San Mateo 5:5 - Tz'utujil (Ja Cꞌacꞌa Chominem)

⁵ Congana quiꞌil chique ja winak tok cꞌoli nquewil chipan ja quicꞌaslemal in ejeꞌeꞌ ni pa rukꞌaꞌ Dios wiꞌ nquejach wiꞌ, congana quiꞌil chique como chique nyataj wiꞌ jun herencia. Ja herencia ja nyataj chique jariꞌ ja rwachꞌulew.

Tz'utujil NT

⁵ Congan quicotemal rxin Dios nyataja chca wnak tak nquewil je' achnak chpam cc'aslemal tak arj-e' ne pruk'a' Dios nquejach wa' com chca nyataj wa' jun herencia. Ja herencia je nyataja chca jara' rwech ruch'lew.

San Mateo 5:5 Iomraidhean Croise

San Mateo 11:29

Cꞌoli nyaꞌ anin chi ekul, ja tariꞌ newijkaj in tetijoj ewiꞌ trij ja ncꞌut anin chewach como anin cꞌo npaciencia in cꞌo jun chꞌuchꞌujlaj anma wcꞌan. Ja cꞌa wi newijkaj ja nyaꞌ anin chi ekul jariꞌ nxulaꞌni ja rewíꞌ ewanma rmal.

San Mateo 21:5

—Ja winak ja recꞌo chipan ja tinamit Sión quewaꞌ tebij chique riꞌ: —Tetzꞌataꞌ mpeꞌ leꞌ, peti ja Rey ewxin, arjaꞌ matuyaꞌ rukꞌij, xa trij jun ti bur tzꞌubulto wiꞌ. Ja ti bur cꞌa ti coꞌl na, ral jun bur banol ijkaꞌm, catcheꞌ chique. Queriꞌ bitajnak can rmal ja profeta.

Romanos 4:13

Queriꞌ cꞌa rbanic como ja rAbraham arjaꞌ utz tzꞌat rmal ja Dios rumac ja yukulbal rucꞌuꞌx ruqꞌuin in xa rmalariꞌ ja tok Dios xtzujuj jun herencia tre, ma rmal ta ley xin Dios rniman. Como ja Dios cꞌo jun herencia xtzujuj tre ja rAbraham in chique ja riy rumam can, quewaꞌ xbij tre riꞌ: —Noc na ja rwachꞌulew pan akꞌaꞌ, neꞌe ja Dios tre ja rAbraham.

Gálatas 5:23

nkayaꞌ nojel pa rukꞌaꞌ ja Dios in nkakꞌil kiꞌ chakij chi rbanic ja ritzelal. Majun ley xtuchꞌaꞌ ta chake ja wi queriꞌ nkaban.

Efesios 4:2

Maxta kas ix nimak tenaꞌ kaj, xa nak ta ja newil chipan ja recꞌaslemal teyaꞌaꞌ pa rukꞌaꞌ ja Dios, tiqꞌuejeꞌe ja repaciencia in tok chaka jalal neban ofender ewiꞌ tecochꞌoꞌ pro ruqꞌuin ta ja rajoben riꞌil.

Colosenses 3:12

Rmalcꞌariꞌ nbij chewe, como ixchaꞌon rmal ja Dios, como ix rxin chic ja Dios in congana nixrajoꞌ tepokonaj quewach ja winak, tebanaꞌ ja rutzil chique, maxta teyaꞌ ekꞌij chiquewach, xa nak ta ja newil chipan ja recꞌaslemal teyaꞌaꞌ pa rukꞌaꞌ ja Dios, tiqꞌuejeꞌe ja repaciencia

1 Timoteo 6:11

Pro atat Timoteo at ajsamajel rxin ja Dios, maxta queriꞌ taban atat. Ja naban quewariꞌ, nacꞌut ja rawutzil chiquewach ja winak, tayaꞌaꞌ rukꞌij ja Dios in tiyukeꞌ acꞌuꞌx ruqꞌuin ja Jesucristo, tiqꞌuejeꞌe ja rajoben riꞌil xin Dios pan acꞌaslemal, tiqꞌuejeꞌ apaciencia in maxta tayaꞌ akꞌij.

2 Timoteo 2:25

Ja tok ecꞌoli nechꞌaꞌo rxin arjaꞌ nuchꞌob chiquewach pan ekal, ma pan ayewal ta. Queriꞌ nuban como chaka jalal maxla Dios nuyaꞌ chique chi nqueqꞌuex ja quinaꞌoj in nqueyaꞌ can ja ritzelal in ncotakij ja utzlaj tzij xin Jesucristo.

Tito 3:2

Maxta tiquibij itzel tak tzij chique winak, ma tiqueban ta chꞌaꞌoj, quequibanaꞌ respetar canojel ja winak in tiquicꞌutuꞌ ja cutzil chiquewach.

Santiago 1:21

Rmalcꞌariꞌ nbij chewe, teyaꞌaꞌ can jutzꞌit nojel ja xa ntzꞌilorsaj ja rewanma. Janila ritzelal nalaxi in nqꞌuiyi pa tak kanma ja rok winak, teyaꞌaꞌ can nojelal. Nojel ecꞌuꞌx nojel ewanma teyaꞌaꞌ ewxquin chi rcꞌaxaxic ja utzlaj tzij ja ticon chic pa tak ewanma rmal ja Dios, jariꞌ utzlaj tzij janila rchokꞌakꞌ, nixrutoꞌ chipan ja rewil emac chijutij.

Santiago 3:13

Wachꞌalal, wi ecꞌoli checojol ja congana jakal quewiꞌ rjawaxic chi ncucꞌaj jun utzlaj anma in matiqueyaꞌ quekꞌij, ja wi queriꞌ nqueban jariꞌ nquicꞌutbej chi ni katzij wiꞌ chi jakal quewiꞌ.

1 Pedro 3:15

Ja neban, teyaꞌaꞌ rukꞌij ja kajaw Dios pa tak ewanma. Techꞌoboꞌ rij rwach nak rbanic nojel ja rcꞌamonto chewe ja Jesucristo ja bar yukul wiꞌ ecꞌuꞌx. Quirtariꞌ neban utzcꞌa chi nixcowini nechꞌob chiquewach chakajaꞌ ja winak xa nak ta necꞌaxan razón chewe. Pro pan utzil techꞌoboꞌ chiquewach, maxta xa teyabej ekꞌij.

1 Pedro 3:4

Pro ja ta neban, jun utzlaj anma newcꞌaj, jariꞌ más na buena in ni matikꞌax wiꞌ, jariꞌ más na vale nutzꞌat ja Dios.