San Mateo 5:8 - Tz'utujil (Ja Cꞌacꞌa Chominem)

⁸ Congana quiꞌil chique ja winak ja chꞌajchꞌoj canma, congana quiꞌil chique como ejeꞌeꞌ nequitzꞌataꞌ na cꞌa rwach ariꞌ ja Dios.

Tz'utujil NT

⁸ Congan quicotemal rxin Dios nyataja chca wnak jch'ajch'oj rwech canm com arj-e' nquetz'et na rwech Dios.

San Mateo 5:8 Iomraidhean Croise

Hechos 15:9

Ja Dios arjaꞌ ma jun ta utz nutzꞌat in ma jun ta itzel nutzꞌat pro xa junan xuban chake chi ok caꞌiꞌ tinamit como arjaꞌ xchꞌachꞌojirsaj ja canma ejeꞌeꞌ chakajaꞌ rmal ja yukulbal quecꞌuꞌx ruqꞌuin ja Jesucristo.

1 Corintios 13:12

In queriꞌ cꞌa chake ajoj camic, cꞌo jeꞌe ja xin Dios kotak pro xarwariꞌ ma claro ta chikawach nojelal, caniꞌ tre tok natzꞌat awach chipan jun chꞌichꞌ ja ma bien ta claro natcaꞌy chipan. Pro ja tok xtucꞌul riꞌ kawach ruqꞌuin ja Jesucristo jariꞌ ni claro chic chikawach triꞌ. Ja camic masqui wotak janiꞌ rnaꞌoj ja Dios pro cꞌa cꞌo na ja ma kas ta claro chinwach nak rbanic. Pro ja tok xtipi chic jutij ja Jesucristo jariꞌ ni claro chic chinwach triꞌ pro ni nojelal, caniꞌ tre ja Dios camic arjaꞌ ni bien claro chwach janiꞌ ja nnaꞌoj anin pro ni nojelal.

2 Corintios 7:1

Chakꞌlaj wachꞌalal, nojel awaꞌ ja cꞌa xinbij kaj chewe riꞌ como tzujun chic chake rmal ja Dios rmalcꞌariꞌ tok nbij chewe, kayaꞌaꞌ can xa nak ta ja ntzꞌilorsaj ja kacꞌaslemal tanto tre ja ntzꞌilorsaj ja kacuerpo in tre ja ntzꞌilorsaj ja kanma chakajaꞌ. Kaxbej kiꞌ chwach ja Dios, tiqꞌuiyi tiwachini jun chꞌajchꞌojlaj cꞌaslemal chake.

Tito 1:15

Ja winak ja chꞌajchꞌoj canma ejeꞌeꞌ ni necowin wiꞌ nquetzꞌat ja rutzil. Ja winak ja xa tzꞌil canma in matiquinimaj ja Dios ejeꞌeꞌ nojel itzel nquetzꞌat. Ejeꞌeꞌ riꞌ xa itzel quinaꞌoj in matitiꞌon chique ja ritzelal nqueban.

Hebreos 10:22

Koꞌekaj cꞌa chwach ja Dios, maxta tikanaꞌ kiꞌ pro nojel ta kanma, ni ta yukul wiꞌ kacꞌuꞌx ruqꞌuin. Quirtariꞌ nkaban jutzꞌit como kotak chi chꞌachꞌojirsan chic ja kanma chipan ja kil kamac in matitiꞌon chic ja kaconciencia rmal. Kotak chakajaꞌ chi chꞌachꞌojirsan chic ja kacuerpo tre jun chꞌajchꞌojlaj yaꞌ ja ni majun tzꞌil nak ta rcꞌan.

Hebreos 12:14

Techꞌoboꞌ rij rwach nak neban chi matecꞌam rkan jeꞌe chꞌaꞌoj cuqꞌuin ja winak xa nak ta chi winakil pro ja quicotemal ja tariꞌ nqꞌuejeꞌ checojol cuqꞌuin. Techꞌoboꞌ rij rwach nak neban chi nixcowini newcꞌaj jun chꞌajchꞌojlaj anma. Mta jun nak ta ja xtertzꞌataꞌ ta rwach ja kajaw Dios ja wi ma rcꞌan ta jun chꞌajchꞌojlaj anma.

Hebreos 9:14

Pior cꞌa ja rquiqꞌuel ja Cristo jariꞌ más chi na nim rsamaj. Ja Cristo arjaꞌ xtzujuj riꞌ chwach ja Dios, camsaxi, xoc jun sacrificio pro jun sacrificio ja ni majun ja maquita tzꞌakat tre in ja toꞌo rxin chi rbanic ja wariꞌ jariꞌ ja rEspíritu Santo ja ni mta wiꞌ qꞌuisic trij. Ja rquiqꞌuel ja Cristo janila nsamaji, nchꞌachꞌojirsaj chi utz ja kanma chi matitiꞌon chic ja kaconciencia in rmalariꞌ nokcowini nkayaꞌ can ja kabanon jeꞌe ja xa camíc rcꞌamonto in noksamaj chic pa rcuenta ja cꞌaslic Dios.

Santiago 3:17

Pro ja winak ja jakal quewiꞌ ja ni katzij wiꞌ chi Dios jakyon quewiꞌ quewaꞌ quibanic riꞌ, jun, cꞌo jun chꞌajchꞌojlaj anma cucꞌan, in jun chic, matiquecꞌam rkan sícꞌ chꞌaꞌoj, e utzlaj tak winak, maquechꞌolini, nqueyaꞌ quixquin tre ja nbix chique, nquipokonaj quewach winak, congana utzil nquecꞌut, ma jun ta utz ma jun ta itzel nquetzꞌat in chakajaꞌ matiqueban cacaꞌ quipalaj.

Santiago 4:8

Quixtiloc ruqꞌuin ja Dios in arjaꞌ chakajaꞌ ntiloc ewqꞌuin. Ja rix ajꞌil ja rix ajmaquiꞌ rjawaxic chi neyaꞌ can ja ritzelal. Ja rixix ja xa cacaꞌ ecꞌuꞌx rjawaxic chi nechꞌachꞌojirsaj ja rewanma.

1 Pedro 1:22

Ja rEspíritu Santo arjaꞌ xuyaꞌ chewe chi xenimaj ja utzlaj tzij xin Jesucristo jariꞌ utzlaj tzij xechꞌachꞌojirsbej ja rewanma. Queriꞌ xeban in rmalariꞌ tok nixcowin chic neꞌewajoꞌ ja kachꞌalal in ma chi echiꞌ ta cꞌo wiꞌ tok neꞌewajoꞌ. Rmalcꞌariꞌ nbij chewe, tewajoꞌ ewiꞌ pro nojel ecꞌuꞌx nojel ewanma.

Apocalipsis 22:4

Ejeꞌeꞌ nquetzꞌat na rwach ja Dios in ja rubiꞌ chi quipalaj nqꞌuejeꞌ wiꞌ.