San Mateo 5:9 - Tz'utujil (Ja Cꞌacꞌa Chominem)

⁹ Congana quiꞌil chique ja winak ja nechomin quixin winak, nquechup rwach sícꞌ chꞌaꞌoj, congana quiꞌil chique como ejeꞌeꞌ xqueꞌotakixi chi e ralcꞌwal Dios.

Tz'utujil NT

⁹ Congan quicotemal rxin Dios nyataja chca wnak je nquechumina je' wnak che qui'il nquec'je'a chbil tak qui' com tzra' nque'otkix wa' che e rlec'wal Dios.

San Mateo 5:9 Iomraidhean Croise

San Mateo 5:45

Quirtariꞌ neban utzcꞌa chi ixix nij ix kꞌalaj wiꞌ chi ix ralcꞌwal Dios ja Tatixel ewxin ja cꞌo chilaꞌ chicaj, caniꞌ nuban arjaꞌ nlasajto kꞌij pa quewiꞌ xa nak ta chi winakil chi e itzel tak winak chi e utzlaj tak winak in chakajaꞌ nkajsaj jab pa quewiꞌ canojelal chi nimanel rxin chi ma nimanel ta.

San Mateo 5:48

Rmalcꞌariꞌ nbij chewe, caniꞌ rbanon ja Tatixel ewxin ja cꞌo chilaꞌ chicaj ni majun falta tre ja rajoben riꞌil cꞌo tre queriꞌ cꞌa chewe ixix chakajaꞌ rjawaxic chi ni majun falta tre ja rajoben riꞌil cꞌo chewe.

San Lucas 20:36

Maquecꞌuleꞌ chic como mchita camíc chiquij triꞌ. Mchita camíc chiquij como e caniꞌ chic ángel triꞌ. E ralcꞌwal Dios como ecꞌastajnak chic triꞌ.

San Lucas 6:35

Pro ja cꞌa rixix queꞌewajoꞌ ja recꞌulel, tebanaꞌ ja rutzil, teyaꞌaꞌ kajonem pro maxta quixoclaꞌ il tre ja rcꞌaxel. Ja wi queriꞌ neban jariꞌ cꞌo jun nimlaj rtojbalil nyataj na chewe in triꞌ nixkꞌalajin wiꞌ chi ix ralcꞌwal ja nimlaj Dios como ja Dios arjaꞌ nuban utzil chique ja winak masqui ejeꞌeꞌ ni matiquimaltioxij wiꞌ tre, masqui xa e itzel tak winak.

Hechos 7:26

Ja cꞌa chi rcab kꞌij chic ecꞌo caꞌiꞌ ja raj Israel xerutzꞌat quimajon chꞌaꞌoj. Rajoꞌ ta laj xerujach in quewaꞌ xbij chique riꞌ: —¿Nak tre ja tok neban chꞌaꞌoj? Pro xwaꞌn ewach aj tinamit ewiꞌ, neꞌ chique.

Romanos 12:18

Ja wi nixcowini kas ta quiꞌil nixqꞌuejeꞌe cuqꞌuin ja winak canojelal, maxta cꞌoli teban ixix ja xa nuyic jun chꞌaꞌoj chiquicojol.

Romanos 8:14

Queriꞌ rbanic como kanojel ja rokucꞌan rmal ja rEspíritu Santo ajoj cꞌariꞌ ok ralcꞌwal Dios.

Romanos 8:16

Chꞌobtajnak chic kumal chi ok ralcꞌwal Dios in ja rEspíritu Santo arjaꞌ mismo nuyaꞌ kaseguro chi ok ralcꞌwal Dios.

Romanos 8:19

Ja cꞌa chicop in tijcoꞌm jeꞌe e cachbil chakajaꞌ xa nak ta ja retzꞌucarsanto rmal ja Dios ejeꞌeꞌ caniꞌ kas tzꞌel pon quewach trij ja kꞌij ja xtikꞌalajin wiꞌ ja nimlaj gloria xin Dios ja xtichꞌaꞌan chakij ja rok ralcꞌwal Dios.

1 Corintios 6:6

Pro ja neban ixix, jun kachꞌalal neryaꞌaꞌ parte trij jun chic kachꞌalal in cꞌuluto ja neryaꞌaꞌ wiꞌ parte chiquewach winak ja ma quiniman ta ja Jesucristo.

2 Corintios 13:11

Camic nbij chewe wachꞌalal, quixquicoti. Techomarsaj cꞌa ja ma utz ta jeꞌe ja remajon rbanic, Dios ta xtiyukban ecꞌuꞌx, xta jun neban, maxta sícꞌ chꞌaꞌoj teban. Ja wi nenimaj ja cꞌa xinbij kaj chewe riꞌ jariꞌ nqꞌuejeꞌe ja Dios ewqꞌuin, arjaꞌ nyowi ja rajoben riꞌil pa tak kanma, arjaꞌ nyowi ja quicotemal.

2 Corintios 5:20

Ja cꞌa rajoj camic oktakonel rmal ja Cristo chi pa rubiꞌ arjaꞌ nkaban ja samaj como ja Dios arjaꞌ nucoj kachiꞌ chi rbixic chique ja winak nak ja nrajoꞌ chique chi nqueban. Pa rubiꞌ cꞌa ja Cristo congana nkaban recomendar chewe chi quixchomtaj jutzꞌit ruqꞌuin ja Dios.

Gálatas 5:22

Pro ja rEspíritu Santo quewaꞌ nwachij pa tak kacꞌaslemal riꞌ, nkajoꞌ kiꞌ, cꞌoli ja quicotemal xin Dios pa tak kanma, mta chꞌaꞌoj nkaban, cꞌo kapaciencia, cꞌo jun quiꞌlaj anma kucꞌan, nkatoꞌ kiꞌ chibil tak kiꞌ, nkaban cumplir ja nkatzujuj,

Efesios 4:1

Rmal cꞌa nojel awaꞌ ja nmajon rbixic chewe riꞌ congana nban recomendar chewe chi newcꞌaj jun utzlaj cꞌaslemal. Anin ja rincojon preso camic rmal ja samaj rxin ja kajaw Jesucristo congana nban recomendar chewe chi newcꞌaj jun cꞌaslemal ja bien nucꞌam riꞌ ruqꞌuin ja utzlaj cꞌaslemal ja nrajoꞌ ja Dios chewe chi newcꞌaj ja tok xixrsiqꞌuij.

Filipenses 4:2

Camic cꞌo jun paxbanem nyaꞌ chique ja kachꞌalal Evodia rachbil Síntique. Como xa jun quibanon ruqꞌuin ja kajaw Jesucristo congana nban recomendar chique chi xta jun nquechꞌob.

Colosenses 3:13

in tok chaka jalal neban ofender ewiꞌ tecochꞌoꞌ in tecuyuꞌ ewiꞌ. Quirtariꞌ neban ja caniꞌ xuban ja Cristo, como arjaꞌ xixrucuy chewiꞌ tok nbij chewe, tecuyuꞌ ewiꞌ ixix chakajaꞌ.

Hebreos 12:14

Techꞌoboꞌ rij rwach nak neban chi matecꞌam rkan jeꞌe chꞌaꞌoj cuqꞌuin ja winak xa nak ta chi winakil pro ja quicotemal ja tariꞌ nqꞌuejeꞌ checojol cuqꞌuin. Techꞌoboꞌ rij rwach nak neban chi nixcowini newcꞌaj jun chꞌajchꞌojlaj anma. Mta jun nak ta ja xtertzꞌataꞌ ta rwach ja kajaw Dios ja wi ma rcꞌan ta jun chꞌajchꞌojlaj anma.