San Mateo 5:21 - Tz'utujil (Ja Cꞌacꞌa Chominem)

²¹ Ixix ecꞌwaxan ja bitajnak can ojer chique ja winak chi: —Ma teban ta camíc, ja cꞌa wi cꞌo jun xtuban camíc jariꞌ nkꞌe̱t na tzij trij. Queriꞌ ja bitajnak can.

Tz'utujil NT

²¹ Ixix ewc'axan jbitanak cana ojer chca wnak jcawrara: —Mteban ta cmic, wc'ola jun xtuban cmic jara' nk'a't na tzij tzrij. Cara' bitanak cana.

San Mateo 5:21 Iomraidhean Croise

San Mateo 5:27

In jun chic ecꞌwaxan ja bitajnak can ojer chi: —Maxta teban rij tak quewiꞌ ja rewixjayilal owi ewachajilal. Queriꞌ ja bitajnak can.

San Mateo 5:33

In jun chic ecꞌwaxan ja bitajnak can chique ja winak ojer chi: —Maxta ma katzij ta teban ja tok neban jurar pro jariꞌ tebanaꞌ cumplir ja netzujuj tre ja kajaw Dios tok neban jurar. Queriꞌ ja bitajnak can.

San Mateo 5:38

In jun chic ecꞌwaxan ja bitajnak can ojer chi: —Ja wi cꞌo jun xayoj jun rwach queriꞌ nba̱n chawe atat chakajaꞌ, nba̱n rcꞌaxel chawe, nyo̱j jun awach owi cꞌo jun xawasaj jun rey queriꞌ nba̱n chawe atat chakajaꞌ, nba̱n rcꞌaxel chawe, nwasax jun awey. Queriꞌ ja bitajnak can.

San Mateo 5:43

In jun chic ecꞌwaxan ja bitajnak can ojer chi: —Queꞌewajoꞌ ja reprójimo, ja cꞌa recꞌulel itzel queꞌetzꞌataꞌ. Queriꞌ ja bitajnak can.

1 Juan 3:15

Ja wi xa itzel natzꞌat jun awachꞌalal jariꞌ at jun camsanel. Ixix bien ewotak chi majun camsanel rcꞌan ta ja utzlaj cꞌaslemal ja mta qꞌuisic trij.