasanel chic libre pa rukꞌaꞌ ja il mac como arjaꞌ xutoj ja kil kamac tre ja rquiqꞌuel. Ja tok xa jun kabanon ruqꞌuin jariꞌ cuytajnak chic ja kil kamac. Ja Dios tok xuban queriꞌ chake jariꞌ caniꞌ jun nimlaj mebaꞌil xsipaj chake.

Efesios 4:32

Ja neban, kas lokꞌ tenaꞌaꞌ ewiꞌ, tipokonaj riꞌ ewach, tecuyuꞌ ewiꞌ caniꞌ xuban ja Dios chewe xixrucuy pro xa rmal ja xa jun ebanon ruqꞌuin ja Cristo chewiꞌ tok xixrucuy.

Colosenses 3:13

in tok chaka jalal neban ofender ewiꞌ tecochꞌoꞌ in tecuyuꞌ ewiꞌ. Quirtariꞌ neban ja caniꞌ xuban ja Cristo, como arjaꞌ xixrucuy chewiꞌ tok nbij chewe, tecuyuꞌ ewiꞌ ixix chakajaꞌ.