San Mateo 5:7 - Tz'utujil (Ja Cꞌacꞌa Chominem)

⁷ Congana quiꞌil chique ja winak ja nepokonan quewach cach tak winak, congana quiꞌil chique como ejeꞌeꞌ npokonax cꞌa quewach ariꞌ chakajaꞌ.

Tz'utujil NT

⁷ Congan quicotemal rxin Dios nyataja chca wnak jnecpoknaj quewech wnak com arj-e' npoknax na quewech chka'.

San Mateo 5:7 Iomraidhean Croise

Marcos 11:25

In tok cꞌo jeꞌe oración neban, wi cꞌo jun xa nak ta ja rbanon pokon chewe rjawaxic chi necuy utzcꞌa chi ja Tatixel ewxin ja cꞌo chilaꞌ chicaj arjaꞌ nixrucuy ixix chakajaꞌ.

San Lucas 6:35

Pro ja cꞌa rixix queꞌewajoꞌ ja recꞌulel, tebanaꞌ ja rutzil, teyaꞌaꞌ kajonem pro maxta quixoclaꞌ il tre ja rcꞌaxel. Ja wi queriꞌ neban jariꞌ cꞌo jun nimlaj rtojbalil nyataj na chewe in triꞌ nixkꞌalajin wiꞌ chi ix ralcꞌwal ja nimlaj Dios como ja Dios arjaꞌ nuban utzil chique ja winak masqui ejeꞌeꞌ ni matiquimaltioxij wiꞌ tre, masqui xa e itzel tak winak.

Romanos 11:30

Ja nabey tok majaꞌn tipeti ja Jesucristo ixix ja ma ix aj Israel ta ma xenimaj ta ja Dios pro ja Dios xpokonaj ewach in camic ewilon chic ja totajem rmal. Como ja tinamit Israel ma xeniman ta xa chewiꞌ tok ewilon chic ixix ja totajem xin Dios.

1 Corintios 7:25

Ja cꞌa rixix ja ni mta wiꞌ ewachbil ecanon cꞌoli xtinbij chic chewe riꞌ. Ja xtinbij chewe riꞌ mta bin can tre rmal ja kajaw Jesucristo pro jun paxbanem nyaꞌ anin chewe. Xarwariꞌ, yatal chewe chi nyukeꞌ ecꞌuꞌx ruqꞌuin ja paxbanem nyaꞌ chewe pro xa rmal ja yatajnak chwe rmal ja kajaw Jesucristo tok nbij queriꞌ chewe como arjaꞌ xpokonaj nwach, xuyaꞌ chwe chi inocnak apóstol rxin.

2 Corintios 4:1

Rmalcꞌariꞌ nbij chewe, jawaꞌ samaj ja kamajon rbanic riꞌ, como jun cochinem xin Dios chewiꞌ tok ni maticapuj wiꞌ kacꞌuꞌx chi rbanic.

Efesios 4:32

Ja neban, kas lokꞌ tenaꞌaꞌ ewiꞌ, tipokonaj riꞌ ewach, tecuyuꞌ ewiꞌ caniꞌ xuban ja Dios chewe xixrucuy pro xa rmal ja xa jun ebanon ruqꞌuin ja Cristo chewiꞌ tok xixrucuy.

Colosenses 3:12

Rmalcꞌariꞌ nbij chewe, como ixchaꞌon rmal ja Dios, como ix rxin chic ja Dios in congana nixrajoꞌ tepokonaj quewach ja winak, tebanaꞌ ja rutzil chique, maxta teyaꞌ ekꞌij chiquewach, xa nak ta ja newil chipan ja recꞌaslemal teyaꞌaꞌ pa rukꞌaꞌ ja Dios, tiqꞌuejeꞌe ja repaciencia

1 Timoteo 1:13

Queriꞌ xuban chwe masqui anin nabey xa itzel xintzijon tre, xinban pokon chique ja xeniman rxin in xintzꞌuj. Pro ja Dios arjaꞌ xpokonaj nwach como anin ma wotak ta ja xinban como jariꞌ tiempo ma nniman ta ja Jesucristo.

1 Timoteo 1:16

Pro ja Jesucristo arjaꞌ congana xpokonaj nwach masqui in nimlaj ajꞌil in ajmac chiquewach canojelal ja winak. Arjaꞌ xucuy ja wil numac in jariꞌ xcꞌutbej chiquewach ja winak chi cꞌo rpaciencia chi nerucuy ja rajꞌil ja rajmaquiꞌ. Queriꞌ xuban, xucuy ja wil numac jariꞌ xcꞌutbej chi ni nerucuy wiꞌ ja juleꞌ chic nak xqueniman rxin ja nquewil na ja utzlaj cꞌaslemal ja mta qꞌuisic trij.

Hebreos 4:16

Como rotak npokonaj kawach maxta cꞌa tikanaꞌ kiꞌ ja tok nkaban oración tok nokekaj chwach ja rtzꞌulibal ja nimlaj Rey ja bar nkacochij wiꞌ ja rutzil xin Dios. Yukul ta kacꞌuꞌx ruqꞌuin tok nkaban ja roración. Ja cꞌa wi yukul kacꞌux ruqꞌuin jariꞌ nucuy ja kil kamac in tok cꞌo rjawaxic chake nsipaj na ja rutzil chake chi katoꞌic.

Hebreos 6:10

Ja cꞌa Dios mta moda xtuban ta ja ma utz ta xtimestaj ta ja rutzil ja rebanonto, arjaꞌ matimestaj chi congana xetij ekꞌij chi quitoꞌic ja kachꞌalal in cꞌa emajon na quitoꞌic camic. Como congana newajoꞌ ja Dios chewiꞌ tok neꞌetoꞌ.

Santiago 2:13

Queriꞌ rbanic como ja wi matapokonaj quewach ja winak, tok xterilaꞌ ja nimlaj kꞌij xin juicio queriꞌ nba̱n chawe atat chakajaꞌ matipokonax awach. Nowi napokonaj quewach jariꞌ npokonax awach atat chakajaꞌ, ja juicio xin Dios matikaj chawij ja tok xtikꞌet tzij chawij.

Santiago 3:17

Pro ja winak ja jakal quewiꞌ ja ni katzij wiꞌ chi Dios jakyon quewiꞌ quewaꞌ quibanic riꞌ, jun, cꞌo jun chꞌajchꞌojlaj anma cucꞌan, in jun chic, matiquecꞌam rkan sícꞌ chꞌaꞌoj, e utzlaj tak winak, maquechꞌolini, nqueyaꞌ quixquin tre ja nbix chique, nquipokonaj quewach winak, congana utzil nquecꞌut, ma jun ta utz ma jun ta itzel nquetzꞌat in chakajaꞌ matiqueban cacaꞌ quipalaj.

1 Pedro 2:10

Ja nabey ma ix rtinamit ta ja Dios pro ja camic ix rtinamit chic. Ja nabey majun nak ta xewil ja xpokonaj ta ewach pro ja camic xewil ja Dios chi arjaꞌ xpokonaj ewach.