San Mateo 6:1 - Tz'utujil (Ja Cꞌacꞌa Chominem)

¹ Ecꞌoli winak tok cꞌo jeꞌe nqueban ja chi yaꞌbal rukꞌij ja Dios nqueban pro xa chiquewach winak nqueban wiꞌ utzcꞌa chi nya̱ꞌ quekꞌij cumal ja winak nquechꞌob. Pro ja rixix tebanaꞌ cuenta, maxta teban queriꞌ, nowi queriꞌ neban ni majun rtojbalil nyataj chewe rmal ja Tatixel ja cꞌo chilaꞌ chicaj.

Tz'utujil NT

¹ Ec'ola je' wnak tak nqueya' ruk'ij Dios per xe chquewech wnak nqueban wa' ch-utz c'ara' nya'a quek'ij nquech'ob j-e'. Per ixix tebna' cwent, mteban ta cara', wex cara' neban nmajo'n achnak nech'ec che nyataja chewa rmal Ttixel jc'ola chcaj.

San Mateo 6:1 Iomraidhean Croise

San Mateo 16:27

Queriꞌ nbij chewe como anin ja rin Alcꞌwalaxel ja xinoc alaxic cuqꞌuin ja winak ninpi chi na jutij e wachbil ja ángel wxin, tokoriꞌ ja gloria xin Dios congana nchꞌaꞌan chwij in ja winak nunyaꞌaꞌ na rtojbalil chique chiquijujunal ja queban waweꞌ chwachꞌulew.

San Mateo 16:6

Ja cꞌa Jesús xbij chique: —Kas bien techꞌoboꞌ, kas tebanaꞌ cuenta ewiꞌ chwach ja levadura quixin ja fariseo e cachbil ja saduceo, neꞌ chique.

San Mateo 23:13

Pro congana lawuloꞌ chewe ixix ja rix maestro rxin ja ley xin Dios ja tzꞌibtal can rmal ja Moisés in chewe ixix ja rix fariseo, cacaꞌ epalaj como ixix nixtajini netzꞌapij quebey ja winak chiquewach utzcꞌa chi maqueꞌoc chipan ja gobierno xin chilaꞌ chicaj. Nixtacꞌa ixix ta ixocnak ta chipan in nixtacꞌa neyaꞌ ta lugar chique ja winak ja cꞌo quigana neꞌoc chipan.

San Mateo 23:5

Pro xa nak ta ja nqueban xa por interés, ja kas ncajoꞌ chi utz netzꞌa̱t cumal ja winak. Caniꞌ tre ja nqueyaꞌ chi quipalaj in chi quekꞌaꞌ ja tzꞌibtali ja rtzobal Dios chwach jariꞌ más chi na nimak nqueban tre. Queriꞌ nqueban tre utzcꞌa chi nquicꞌutbej quiꞌ chiquewach winak chi más chi na e utzlaj tak winak. In jun chic nqueban, congana nqueban rbanic ja ruchiꞌ quitziak, más chi na nimak tak pleca nquecoj tre.

San Mateo 25:40

Ja cꞌa Rey quewaꞌ xtibij chic chique riꞌ: —Ni katzij wiꞌ ja xtinbij chewe riꞌ, ja tok xeꞌetoꞌ ja tak wachꞌalal, anin cꞌariꞌ ja xinetoꞌ. Queriꞌ rbanic masqui xa más sencillo jun ti wachꞌalal ja xetoꞌ. Queriꞌ ja xtibij chic chique.

San Mateo 5:16

In quirtacꞌariꞌ nuban ja luz ja cꞌo pa tak ewanma ixix chakajaꞌ, tisakirsaj quebey ja winak chiquewach utzcꞌa ja winak tok nquetzꞌat ja rutzil neban, ejeꞌeꞌ xtiqueyaꞌ ta rukꞌij ja Tatixel ewxin ja cꞌo chilaꞌ chicaj.

San Mateo 5:46

Queriꞌ nbij chewe como ixix ja wi xa queyon lokꞌ neꞌenaꞌ ja lokꞌ ixquinaꞌon ixix ¿la cꞌo ta cꞌa jun rtojbalil ariꞌ nyataj chewe nechꞌob ixix? Ja wi xa queriꞌ neban xcꞌa ix junan ariꞌ cuqꞌuin ja molol tak impuesto como ejeꞌeꞌ lokꞌ nquenaꞌ quiꞌ chibil tak quiꞌ.

San Mateo 5:48

Rmalcꞌariꞌ nbij chewe, caniꞌ rbanon ja Tatixel ewxin ja cꞌo chilaꞌ chicaj ni majun falta tre ja rajoben riꞌil cꞌo tre queriꞌ cꞌa chewe ixix chakajaꞌ rjawaxic chi ni majun falta tre ja rajoben riꞌil cꞌo chewe.

San Mateo 6:16

In jun chic, ja tok neban ayuno chi ryabexic rukꞌij ja Dios maxta teban ixix ja caniꞌ nqueban ja winak ja xa cacaꞌ quipalaj como ejeꞌeꞌ ni quigana wiꞌ nqueban nbisoni ja quipalaj, ni lawuloꞌ nqueban tre utzcꞌa chi netzꞌati cumal ja winak chi ayuno ja quimajon rbanic. Anin ni katzij wiꞌ ja xtinbij chewe riꞌ, ja tok nya̱ꞌ quekꞌij cumal ja winak tok nqueban ja rayuno ni xa ruyon wariꞌ ja rtojbalil nquechꞌec trij, mchita nak chi ta.

San Mateo 6:9

Rmalcꞌariꞌ nbij chewe, ja tok neban oración quewaꞌ nebij riꞌ: —Katataꞌ Dios ja ratcꞌo chilaꞌ chicaj, lokꞌ ta xtinaꞌi ja rabiꞌ cumal ja winak.

Marcos 8:15

Ja cꞌa Jesús quewaꞌ xbij chique riꞌ: —Kas bien techꞌoboꞌ, kas bien tebanaꞌ cuenta ewiꞌ chwach ja levadura quixin ja fariseo in chwach chakajaꞌ ja levadura rxin ja Herodes, neꞌ chique.

San Lucas 11:35

Rmalcꞌariꞌ tok nbij chewe, tebanaꞌ cuenta, maxta tichupi ja luz ja yatajnak chewe pa tak ewanma utzcꞌa chi maquixqꞌuejeꞌ pa kꞌekumal.

San Lucas 12:1

Ecꞌoli ja winak quimolon chic quiꞌ triꞌ pro congana e qꞌuiy, quimajon rminic quiꞌ rmal. Ja cꞌa Jesús arjaꞌ xumaj tzij cuqꞌuin ja rdiscípulo nabey, quewaꞌ xbij chique riꞌ: —Tebanaꞌ cuenta ewiꞌ chwach ja levadura quixin ja fariseo. Jariꞌ tibij tzij chi maxta xa cacaꞌ epalaj ixix como caniꞌ ejeꞌeꞌ.

San Lucas 12:15

Cꞌacꞌariꞌ ja Jesús xbij chique ja winak: —Tebanaꞌ cuenta ewiꞌ, maxta quixban engañar rmal ja yarin mebaꞌil. Queriꞌ nbij chewe como ni majun winak masqui congana mebaꞌil cꞌo ruqꞌuin pro ma ja tariꞌ ja mebaꞌil nyowi rcꞌaslemal, neꞌ chique.

San Lucas 16:15

Ja cꞌa Jesús quewaꞌ xbij chique riꞌ: —Ixix quewaꞌ ebanic riꞌ, nekꞌalasaj ewiꞌ chiquewach ja winak chi congana ix utzlaj tak winak pro ja Dios arjaꞌ bien rotak nak ja cꞌo pa tak ewanma. Ecꞌoli winak ja xa itzel netzꞌa̱t rmal ja Dios masqui congana utz netzꞌa̱t cumal winak.

San Juan 12:43

Queriꞌ queban como más na nqueyaꞌ caso tre ja nbix chique cumal ja winak chwach ja nbix chique rmal ja Dios.

San Juan 5:44

Ja newajoꞌ ixix xa neyaꞌ ekꞌij chibil tak ewiꞌ pro ni majun nbij ecꞌuꞌx tre ja xteban ta ja rutzil xin Dios ja ni xarwariꞌ jun chi Dios. Ja tok xa queriꞌ neban jariꞌ congana cꞌayew ja xtiyukeꞌ ta ecꞌuꞌx wqꞌuin.

Hechos 3:12

Ja cꞌa Pedro tok xerutzꞌat quewaꞌ xbij chique riꞌ: —Achiꞌiꞌ ja rix kach tak aj Israel ¿nak tre ja tok matichꞌobtaj emwal ja bantaji riꞌ? ¿Nak tre ja tok kas emajon katzꞌelwachixic? ¿La ajoj xoktzursani ja rachi nechꞌob ixix? Ja rachi arjaꞌ ncowin chic nbini pro ma rmal ta jun poder kaxin ta ajoj xa chewiꞌ tok tzuri in ma rmal ta chakajaꞌ chi ajoj ok utzlaj tak winak.

Gálatas 6:12

Ja winak ja cꞌo quigana nquikꞌalasaj quiꞌ chi congana nqueban cumplir ja costumbre rxin ja ley ejeꞌeꞌ riꞌ ja nebin chewe chi puersa nixban circuncidar. Ejeꞌeꞌ xa nquixbej quiꞌ xtiquetij ta rpokonal rmal ja Cristo xtiquibij ta chi solo rcamic ja Cristo chwach cruz nattoꞌowi chipan ja rawil amac.

Hebreos 11:26

Más na vale ja ntij rpokonal rumac ja Cristo chwach ja xtinchꞌec ta nojelal ja mebaꞌil ja cꞌo pan Egipto, neꞌ kaj. Arjaꞌ kas tzꞌel pon rwach trij ja rtojbalil ja nya̱ꞌ na tre rmal ja Dios chewiꞌ tok queriꞌ xuchꞌob.

Hebreos 2:1

Janila nim rukꞌij ja Ralcꞌwal Dios rmalcꞌariꞌ congana rjawaxic chi más na nkayaꞌ kaxquin tre ja utzlaj tzij ja rcꞌamonto chake, maquita nkayaꞌ can jutzꞌit.

Hebreos 6:10

Ja cꞌa Dios mta moda xtuban ta ja ma utz ta xtimestaj ta ja rutzil ja rebanonto, arjaꞌ matimestaj chi congana xetij ekꞌij chi quitoꞌic ja kachꞌalal in cꞌa emajon na quitoꞌic camic. Como congana newajoꞌ ja Dios chewiꞌ tok neꞌetoꞌ.

2 Juan 1:8

Kas tebanaꞌ jutzꞌit cuenta ewiꞌ, maxta quixban engañar, maquita xtetzꞌilaꞌ ja rtojbalil ja samaj ebanon pro ja kas nwajoꞌ chewe, xtiyataj ta na chewe ja rtojbalil pro ni nojelal.